2017 جىلدان باستاپ قازاقستان مەن قىتاي اراسىنداعى اۋە قاتىناسى اپتاسىنا 42 رەيسكە دەيىن ارتادى. بۇل تۋرالى قر سىرتقى ىستەر مينيسترلىگىنىڭ بريفينگىندە قىتايداعى قازاقستان ەلشىسى شاحرات نۇرىشەۆ ايتتى, دەپ حابارلايدى egemen.kz BNews.kz - كە سىلتەمە جاساپ.
«ەكى ەل اراسىنداعى اۋە قاتىناسىنىڭ جيىلىگىن اپتاسىنا 35-كە دەيىن ارتتىرۋ كوزدەلىپ وتىر. ولاردىڭ 21-ءىن قازاقستاندىق, 14-ءىن قىتاي اۋە تاسىمالداۋشىلارى جۇزەگە اسىرادى. ال 2017 جىلدىڭ قاڭتارىنان باستاپ بۇل كورسەتكىش اپتاسىنا 42 رەيسكە دەيىن جەتەدى", - دەدى ش.نۇرىشەۆ.