«تاۋەلسىزدىك ءپوليۋسى» شاڭعى ەكسپەديتسياسىنىڭ قاتىسۋشىلارى – ماعجان ساعىمباەۆ, ءىلياس عالىمبەكوۆ, يۋري يۋشين جانە داۋلەت ءشارىپوۆ وڭتۇستىك پوليۋستەن ورالدى, دەپ حابارلايدى قازاقپارات.
وڭتۇستىك ءپوليۋستى باعىندىرۋشىلار شاڭعىمەن 217 شاقىرىمدى ءجۇرىپ ءوتتى. ماعجان ساعىمباەۆ پەن ءىلياس عالىمبەكوۆ تاۋەلسىزدىك كۇنى مەرەكەسىندە كوك تۋىمىزدى انتاركتيدانىڭ ەڭ بيىك نۇكتەسى- ۆينسون شىڭىنا (4892 م) تىكتى. ءتىپتى مەرەكەنى ساياحاتشىلار ماڭگى مۇز باسقان ولكەدە قارسى الا وتىرىپ, قازاقستاندىقتاردى جەر شارىنىڭ وڭتۇستىك پوليۋسىنەن جاڭا 2017 جىلمەن قۇتتىقتادى.
جوسپارلانعانداي, ولار جەردىڭ بارلىق مەريدياندارى توعىسقان وڭتۇستىك ەندىكتىڭ 90 گرادۋس نۇكتەسىنە 10 كۇندە-اق جەتتى. كۇندەلىكتى پوليارشىلار 20 شاقىرىمنان جەدەل ىلگەرىلەپ, كوماندانىڭ مۇشەلەرى بارلىعىن ساناعاندا انتاركتيكا دالاسىنىڭ 217 شاقىرىمىن ءجۇرىپ ءوتتى.
قازاق تۋى سولتۇستىك ءپوليۋستىڭ اسپانىندا جەلبىرەدى. ال, قازاقستاننىڭ العاشقى شاڭعى ەكسپەديتسياسى سولتۇستىك ءپوليۋستى باعىندىرىپ, جەردىڭ ەڭ سولتۇستىك نۇكتەسىنە قازاقستاننىڭ مەملەكەتتىك تۋىن جانە قازاقستان حالقى اسسامبلەياسىنىڭ جالاۋىن قادادى.
ايتا كەتەيiك, شاڭعى ەكسپەديتسياسى بارنەو - سولتۇستiك پوليۋس ارالىعىن قامتىدى. توپ 31 ناۋرىزدا الماتىدان ماسكەۋگە, ماسكەۋدەن - نورۆەگيانىڭ وسلو قالاسىنا, ودان ءارi لونگيرگە اتتانعان بولاتىن. ال 4 ساۋiردە لونگيردەن بارنەو مۇزدى اەرودرومىنا ۇشىپ بارىپ, سول جەردەن سولتۇستiك پوليۋسكە دەيiنگi شاڭعى ەكسپەديتسياسىن باستادى.