ۇلتتىق ەكونوميكا ءمينيسترى قۋاندىق بيشىمباەۆ جۇرتشىلىقپەن سالىق ساياساتىنىڭ نەگىزگى باعىتتارىن تالقىلادى جانە سالىق كودەكسىنە ەنگىزىلەتىن وزگەرىستەر تۋرالى ايتىپ بەردى.
پرەزيدەنت نۇرسۇلتان نازارباەۆ پارلامەنت سەسسياسىن اشقان كەزدە, دەپۋتاتتار مەن ۇكىمەت جۇمىس جاسايتىن زاڭ جوباسى ادامداردىڭ ءومىرىن جاقسارتۋعا جانە ەڭ ماڭىزدى ماسەلەلەردى شەشۋگە باعىتتالعانىنا نازار اۋدارا كەلىپ, ازاماتتارعا زاڭنامالىق جاڭالىقتار تۋرالى ناقتى اقپارات بەرۋ ءۇشىن تۇسىندىرمە جۇمىستارىن جۇرگىزۋ قاجەتتىگىن اتاپ ايتقان ەدى. جۇما كۇنى بولىپ وتكەن سالىق ساياساتىن تالقىلاۋعا ۇلتتىق ەكونوميكا مينيسترلىگىنىڭ, قارجى مينيسترلىگىنىڭ, ۇلتتىق بانكتىڭ, ەنەرگەتيكا مينيسترلىگىنىڭ, مەملەكەتتىك كىرىستەر كوميتەتىنىڭ, «اتامەكەن» ۇلتتىق كاسىپكەرلەر پالاتاسىنىڭ, تاۋار وندىرۋشىلەر قاۋىمداستىعى مەن قوعامدىق ۇيىمداردىڭ, بۇقارالىق اقپارات قۇرالدارىنىڭ وكىلدەرى قاتىستى.
ۇلتتىق ەكونوميكا مينيسترلىگى قارجى مينيسترلىگىمەن بىرلەسىپ قولايلى كاسىپكەرلىك ورتانى قالىپتاستىرۋعا باعىتتالعان سالىق سالۋ جانە كەدەندىك اكىمشىلەندىرۋدى جەتىلدىرۋ بويىنشا زاڭ جوباسىن ازىرلەدى.
«اسىل تۇقىمدى مال بازاسىن ۇلعايتۋ ءۇشىن وتاندىق اۋىلشارۋاشىلىق ءونىمىن وندىرۋشىلەردى قولداۋ ماقساتىندا يمپورتتالعان اسىل تۇقىمدى مالدىڭ ءولۋى جانە ءماجبۇرلى سويىلۋى كەزىندە تابيعي كەمۋ نورماتيۆتەرى شەگىندە ققس بويىنشا جەڭىلدىكتەردى قولدانۋ ۇسىنىلادى», – دەدى مينيستر.
بۇدان باسقا, الكوگول ونىمدەرىنە اكتسيزدەردى كەزەڭ-كەزەڭمەن ۇلعايتۋ كوزدەلگەن.
زاڭ جوباسىندا سالىقتىق جانە كەدەندىك اكىمشىلەندىرۋ بولىگىندە سالىق جانە كەدەندىك داۋلاردى سوتقا دەيىنگى رەتتەۋ, بارلىق ققس تولەۋشىلەر ءۇشىن مىندەتتى ەلەكتروندى شوت-فاكتۋرالاردىڭ كوشىرمەسىنە كەزەڭ-كەزەڭمەن كوشۋ, سالىقتىق نەمەسە كەدەندىك تەكسەرۋلەر جۇرگىزۋ بارىسىندا ە-اۋديت (ەلەكتروندى اۋديت) ەنگىزۋ مەرزىمدەرىن اۋىستىرۋ, سالىقتىق ەسەپتىلىك نىساندارىن وڭتايلاندىرۋ بويىنشا تۇزەتۋلەر كوزدەلگەن.
مەرەكە تاڭاتاروۆ