سەۋلدە قازاقستان رەسپۋبليكاسى پرەزيدەنتى ءارحيۆىنىڭ ديرەكتورى بوريس جاپاروۆ پەن كورەيا ۇلتتىق ءارحيۆىنىڭ پرەزيدەنتى لي سان دجين قازاقستاندىق جانە كورەيالىق مۇراعاتشىلاردىڭ ىنتىماقتاستىعى تۋرالى مەموراندۋمعا قول قويدى, دەپ حابارلايدى egemen.kz 24.kz - كە سىلتەمە جاساپ. بۇل قۇجاتقا سايكەس ەكى مەملەكەتتىڭ ارحيۆ قىزمەتكەرلەرى تاجىريبە الماسىپ, عىلىمي زەرتتەۋلەر جۇرگىزەدى.
ساپار بارىسىندا قازاقستاندىق تاراپ كورەيا پرەزيدەنتىنىڭ ءارحيۆىن ارالادى. وندا كورەيانى باسقارعان ون ءبىر باسشى تۋرالى قۇجاتتار مەن ولاردىڭ جەكە زاتتارى قويىلعان. ون ەكىنشى پرەزيدەنت پاك كىن حە تۋرالى دەرەكتەر ول ءوز وكىلەتتىگىن تاپسىرعاننان كەيىن پايدا بولادى. سونداي-اق ارحيۆتە نۇرسۇلتان نازارباەۆتىڭ كورەيانىڭ ەكس-پرەزيدەنتى نو مۋ حيونگە 2004 جىلى تابىستاعان سىيلىعى دا بار.