قوستاناي قالاسىنىڭ ورتالىعىنداعى ازىق-ت ۇلىك ساتاتىن دۇڭگىرشەككە ەكى جىگىت كەشكى اپاق-ساپاقتا كىرىپ كەلىپ, ساتۋشىعا كۇش كورسەتىپ, بۋىندىرامىز دەپ قورقىتىپ, ۇيالى تەلەفونىن جانە سول كۇنى ساۋدادان تۇسكەن 115 مىڭ تەڭگەسىن سىپىرىپ الىپ كەتكەن. ساتۋشى قىز ۇرىلار شىعىسىمەن دەرەۋ «102» تەلەفونىنا حابارلايدى.
دۇڭگىرشەككە جەدەل جەتكەن سەرجانتتار الماس سافين مەن دوستان يسماعۇلوۆ توناۋشىلاردىڭ ءتۇر-تۇلعاسى مەن كيىمىن ساتۋشى ايتىپ بەرگەن سوڭ-اق, ولاردىڭ كىم ەكەنىن باعامدايدى. ويتكەنى, قىراعى پوليتسەيلەر كۇندىز پاترۋلدە جۇرگەندە ءجۇرىسى كۇدىكتى ەكى جاس جىگىتتى بايقاعان بولاتىن. ساتۋشىنىڭ سۋرەتتەگەن ۇرىلارى سول ەكى جىگىتتى بىردەن ەسكە ءتۇسىردى.
پوليتسەيلەر الگى ەكى جىگىتتى جارتى ساعاتتىڭ ىشىندە ۇستادى. 1990 جىلى تۋعان ەكەۋى بۇرىن بىرنەشە سوتتالىپ ۇلگەرگەن, وبلىس ورتالىعىندا تۇرادى, ەش جەردە جۇمىس ىستەمەيدى.
ال اعا سەرجانتتار بۇدان بۇرىن دا قاۋىپتى قىلمىستاردىڭ بەتىن اشقان بولاتىن.
ءنازيرا جارىمبەتوۆا,
«ەگەمەن قازاقستان»