نۇرسۇلتان نازارباەۆ ءيزرايلدىڭ بۇرىنعى پرەزيدەنتى شيمون پەرەستىڭ قايتىس بولۋىنا بايلانىستى يزرايل پرەزيدەنتى رەۋۆەن ريۆلينگە كوڭىل ايتۋ جەدەلحاتىن جولدادى. بۇل تۋرالى اقوردانىڭ ءباسپاسوز قىزمەتىنە سىلتەمە جاساعان ەگەمەن اقپارات حابارلادى.
جەدەلحاتتا ءيزرايلدىڭ بۇرىنعى پرەزيدەنتى شيمون پەرەستىڭ ومىردەن وتكەنى تۋرالى حاباردى مەملەكەت باسشىسىنىڭ زور كۇيزەلىسپەن قابىلداعانى ايتىلعان.
«قازاقستان حالقى شيمون پەرەستى پاراساتتى باسشى, ەكىجاقتى قارىم-قاتىناستى نىعايتۋعا وراسان ەڭبەك سىڭىرگەن تاريحي تۇلعا ءارى بەدەلدى ساياساتكەر رەتىندە ءاردايىم ەستە ساقتايتىن بولادى», دەلىنگەن كوڭىل ايتۋ جەدەلحاتىندا.
ەلباسى نۇرسۇلتان نازارباەۆ شيمون پەرەستى ءوزىنىڭ ادال ءارى سەنىمدى دوسى رەتىندە قۇرمەت تۇتقانىن اتاپ ءوتتى.
«ونىمەن اڭگىمەلەسۋ ءاردايىم پايدالى ەدى, سول كەزدەسۋلەرىمىزدى جىلى سەزىممەن ەسكە الاتىن بولامىن», دەلىنگەن جەدەلحاتتا.
سوڭىندا قازاقستان پرەزيدەنتى ورنى تولماس قايعىعا ورتاقتاسا وتىرىپ, يزرايل پرەزيدەنتى ر.ريۆلينگە جانە بارشا يزرايل حالقىنا كوڭىل ايتتى.
ەگەمەن-اقپارات