قازاقستاندىق بوكسشى قانات يسلام (22-0, 18 كو) WBO نۇسقاسى بويىنشا ءبىرىنشى ورتا سالماقتا الەم چەمپيونى مەكسيكالىق ساۋل «كانەلو» الۆارەسپەن (48-1-1, 34كو) جۇدىرىقتاسۋى مۇمكىن. بۇل تۋرالى allboxing.ru حابارلادى.
Fightnews.com اقپاراتى بويىنشا, قوس تاراپ ورتاق كەلىسىمگە كەلسە, كەزدەسۋ 6 مامىر كۇنى اقش-تىڭ تەحاس شتاتىنداعى 80 مىڭ كورەرمەنگە ارنالعان «داللاس كوۆبويز» ستاديونىندا وتپەك. الۆارەس بۇعان ءوزىنىڭ WBO بەلبەۋىن قويۋعا قارسى ەمەس.
ايتا كەتەيىك, «كانەلونىڭ» وكىلدەرى سوڭعى بىرنەشە اپتادا كىشى حۋليو سەسار چاۆەسپەن كەزدەسۋ ۇيىمداستىرۋ جونىندە كەلىسسوزدەر جۇرگىزگەن. بىراق بۇل ءىس جاقىن ارادا اياقتالمايتىن سىڭايلى. سول سەبەپتى «كانەلو» مامىر ايىندا بەلبەۋىن قورعاۋ ءۇشىن يسلامعا قارسى جەكپە-جەك وتكىزۋى مۇمكىن.
مەكسيكالىق سوڭعى رەت 2016 جىلدىڭ 17 قىركۇيەگىندە اتالعان ستاديوندا بريتانيالىق ليام ءسميتتى نوكاۋتپەن ۇتقان. ال قانات 29 قازاندا تورەشىلەردىڭ شەشىمىمەن گانالىق پاتريك اللوتەيدى جەڭگەن بولاتىن. 32 جاستاعى قازاقستاندىق بىلعارى قولعاپ شەبەرى قازىرگى ۋاقىتتا اقش-تا جاتتىعىپ ءجۇر.