حايۋاناتتار پاركى تۋرالى وبلىستا بۇرىننان ايتىلىپ جۇرەتىن. باستامانى بيولوگتار مەن اۋەسقوي تابيعات قورعاۋشىلار ارا-تۇرا كوتەرىپ قوياتىن. ەندى ولار ناقتى ىسكە كىرىسىپ وتىر. قازىر وبلىس ورتالىعىندا ەسىگىن ەندى اشقان «تەرەموك» حايۋاناتتار پاركىنىڭ 20 تۇرعىنى بار. قولتىراۋىن, قويان, ەنوت, جىلاننىڭ تۇرلەرى, شينشيللا, ءتيىن, ۇكى, قۇرباقا, تاسباقا بولىپ جالعاسا بەرەدى. حايۋاناتتار پاركىنىڭ ديرەكتورى ەلەنا يۋرەۆا قوستانايلىقتار مەن قالا قوناقتارى ءۇشىن مۇنداي ورىننىڭ كەرەكتىگىن ايتتى.
«ءبىز ۇزاق جىلدار تسيرك ونەرىمەن اينالىسامىز. وندا جانۋارلارمەن ونەر كورسەتەتىن نومەرلەر بار. بىراق كانيكۋل كەزىندە امالسىز ولاردى ۇيدە ۇستادىق. ويلانا كەلە جانۋارلار ءتۇرىن كوبەيتىپ, جۇرتشىلىققا ۇسىنۋدى دۇرىس كوردىك. بىراق قارجىلاي قولداۋ بولا ما دەپ كۇتكەنمەن ەشنارسەگە قولىمىز جەتپەدى. سوندىقتان ءوزىمىزدىڭ وتباسىمىزبەن نەسيە الدىق تا, حايۋاناتتار پاركىن اشۋعا تاۋەكەل جاسادىق», – دەدى ەلەنا يۋرەۆا.
«تەرەموك» ۇجىمى الداعى ۋاقىتتا ايۋ, قابىلان سەكىلدى ءىرى جانۋارلار العىسى كەلەدى ەكەن. الايدا, وعان كاسىبي عيمارات, ماۋسىم سايىن اڭداردى كوشىرىپ وتىراتىن, ارنايى الاڭ جوق. بىراق بۇل ماسەلە قالانىڭ دا, وبلىستىڭ دا دامۋ جوسپارىندا ايتىلعان ەمەس.
ءنازيرا جارىمبەتوۆا,
«ەگەمەن قازاقستان»