«قازاقستان ينجينيرينگ» ۇك» اق-تىڭ قۇرامىنا كىرەتىن قازاقستاندىق «گيدروپريبور» عزي» العاش رەت قر قك اسكەري-تەڭىز كۇشتەرىنىڭ ارنايى ماقساتتاعى بولىمشەلەرىنە ءموبيلدى سۇڭگۋىر كەشەنىن جەتكىزىپ بەرۋدى جۇزەگە اسىرادى, دەپ حابارلايدى egemen.kz قورعانىس مينيسترلىگىنىڭ رەسمي سايتىنا سىلتەمە جاساپ.
اتالمىش كەشەن كاسپي تەڭىزىنىڭ سۋاستى ايدىنىن كۇزەتۋ ءۇشىن ارنالعان. قازىرگى ۋاقىتتا عىلىمي-زەرتتەۋ ينستيتۋتى وسى جابدىقتى اسكەري تەڭىزشىلەرگە تاپسىرۋ جونىندە ءتيىستى سىنامالار جۇرگىزۋدە. جاۋىنگەرلىك تاپسىرمالاردى ورىنداۋمەن قاتار جاڭا ءموبيلدى سۇڭگۋىر كەشەنى جابدىقتالماعان جاعالاۋ جاعدايلارىندا سۇڭگۋىرلەردىڭ جاتتىعۋ تۇرعىسىنداعى شوگۋىن قامتاماسىز ەتەدى. ونىڭ قۇرامىنا سۇڭگۋىرلىك تۇسۋلەردى قامتاماسىز ەتۋ قۇرالدارى بار مودۋل, اشىق جانە تۇيىقتاۋلى ۇلگىدەگى تىنىس الۋ اپپاراتتارى مەن تەڭىزدە جۇمىس جاساۋعا ارنالعان ارنايى قايىق كىرەدى. جەتكىزىلەتىن كەشەن جوعارى ءوتىمدى كاماز ءاۆتوموبيلىنىڭ بازاسىندا ورنالاستىرىلعان. اتالعان تەحنيكا جۇك اۆتوموبيلدەرى مەن ارنايى تەحنيكانى جيناۋ بويىنشا مامانداندىرىلعان «كاماز ينجينيرينگ» اق بىرلەسكەن قازاقستاندىق-رەسەيلىك وندىرۋشىدەن ساتىپ الىندى. جەتكىزىلىپ بەرىلەتىن كەشەن قر قم اتك بولىمشەلەرىنىڭ جاۋىنگەرلىك ازىرلىگى مەن جاۋىنگەرلىك قابىلەتتىلىگىن ارتتىرادى.