21-22 قاڭتاردا اۆستريا استاناسى ۆەنادا وپەك+ ەلدەرىنىڭ مۇناي ءوندىرىسىن ازايتۋ تۋرالى كەلىسىمىنىڭ جۇزەگە اسىرىلۋ بارىسىن باقىلاۋ ماقساتىندا وتكەن جىلدىڭ جەلتوقسان ايىندا قۇرىلعان كوميتەتتىڭ وتىرىسى وتەدى, دەپ جازادى investing باسىلىمى.
كوميتەت قۇرامىنا بەس مەملەكەت كىرەدى. ولار: وپەك اتىنان الجير, ۆەنەسۋەلا مەن كۋۆەيت جانە وپەك-كە كىرمەيتىن مۇناي ەكسپورتتاۋشى ەلدەر اتىنان رەسەي مەن ومان. اتالعان بەس مەملەكەت 2017 جىلى وپەك ۇيىمىنا توراعالىق ەتەدى.
ەستەرىڭىزگە سالا كەتەيىك, وتكەن جىلدىڭ 10 جەلتوقسان كۇنى وپەك+ ەلدەرى مۇناي ءوندىرىسىن تاۋلىگىنە 1,8 ملن باررەلگە ازايتۋ تۋرالى شەشىم قابىلداعان ەدى.
وسى ورايدا, قازاقستاننىڭ تاۋلىگىنە 20 مىڭ باررەل ازايتۋى ءتيىس. ەنەرگەتيكا مينيسترلىگىنىڭ مالىمەتىنشە, قازاقستان قازىردە اتالعان كورسەتكىشتى ازايتىپ, ءوز مىندەتتەمەسىن ورىنداپ وتىر.