قازاقستان پرەزيدەنتى نۇرسۇلتان نازارباەۆ قاتار مەملەكەتىنىڭ ءامىرى, شەيح تاميم بەن حاماد ءال تانيگە شەيح حاليف بەن حاماد ءال ءتانيدىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
مەملەكەت باسشىسى حاليف بەن حاماد ءال ءتانيدىڭ قازاسى تۋرالى حاباردى زور كۇيزەلىسپەن قابىلدادى.
«وسى قيىن ساتتە ورنى تولماس قازاعا ورتاقتاسا وتىرىپ, ءسىزدى جانە جاقىندارىڭىزدى بەكەم بولۋعا, سابىرلىلىق ساقتاۋعا شاقىرامىن» دەلىنگەن كوڭىل ايتۋ جەدەلحاتىندا.
سونىمەن قاتار, جەدەلحاتتا بار عۇمىرىن قاتار مەملەكەتىنىڭ قالىپتاسۋىنا جانە حالىقارالىق ارەنادا يسلامنىڭ مۇددەسىن قورعاۋ جولىنا ارناعان شەيح حاليف بەن حاماد ءال ءتانيدىڭ تاريحي تۇلعا جانە بەدەلدى ساياساتكەر رەتىندە ءاردايىم ەستە قالاتىنى اتاپ وتىلگەن.