ورتا سالماقتا WBA بەلبەۋىنىڭ يەگەرى دەننيەل دجەيكوبس (32-1, 29 كو) WBA (Super), IBO, WBC جانە IBF تۇجىرىمدارى بويىنشا ءدال وسى سالماقتا الەم چەمپيونى گەننادي گولوۆكينگە (36-0, 33 كو) قارسى جەكپە-جەگى تۋرالى پىكىرىن ءبىلدىردى. بۇل تۋرالى vesti.kz حابارلادى.
«الەمگە ءوزىمنىڭ مىقتى ەكەنىمدى دالەلدەۋىم كەرەك. سىزدەر ورتا سالماقتاعى جاڭا چەمپيوندى كورەتىن بولاسىزدار. گولوۆكيننىڭ كۇشىنە ءشۇبا كەلتىرە المايمىن. ول ۇزدىكتەردىڭ ءبىرى. بىراق ونى جەڭۋ قولىمنان كەلەدى دەپ ويلايمىن. WBA بۇل كەزدەسۋدى ۇيىمداستىرماس بۇرىن وعان سەرحيو مورامەن وتكەن كەزدەسۋدەن كەيىن ۇسىنىس تاستاعانمىن. مىنە, وعان دا جەتتىم. ەندى 18 ناۋرىز كۇنى رينگتە مەنىڭ جۇدىرىقتارىم عانا سويلەيتىن بولادى», – دەدى دجەيكوبس.
بۇعان دەيىن GGG امەريكالىقتى ءوزىنىڭ ۇزدىك قارسىلاسى ەكەنىن, سونداي-اق قوبالجىپ جۇرگەنىن دە ايتقان بولاتىن.