2016-2017 جىلدارعا ارنالعان وقۋ جىلىندا قازاقستاننىڭ 1-سىنىپ وقۋشىلارى ءۇشىن قوسىمشا دەمالىس قاراستىرىلعان, دەپ حابارلادى ءبىلىم مينيسترلىگىنىڭ ءباسپاسوز حاتشىسى ايگەرىم الىبەكوۆا.
«قىركۇيەك ايىندا ءبىلىم جانە عىلىم مينيسترلىگى دەمالىستاردىڭ مەرزىمى مەن وقۋ كەزەڭى جايلى بۇيرىق شىعارعان. سول بۇيرىق اياسىندا دەمالىس مەرزىمدەرى سىنىپ-سىنىپقا ءبولىنىپ كورسەتىلگەن. سول بۇيرىققا سايكەس, 2016 جىلدىڭ قىركۇيەگىندە ءبىرىنشى سىنىپ وقۋشىلارى ءۇشىن ءبىلىم بەرۋدىڭ جاڭا مازمۇنىن ەنگىزگەندىكتەن, 1-سىنىپ وقۋشىلارى بەس كۇن وقيدى. سوعان بايلانىستى, 1-سىنىپ وقۋشىلارى ءۇشىن 1-7 اقپان ارالىعىندا قوسىمشا دەمالىس بەرىلەدى», - دەدى ايگەرىم الىبەكوۆا.
ءباسپاسوز حاتشىسىنىڭ ايتۋىنشا, قالعان سىنىپتىڭ وقۋشىلارى ادەتتەگىدەي وقي بەرەدى.