قىزىلوردا وبلىسى شيەلى اۋدانىندا تامپوناجدى تسەمەنت زاۋىتىنىڭ قۇرىلىسى باستالدى. قۇرىلىستىڭ ىرگەتاسىن قالاۋ راسىمىنە قىزىلوردا وبلىسىنىڭ اكىمى قىرىمبەك كوشەرباەۆ قاتىستى, دەپ حابارلايدى ەگەمەناقپارات وبلىستىق اكىمدىككە سىلتەمە جاساپ.
«شەتەلدىك ينۆەستورلاردى تارتىپ, ايماعىمىزدا زاۋىت قۇرىلىسىن باستاپ جاتقان كاسىپكەرلەرگە, سونىمەن قاتار, ايماق ەكونوميكاسىنىڭ دامۋىنا ەلەۋلى ۇلەس قوسقان قازاقستاننىڭ ەڭبەك سىڭىرگەن قايراتكەرى, ەلىمىزدىڭ ماقتانىشى, اتاقتى بالۋان داۋلەت بولات ۇلى تۇرلىحانوۆقا, «داناكە كورپوراتسياسى» جشس ديرەكتورى گۇلنار سماعۇلقىزى تۇرلىحانوۆاعا, «گەجۋبا گرۋپپ» كومپانياسى باسشىلىعىنا العىسىمدى بىلدىرگىم كەلەدى», دەدى اكىم.
ايتا كەتەيىك, «گەجۋبا-شيەلى تسەمەنت كومپانياسى» جشس جىلىنا 1 ملن. توننا تامپوناجدى تسەمەنت وندىرەتىن بولادى. زاۋىت قۇرىلىسى 2018 جىلى اياقتالادى. كاسىپورىن تولىقتاي ىسكە قوسىلعان كەزدە 300-گە جۋىق ادام جۇمىسپەن قامتىلادى. مەملەكەت زاۋىت قۇرىلىسى ءۇشىن اۋماعى 46 گەكتاردى قامتيتىن جەر تەلىمىن ءبولىپ بەردى.
ەستەرىڭىزگە سالا كەتەيىك, بيىل ماۋسىم ايىندا جاڭاقورعان اۋدانىندا رەسەيلىك «گلوبالنايا بەزوپاسنوست» جابىق اكتسيونەرلىك قوعامىمەن بىرلەسىپ, قۇرىلىس تسەمەنتىن وندىرەتىن زاۋىت قۇرىلىسى باستالعان بولاتىن. بۇل زاۋىت تا 2018 جىلى پايدالانۋعا بەرىلەدى دەپ جوسپارلانۋدا.
[caption id="attachment_68629" align="aligncenter" width="560"] ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption]