قازاقستاندىق بوكسشى گەننادي گولوۆكين (36-0, 33 كو) مەن امەريكالىق دانيەل دجەيكوبس (32-1, 29 كو) 18 ناۋرىزدا وتەتىن جەكپە-جەتەرى الدىندا العاشقى كوزقاراستار دۋەلىن وتكىزدى.
بۇگىن Madison Square Garden ارەناسىندا ارنايى ءباسپاسوز ءماسليحاتى ءوتتى. مۇندا گەننادي گولوۆكين ناقتى ءبىر بولجام ايتۋدان باس تارتتى. ءوزىنىڭ جاراتۋشى ەمەستىگىن, تەك جاراتقان بەرگەن كۇشتى ءتيىمدى پايدالانىپ جۇرگەنىن ايتتى. بۇعان دەيىن دجەيكوبستىڭ مىقتىلىعىن مويىندايتىنىن ايتقان ەدى.
ال باپكەرلەر كەزدەسۋ بىرەۋىنىڭ نوكاۋتىمەن اياقتالاتىنىن جاسىرمادى.
ايتا كەتەيىك, قوس بوكسشىنىڭ اراسىنداعى ايقاس 18 ناۋرىزدا نيۋ-يورك قالاسىنداعى Madison Square Garden ارەناسىندا وتەدى. اقش-تا جەكپە-جەكتى HBO تەلەارناسى PPV اقىلى جۇيەسى ارقىلى كورسەتەدى. ال قازاقستاندا «KazSport» جانە «قازاقستان» تەلەارنالارى تاراتادى.