بۇگىن ەلوردادا «استانا ەكسپو-2017» ۇك» اق باسقارما توراعاسى احمەتجان ەسىموۆ بىرقاتار شەت مەملەكەتتەردىڭ قازاقستانداعى ەلشىلەرىمەن كەزدەسۋ وتكىزدى.
كەزدەسۋدە باسقارما توراعاسى ەلشىلەردى كورمەنى ۇيىمداستىرۋ جۇمىستارىمەن تولىعىراق تانىستىرىپ ءوتتى.
– قازىرگى تاڭدا ەكسپو-2017 كورمەسىنىڭ قۇرىلىسى كەستە بويىنشا جۇرگىزىلىپ كەلەدى. بۇگىنگە دەيىن 103 مەملەكەت پەن 17 حالىقارالىق ۇيىم كورمەگە قاتىساتىندىعىن رەسمي راستادى. سەكتسيا كوميسسارلارىنىڭ 98-ءى تاعايىندالدى. مەملەكەتتەر مەن حالىقارالىق ۇيىمداردى قوسا العاندا 82 قاتىسۋ كەلىسىمشارتىنا قول قويىلدى, – دەدى ا.ەسىموۆ.
ودان ءارى باسقارما توراعاسى بارلىق پاۆيلوندار دايىندالىپ, كوممۋنيكاتسيالار ازىرلەنگەنىن, الداعى ايلاردا قاتىسۋشى ەلدەر وزدەرىنىڭ پاۆيلوندارىن رەتتەۋگە دايىن بولۋلارى كەرەك ەكەنىن اتاپ ءوتتى.
جيىن سوڭىندا ازەربايجان, يتاليا, يندونەزيا جانە مالايزيا مەملەكەتتەرىنىڭ قازاقستانداعى ەلشىلەرىنىڭ قاتىسۋىمەن بريفينگ ءوتتى. وندا ەلشىلەر ءوز ەلدەرىنىڭ ەكسپو-2017 كورمەسىنە بەلسەنە قاتىساتىنىن جەتكىزدى.
جولدىباي بازار