بۇگىن قازاقستاننىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى تۇراقسىز اۋا رايى ساقتالادى, جاۋىن-شاشىن بولادى, جاۋىن-شاشىنسىز كۇن رايى تەك ەلدىڭ باتىسى مەن شىعىسىندا كۇتىلەدى. كەي جەرلەردە تۇمان, كوكتايعاق, بۇرقاسىن بولىپ, جەل كۇشەيەدى, دەپ حابارلايدى «قازگيدرومەت».
اقمولا, قوستاناي وبلىستارىنىڭ كەي جەرلەرىندە بۇرقاسىن, تۇمان كۇتىلەدى, كۇندىز جەكەلەگەن اۋماقتاردا جەل 15-20 م/س كۇشەيەدى.
وڭتۇستىك قازاقستان, شىعىس قازاقستان وبلىستارىنىڭ كەي جەرلەرىندە تۇمان بولۋى مۇمكىن, 15-20 م/س-پەن سوققان جەلدىڭ ەكپىنى 25 م/س-قا ارتۋى ىقتيمال.
شىعىس قازاقستان وبلىسىندا بۇرقاسىن جەل سوعادى.
قىزىلوردا وبلىسىندا, تۇندە ماڭعىستاۋ وبلىسىنىڭ كەي جەرلەرىندە تۇمان, كوكتايعاق بولادى. مانعىستاۋ وبلىسىنىڭ كەي جەرلەرىندە تۇمان, كۇندىز كوكتايعاق بولىپ, 15-20 م/س ەكپىندەگى جەلدىڭ كۇشى 25 م/س-قا جەتەدى. وڭتۇستىك-باتىس بولىگىندە 30 م/س-قا جەتۋى مۇمكىن.
اتىراۋ وبلىسىندا, تۇندە اقتوبە وبلىسىنىڭ كەي جەرلەرىندە تۇمان كۇتىلەدى.
پاۆلودار وبلىسىنىڭ جەكەلەگەن جەرلەرىندە كۇندىز جاياۋ بۇرقاسىن سوعىپ, 15-20 م/س جەل بولادى.
قاراعاندى وبلىسىنىڭ كەي جەرلەرىندە تۇندە تۇمان بولىپ, كۇندىز بۇرقاسىن, كوكتايعاق, 15-20 م/س ەكپىندەگى جەل بولجانادى.
الماتى وبلىسىنىڭ جالاڭاشكول اۋدانىندا جەلدىڭ ەكپىنى 18-28 م/س-قا كۇشەيىپ, تۇندە كەي جەرلەردى تۇمان باسادى.
جامبىل وبلىسىنىڭ جەكەلەگەن اۋماقتارىندا دا تۇمان كۇتىلەدى, تاڭەرتەڭ جانە كۇندىز جەل 15-20 م/س-قا كۇشەيەدى.