مۋزىكالىق ستريمينگتىك Spotify قىزمەتى باراك وباماعا 20 قاڭتاردا پرەزيدەنتتىكتەن بوساعاننان كەيىن وزدەرىنە جۇمىسقا شاقىردى, دەپ حابارلايدى BBC.
Spotify كومپانياسى سايتىندا President of Playlists (پلەيليست پرەزيدەنتى) قىزمەتىنە جاڭا ۆاكانسيا اشىلدى. حابارلامادا بۇل ورىنعا كەلگەن ادام پلەيليستتىڭ قۇرالۋىن قاداعالاپ, 60-تان استام ەلدە قىزمەت كەڭسەلەرى جۇمىسىن تەكسەرىپ وتىرماق.
"پلەيليست پرەزيدەنتىنىڭ" باستى ماقساتى كومپانيا ءۇشىن جاڭا يدەيا ويلاپ تابۋ جانە الەمدىك كوشباسشىلىققا جەتەلەۋ. وسى ماقساتتا اتقارىلاتىن جۇمىستاردىڭ ءبىر نۇسقاسى رەتىندە حابارلامادا "ۇلتقا جولداۋ رەتىندە دەنساۋلىق ساقتاۋ زاڭناماسىن دا قوسۋعا بولادى" دەپ جازىلعان. ايتا كەتەيىك, پرەزيدەنتتىك كەزىندە وبامانىڭ "وباماساقتاۋ" (Obamacare) اتتى دەنساۋلىق ساقتاۋ باعدارلاماسى بولعان.
بوس ۆاكانسياعا يە بولۋ ءۇشىن حابارلامادا مىناداي تالاپتار جازىلعان: "سىيلى ەلدى باسقارۋدا سەگىز جىل تاجىريبەسى مەن نوبەل سىيلىعى بولۋى كەرەك."
حابارلامادا وبامانىڭ اتى تىكەلەي اتالماعانىمەن, اتالعان تالاپتارعا وباما تولىقتاي ساي كەلەدى. حابارلامانى وبامانىڭ ءوزى كورۋى ءۇشىن اتالعان كومپانيانىڭ اتقارۋشى ديرەكتورى دانيەل ەك وباماعا تۋيت جازعان.
ازىرگە وباما بۇل ۇسىنىسقا جاۋاپ بەرگەن جوق.