قازاقستان رەسپۋبليكاسىنىڭ مەملەكەتتىك حاتشىسى گ.ن.ابدىقالىقوۆا اقمولا وبلىسىنا جۇمىس ساپارىمەن كەلدى.
ساپار بارىسىندا گۇلشارا ابدىقالىقوۆا كوكشەتاۋ قالاسىندا قر تاۋەلسىزدىگىنىڭ 25-جىلدىعى اياسىندا قازاقستان حالقى اسسامبلەياسىنىڭ اقمولا وبلىسى بويىنشا فيليالى كەڭەسىنىڭ كەڭەيتىلگەن وتىرىسىنا قاتىستى.
كەڭەسكە قاتىسۋشىلاردىڭ الدىندا سويلەگەن سوزىندە گۇلشارا ابدىقالىقوۆا قازاقستان حالقى اسسامبلەياسىنىڭ جالپىۇلتتىق بىرلىك پەن قوعامدىق كەلىسىمدى نىعايتۋداعى ءرولىن اتاپ ءوتتى.
«ەلباسى اتاپ ايتقانداي, تاۋەلسىزدىك حالىقتى - بەيبىتشىلىك پەن كەلىسىمدى ساقتاۋشى قازاقستان حالقى اسسامبلەياسىنىڭ ءبىر شاڭىراعىنىڭ استىنا بىرىكتىردى. قازاقستان حالقى اسسامبلەياسىنىڭ اقمولا وبلىستىق فيليالى جۇزدەن استام قوعامدىق پىكىر كوشباسشىلارىنىڭ باسىن بىرىكتىرىپ وتىر. قىرىقتان استام ەتنومادەني بىرلەستىكتەر ايماقتىڭ قوعامدىق-مادەني ومىرىنە بەلسەندى قاتىسا وتىرىپ, «ماڭگىلىك ەل» جالپىۇلتتىق پاتريوتتىق يدەياسىنىڭ ىسكە اسىرىلۋىنا قوماقتى ۇلەستەرىن قوسۋدا», دەپ اتاپ ءوتتى مەملەكەتتىك حاتشى ءوز سوزىندە.