ەسىل اۋدانىندا «نۇرلى جول» باعدارلاماسى اياسىندا 6,9 ميلليارد تەڭگەنiڭ بۋ قازاندىعى سالىنۋدا. بۇل وڭىردەگى ەڭ ءىرى ءارى تۇرعىندار سۇرانىسىنداعى اسا قاجەت جوبا سانالادى.
مەردiگەر كومپانيا – «ششۋچە قازاندىق-مەحانيكالىق زاۋىتى» جشس باس ديرەكتورى مارات احمەتوۆتىڭ ايتۋىنشا, نىساندا بۇگiندە گەودەزيالىق جۇمىستار تولىق اياقتالعان, اۋماق قورشالىپ, ۆاحتالىق قالاشىق جۇمىس ىستەپ تۇر. سونداي-اق, بولاشاق قازاندىقتىڭ iرگەتاسى قالانىپ, قابىرعالارى كوتەرىلگەن.
– جوبانىڭ جالپى قۇنى 6,9 ميلليارد تەڭگەنi قۇرايدى. بۋ قازاندىعىن سالۋ اۋدانداعى بارلىق جەكە ءۇي سەكتورىن, مەملەكەتتiك مەكەمەلەر مەن جەكە كاسiپورىنداردى جىلۋمەن ۇزدiكسiز قامتاماسىز ەتۋگە مۇمكiندiك بەرەدi. سونداي-اق, بۇل جوبانى ءجۇزەگە اسىرۋ قالانىڭ ەكولوگيالىق جاعدايىن بارىنشا جاقسارتاتىنى بەلگىلى. ويتكەنi, وسى نىساندى پايدالانۋعا بەرۋ ناتيجەسىندە 10 ۇساق بۋ قازاندىعى ءوز جۇمىستارىن توقتاتادى. قازاندىق جۇمىس جوسپارىندا كورسەتىلگەن مەرزiمدە, ياعني 2018 جىلدىڭ قىركۇيەك ايىندا تولىق قۋاتىندا ىسكە قوسىلادى, – دەيدى مارات نۇرسەيىت ۇلى.
باقبەرگەن امالبەك,
«ەگەمەن قازاقستان»
اقمولا وبلىسى