«قازاقستان» تەلەراديو كورپوراتسياسىنا 2017 جىلعا ەكi ۇلكەن وزگەرiس ەنگiزىلەدى, دەپ جازدى «قازاقستان» رترك» اق-نىڭ باسقارما توراعاسى كەمەلبەك ويشىباەۆ فەيسبۋكتاعى پاراقشاسىندا.
ونىڭ ايتۋىنشا, «قازاقستان» تەلەارناسىندا كورەرمەننiڭ كوڭiلiنەن شىقپاعان بىرقاتار باعدارلاما جابىلادى. «بiرiنشiسi, 2016 جىلدىڭ قورىتىندىسى بويىنشا بiرنەشە باعدارلامالاردى توقتاقتىق. ولاردىڭ قاتارىندا «اگروبيزنەس», «جان جىلۋى», «تابىس سىرى», «بiلگiرلەر بايگەسi». وكiنiشكە وراي, بۇل باعدارلامالار كورەرمەننiڭ كوڭiلiنەن شىقپادى, كونتسەپتسياسىندا, ساپاسىندا وزگەرتۋدi تالاپ ەتەدi. وسىلاي توقسان سايىن ۇلتتىق ارنانىڭ باعداردامالارىن iرiكتەپ تۇرامىز. شامالىسىن توقتاتىپ, ورنىنا تاجiريبەلi ارiپتەستەردi شاقىرىپ سول تاقىرىپتا جاڭا كونتسەپتسيامەن جوبالار جاسايمىز», – دەدى باسقارما توراعاسى. سونىمەن قاتار, الداعى ۋاقىتتا كورپوراتسيا قوعاممەن بايلانىستى جاقسارتپاق.
«ەكiنشi وزگەرiس - قوعاممەن قارىم-قاتىناسىمىزدى اشىق تۇردە جۇيەلەپ جۇرگiزەتiن بولامىز. جاڭا جوبالار جاسار كەزدە, نارىقتاعى تاجiريبەلi پروداكشن كومپانيالاردىڭ بارلىعىن شاقىرىپ, ەرەجەلەرiن الدىن الا بەلگiلەپ, سولاردىڭ اراسىندا سايىس ءجاريالاپ تۇرامىز. وسى تۇرعىدا جوعارىدا ايتىلعانداي توقتاتىلعان باعدارلامالاردىڭ ورنىنا جاڭا تەلەۆيزيالىق جوبالارعا بايقاۋ جاريالايمىز. تەلەباعدارلامالار دايىندايتىن كومپانيالاردى ارىپتەستىككە شاقىرامىز», – دەدى كەمەلبەك ويشىباەۆ. «قازاقستان» ۇلتتىق ارناسىندا شىعاتىن جاڭا كرەاتيۆتى باستاماعا نەگىزدەلگەن باعدارلامالار تاڭدالادى. وسى باعىتتاعى ۇسىنىستار بويىنشا تەلەارنا اگرارلىق, شاعىن جانە ورتا بيزنەسكە قاتىستى, سونىمەن قاتار الەۋمەتتىك جانە كوڭىل كوتەرەرلىك تاقىرىپتارعا بايلانىستى پرەزەنتاتسيا نەمەسە بەينەروليكتەردى وسى جىلدىڭ 20 قاڭتارىنا شەيىن قابىلدايدى.