ءماجىلىستىڭ حالىقارالىق ىستەر, قوعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ يران يسلام رەسپۋبليكاسى سىرتقى ىستەر ءمينيسترىنىڭ ورىنباسارى حاسان كاشكاۆيمەن كەزدەستى. بۇل تۋرالى قر پارلامەنتى ءماجىلىسىنىڭ ءباسپاسوز قىزمەتىنەن حابارلادى.
تاراپتار ەكى جاقتىڭ ساياسي, ساۋدا-ەكونوميكالىق, ينۆەستيتسيا, پارلامەنتارالىق جانە مادەني-ىزگىلىكتى بايلانىستارى جايىندا جانە دە ايماقتاعى جانە الەمدەگى احۋال تۋرالى پىكىر الماستى. پارلامەنتشى ايماقتاعى بەيبىتشىلىك پەن تۇراقتىلىقتى قولداۋدا يراننىڭ ايرىقشا ورىن الاتىنى اتاپ ءوتىلدى. بۇگىنگى تەرروريزم مەن ءدىني ەكسترەميزم جانە ەسىرتكى تاسىمالى ماسەلەلەرىنىڭ قاۋىپ-قاتەرى جايىنا دا توقتالدى.
ەكى جاق تا مەملەكەتتەردىڭ زاڭ شىعارۋشى ورگاندارى اراسىنداعى بەلسەندى ىنتىماقتاستىق بايلانىستار جايىندا وي ءبولىستى. دەپۋتات پەن ديپلومات ءارتۇرلى دەڭگەيدەگى رەسمي ساپارلار, ءتۇرلى ءىس-شارالارعا قاتىسۋ بايلانىستاردى بەكىتە تۇسەتىنىنە سەنىمدىلىك تانىتتى.