اقش-تا داۋىس بەرۋ كەزىندە سەلفي جاساۋعا تىيىم سالىندى, دەپ حابارلايدى egemen.kz Associated Press-كە سىلتەمە جاساپ. سايلاۋدا ءوز-ءوزىن سۋرەتكە ءتۇسىرۋدى 18 شتات زاڭسىز دەپ تاپتى. مىسالى, يللينويس شتاتىندا داۋىس بەرۋ كابيناسىندا سۋرەتكە ءتۇسۋ اۋىر قىلمىس سانالاتىن بولدى. ءتىپتى, 3 جىل باس بوستاندىعىنان ايىرۋ جازاسى كوزدەلگەن. كولورادو شتاتىندا دا مۇنداي سۋرەتتەرگە تۇسۋگە بولمايدى. نيۋ-دجەرسيدىڭ زاڭى بويىنشا, داۋىس بەرۋشىگە سۋرەتكە تۇسۋگە رۇقسات بەرىلمەسە دە, ول ءوز تاڭداۋىن الەۋمەتتىك جەلىدە جاريالاي الادى.
ارينە, بۇل بيۋللەتەندى ەشكىمگە كورسەتپەۋ كەرەك دەگەن قاۋىپسىزدىك شارالارىنان تۋىنداسا دا, كوپشىلىك زاڭعا ريزا ەمەستىگىن بىلدىرۋدە. ال كولۋمبيا وكرۋگى مەن باسقا 19 شتات سەلفي جاساۋعا رۇقساتتارىن بەردى. Associated Press قالعان شتاتتاردا زاڭ ءالى انىق ەمەس دەيدى.
جاقىندا دجاستين تيمبەرلەيك لوس-اندجەلەستەن ارنايى مەمفيس قالاسىنا بارىپ, الدىن الا داۋىس بەرگەن ەدى. ءوزىنىڭ سۋرەتىن جاريالاعان ءانشى بۇل شتات تا سەلفيگە تىيىم سالعاندىقتان, جازاعا تارتىلۋى مۇمكىن.