2015 جىلعى 26 ناۋرىز, استانا قالاسى
قازاقستان رەسپۋبليكاسىنىڭ ازاماتتىق اۆياتسياسىنداعى ءورت قاۋىپسىزدىگى قاعيدالارىن بەكىتۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى قازاقستان رەسپۋبليكاسى زاڭىنىڭ 14-بابى 1-تارماعىنىڭ 41-48) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسىنىڭ ازاماتتىق اۆياتسياسىنداعى ءورت قاۋىپسىزدىگى قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى (ب.ك. سەيداحمەتوۆ):
1) وسى بۇيرىقتىڭ زاڭنامادا بەكىتىلگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇننىڭ ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبيكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋدى وزىمە قالدىرامىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ
مىندەتىن اتقارۋشى ج.قاسىمبەك
«كەلىسىلدى»
قازاقستان رەسپۋبليكاسىنىڭ ىشكى ىستەر ءمينيسترى
ق.ن.قاسىموۆ ________________
2015 جىلعى «___» ____________
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2015 جىلعى 26 ناۋرىزداعى №324 بۇيرىعىمەن بەكىتىلگەن
قازاقستان رەسپۋبليكاسىنىڭ ازاماتتىق اۆياتسياسىنداعى ءورت قاۋىپسىزدىگى قاعيدالارى
1. جالپى ەرەجەلەر
1. وسى قازاقستان رەسپۋبليكاسىنىڭ ازاماتتىق اۆياتسياسىنداعى ءورت قاۋىپسىزدىگى قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى قازاقستان رەسپۋبليكاسىنىڭ زاڭىنىڭ 14-بابىنىڭ 1-تارماعىنىڭ 41-48) تارماقشاسىنا جانە «ازاماتتىق قورعاۋ تۋرالى» 2014 جىلعى 11 ءساۋىردەگى قازاقستان رەسپۋبليكاسىنىڭ زاڭىنا سايكەس ءازىرلەنگەن جانە قازاقستان رەسپۋبليكاسىنىڭ ازاماتتىق اۆياتسياسىنداعى ءورت قاۋىپسىزدىگىنىڭ ءتارتىبىن بەلگىلەيدى.
2. قازاقستان رەسپۋبليكاسىنىڭ ازاماتتىق اۆياتسياسىنداعى ءورت قاۋىپسىزدىگىنىڭ ءتارتىبى مىنالاردى قامتيدى:
1) قويمالاردى, اەروۆوكزالداردى (جولاۋشىلار, جۇك تەرمينالدارىن) ۇستاۋ;
2) ورتكە قارسى سۋمەن جابدىقتاۋدى قامتاماسىز ەتۋ;
3) اۋە كەمەلەرى تۇراتىن ورىنداردى, تەحنولوگيالىق جابدىقتاردى جانە مەحانيكالاندىرۋ قۇرالدارىن ۇستاۋ;
4) راديوتەحنيكالىق جابدىقتى جانە بايلانىستى پايدالانۋ بازالارىنىڭ وبەكتىلەرىن ۇستاۋ;
5) ارنايى كولىكتى ساقتاۋ, جوندەۋ جانە پايدالانۋ ورىندارىن ۇستاۋ;
6) اۆياوتىنمەن قامتاماسىز ەتۋ وبەكتىلەرىن ۇستاۋ جانە ورتكە قارسى قامتاماسىز ەتۋ;
7) باستاپقى ءورت ءسوندىرۋ قۇرالدارىمەن قامتاماسىز ەتۋ.
3. ازاماتتىق اۆياتسيا ۇيىمىنىڭ باسشىسى ازاماتتىق اۆياتسيا ۇيىمىندا ءورت قاۋىپسىزدىگىن قامتاماسىز ەتەتىن تۇلعالاردى تاعايىندايدى.
4. اۋە كەمەلەرىندە جانە اۋەايلاق وبەكتىلەرىندە ءورتتەن قۇتقارۋ جۇمىستارىن ورىنداۋ ءۇشىن ازاماتتىق اۆياتسيا ۇيىمىنىڭ باسشىسى ۇشۋدى ىزدەستىرۋ اۆاريالىق-قۇتقارۋمەن قامتاماسىز ەتۋ قىزمەتىنىڭ (بۇدان ءارى – ۇىاققق) اۆاريالىق-قۇتقارۋ كوماندالارىنىڭ قۇرامىنا كىرەتىن ورتتەن قۇتقارۋ جاساقتارىن قۇرادى.
ۇىاققق باسشىسى اۋەجاي وبەكتىلەرىنىڭ ءورت قاۋىپسىزدىگىن قامتاماسىز ەتەتىن ادام بولىپ تابىلادى.
5. اۆياوتىنمەن قامتاماسىز ەتۋ وبەكتىلەرى ۇىاققق كەزەكشى ءۇي-جايى جانە مەملەكەتتىك ورتكە قارسى قىزمەت ورگاندارىنىڭ جەرگىلىكتى بولىمشەسىنىڭ تىكەلەي تەلەفون بايلانىسىمەن جابدىقتالادى.
6. ينجەنەرلىك-تەحنيكالىق قىزمەتكەرلەردى جانە قىزمەتشىلەردى ازاماتتىق اۆياتسيا ۇيىمدارىندا ءورت قاۋىپسىزدىگىن قامتاماسىز ەتۋ جونىندەگى ءىس-شارالاردى وتكىزۋگە قاتىسۋعا تارتۋ ءۇشىن ورتكە قارسى تەحنيكالىق كوميسسياسى قۇرىلادى.
ورتكە قارسى تەحنيكالىق كوميسسيالار تۋرالى ەرەجەنى وسى قاعيدالاردىڭ قوسىمشاسىندا كەلتىرىلگەن ازاماتتىق اۆياتسيا ۇيىمدارىنداعى ورتكە قارسى تەحنيكالىق كوميسسيالار تۋرالى ۇلگىلىك ەرەجەگە سايكەس ازاماتتىق اۆياتسيا ۇيىمدارى بەكىتەدى.
7. ازاماتتىق اۆياتسيا ۇيىمدارىنىڭ قۇرىلىمدىق بولىمشەلەرىندە (اۆياتسيالىق-تەحنيكالىق بازا, جانار-جاعارماي ماتەريالدارىنىڭ جانە راديوتەحنيكالىق جابدىقتى جانە بايلانىستى پايدالانۋ قىزمەتى) تسەحتىك (وبەكتىلىك) ورتكە قارسى تەحنيكالىق كوميسسيالار قۇرىلۋى مۇمكىن.
8. وسى قاعيدالار نەگىزىندە ازاماتتىق اۆياتسيا سالاسىنداعى ۋاكىلەتتى ورگان (بۇدان ءارى - ۋاكىلەتتى ورگان) ۇشۋ قاۋىپسىزدىگىن قامتاماسىز ەتۋ ماقساتىندا ازاماتتىق اۆياتسيا وبەكتىلەرىندە ورتكە قارسى قامتاماسىز ەتۋ جونىندەگى نۇسقاۋلىق-ادىستەمەلىك وقۋلىقتى ازىرلەيدى, ولار مىنالاردا ءورت قاۋىپسىزدىگىن قامتاماسىز ەتۋدى:
1) قويمالاردا جانە اەروۆوكزالداردا (جولاۋشىلار, جۇك تەرمينالدارىندا);
2) اۋە كەمەلەرى تۇراتىن ورىنداردا;
3) راديوتەحنيكالىق جابدىق جانە بايلانىس وبەكتىلەرىندە;
4) ارنايى كولىكتى, تەحنولوگيالىق جابدىقتى جانە مەحانيكالاندىرۋ قۇرالدارىن ساقتاۋ, جوندەۋ جانە پايدالانۋ ورىندارىندا;
5) اۆياوتىنمەن قامتاماسىز ەتۋ وبەكتىلەرىندە;
6) ازاماتتىق اۆياتسيا ۇيىمدارىنىڭ وبەكتىلەرىن ورتكە قارسى سۋمەن جابدىقتاۋ بولىگىندە;
7) ازاماتتىق اۆياتسيا ۇيىمى پەرسونالىن وقىتۋ, نۇسقاۋ بەرۋ جانە جۇمىسقا رۇقسات بەرۋ بولىگىندە;
8) ازاماتتىق اۆياتسيا اۋەايلاقتارىنىڭ (تىكۇشاق ايلاقتارىنىڭ) اۋماعىنداعى اۋە كەمەلەرىنىڭ;
9) اۆياتسيالىق تەحنيكانىڭ جانە وبەكتىلەردىڭ;
10) ءورت قاۋىپسىزدىگىن قامتاماسىز ەتۋ بولىگىندەگى وزگە دە ماسەلەلەردى رەتتەيدى.
9. ازاماتتىق اۆياتسيا ۇيىمدارى وسى قاعيدالاردىڭ جانە ۋاكىلەتتى ورگان بەكىتەتىن نۇسقاۋلىقتار نەگىزىندە جالپى ۇيىم ءۇشىن جانە ءاربىر جەكە وبەكت ءۇشىن جەرگىلىكتى مەملەكەتتىك ورتكە قارسى قىزمەت ورگاندارىمەن كەلىسىلگەن ءورت قاۋىپسىزدىگىنىڭ شارالارى تۋرالى ىشكى رەگلامەنتتەردى بەكىتەدى.
10. جالپى ازاماتتىق اۆياتسيا ۇيىمى ءۇشىن جانە ءاربىر جەكە وبەكت ءۇشىن ءورت قاۋىپسىزدىگىنىڭ شارالارى تۋرالى ىشكى رەگلامەنتتەردە مىنالار كورسەتىلەدى:
1) اۋماقتى, عيماراتتى جانە ءۇي-جايدى, ونىڭ ىشىندە ەۆاكۋاتسيالاۋ پۋنكتتەرىن ۇستاۋدى جۇزەگە اسىرۋ;
2) اۋە كەمەلەرىنە قىزمەت كورسەتۋدىڭ تەحنولوگيالىق پروتسەستەرىن جۇرگىزۋ, جابدىقتى پايدالانۋ, ءورت قاۋپى بار جۇمىستاردى جۇرگىزۋ كەزىندە ءورت قاۋىپسىزدىگىن قامتاماسىز ەتۋ جونىندەگى ءىس-شارالار;
3) جارىلىس - ءورت قاۋپى بار, ءورت قاۋپى بار زاتتار مەن ماتەريالداردى ساقتاۋدى جانە تاسىمالداۋدى جۇزەگە اسىرۋ;
4) تەمەكى شەگۋ, اشىق وت قولدانۋ جانە وتپەن جۇمىستار جۇرگىزۋ ورىندارى;
5) جاناتىن زاتتار مەن ماتەريالداردى جيناۋدى, ساقتاۋدى جانە جويۋدى, ارنايى كيىمدى ۇستاۋدى جانە ساقتاۋدى جۇزەگە اسىرۋ;
6) اۋىتقۋ ورتكە نەمەسە جارىلىسقا الىپ كەلۋى ءمۇمكىن باقىلاۋ-ولشەۋ اسپاپتارىنىڭ شەكتى كورسەتكىشتەرى;
7) ءورت كەزىندە وبەكتىنىڭ قىزمەت كورسەتۋشى پەرسونالىنىڭ ارەكەتى, ونىڭ ىشىندە:
مەملەكەتتىك ورتكە قارسى قىزمەت بولىمشەسىن شاقىرۋ كەزەكتىلىگى;
تەحنولوگيالىق جابدىقتى اۆاريالىق توقتاتۋدى جۇزەگە اسىرۋ;
جەلدەتكىشتى جانە ەلەكتر جابدىعىن ءسوندىرۋدى جۇزەگە اسىرۋ;
ءورت ءسوندىرۋ قۇرالدارىن قولدانۋ جانە ورتكە قارسى اۆتوماتتى ورناتۋ;
ادامداردى, جاناتىن زاتتاردى جانە ماتەريالدىق قۇندىلىقتاردى ەۆاكۋاتسيالاۋدى جۇزەگە اسىرۋ;
ازاماتتى اۆياتسيا ۇيىمىنىڭ بارلىق ءۇي-جايلارىن قاراۋدى جانە ءورت - جارىلىس قاۋىپسىز جاعدايىنا كەلتىرۋدى جۇزەگە اسىرۋ.
جالپى ازاماتتىق اۆياتسيا ۇيىمى ءۇشىن جانە ءاربىر جەكە وبەكت ءۇشىن ءورت قاۋىپسىزدىگىنىڭ شارالارى تۋرالى ىشكى رەگلامەنتتەر ءۇش جىلدا ءبىر رەتتەن ءجيى ەمەس, سونداي-اق تەحنولوگيالىق پروتسەسس جانە جۇمىس جاعدايى وزگەرگەن كەزدە, ىشكى رەگلامەنتتىڭ نەگىزىندە الىنعان نۇسقاۋلىق قۇجاتتار وزگەرگەن كەزدە جانە وبەكتىدە بولعان ءورتتى, اۆاريانى جانە جارىلىستى تالداۋ نەگىزىندە قايتا قاراۋعا جاتادى.
2. ءورت قاۋىپسىزدىگىنىڭ ءتارتىبى
1-پاراگراف. قويمالار, اەروۆوكزالدار
(جولاۋشىلار, جۇك تەرمينالدارىن) ۇستاۋ ءتارتىبى
11. اۋماقتار, عيماراتتار, قۇرىلىستار, عيماراتتار مەن قۇرىلىستاردى بولەتىن ورتكە قارسى بوگەتتەر, سونداي-اق قويمالار مەن اەروۆوكزالداردىڭ (جولاۋشىلار جانە جۇك تەرمينالدارىنىڭ) ءۇي-جايلارى ءورت قاۋىپسىزدىگىنىڭ تالاپتارىنا جانە قۇرىلىس نورمالارىنا جاۋاپ بەرۋى ءتيىس.
12. وتكەلدەر, كىرەبەرىستەر, دالىزدەر, ستاتسيونارلىق ورتكە قارسى باسپالداقتار, عيماراتتاردىڭ شاتىرىنداعى جانبايتىن قورشاۋلار, باسپالداق تورلارى, شاتىر استىنداعى ءۇي-جايلار دۇرىس جاعدايدا ۇستالادى جانە ەشتەڭەمەن قورشالمايدى.
2-پاراگراف. ورتكە قارسى
سۋمەن جابدىقتاۋ ءتارتىبى
13. اۋەجاي اۋماعىندا نەمەسە اۋەجايدىڭ پەريمەترلىك قورشاۋىنان 1 كم قاشىقتىقتا تابيعي سۋ كوزدەرى (وزەندەر, كولدەر, توعاندار) بولعان جاعدايدا جىلدىڭ كەز كەلگەن مەزگىلىندە ءورت ءسوندىرۋ اۆتوموبيلدەرىن قويۋ جانە سۋ تارتۋ ءۇشىن كىرمە جولدار جانە پيرستەر سالىنادى.
14. ءورت ءسوندىرۋ رەزەرۆۋارلارى, سۋ قويمالارى, سۋ قۇبىرى جەلىلەرى جانە گيدرانتتار, سپرينكلەرلىك, درەنچەرلىك جانە سورعى قوندىرعىلارى ءورت شىققان نەمەسە تۇتانعان جاعدايدا ولاردىڭ جارامدىلىق جاي-كۇيى مەن ۇنەمى دايىندىعىن قامتاماسىز ەتەتىن تۇراقتى تەحنيكالىق باقىلاۋ جۇزەگە اسىرىلادى.
15. جوندەۋ جۇمىستارى جۇرگىزىلگەن نەمەسە ورتكە قارسى سۋمەن جابدىقتاۋ جەلىلەرىنىڭ ۋچاسكەلەرى بولىنگەن, سورعى ستانتسيالارى ىستەن شىققان, سپرينكلەرلىك جانە درەنچەرلىك قوندىرعىلارى اقاۋلى بولعان, ءورت ءسوندىرۋ سۋ قويمالارىنان سۋ اققان جاعدايدا ازاماتتىق اۆياتسيا ۇيىمىنىڭ ءورت قاۋىپسىزدىگىنە جاۋاپتى ادامعا حابارلانادى.
16. مۇمكىندىك بولماعان نەمەسە ورتكە قارسى پايدالانىلاتىن سۋ قۇبىرلارى قوندىرعىلارىن ەكونوميكالىق جاعىنان ورىنسىز بولعان جاعدايدا, اۋەجايلاردىڭ اۋماعىندا ورتكە قارسى سۋ سىيىمدىلىقتاردىڭ (سۋ ايدىنى, رەزەرۆۋارلاردىڭ) سانى كەمىندە ەكەۋدى قۇرايدى.
ورتكە قارسى سىيىمدىلىقتاردىڭ سانىنا قاراماستان, ءاربىر اۋا سىيىمدىلىعىندا ءورت سوندىرۋگە ارنالعان سۋدىڭ جارتى مولشەرى ساقتالادى.
ورتكە قارسى سۋمەن جابدىقتاۋ كوزى رەتىندە جەراستى نەمەسە جەر ءۇستى سۋلارى پايدالانىلادى. مۇنداي جاعدايدا جەراستى سۋلارىن تارتۋ ءورت ءسوندىرۋ قاجەتتىلىكتەرىى جانە ونى سۋ تاسۋشىعا جەتكىزۋ ءۇشىن قاجەتتى سۋ مولشەرىن سەنىمدى الۋعا كەپىلدىك بەرۋى ءتيىس.
3-پاراگراف. اۋە كەمەلەرى تۇراتىن ورىنداردى, تەحنولوگيالىق جابدىقتاردى جانە
مەحانيكالاندىرۋ قۇرالدارىن ۇستاۋ ءتارتىبى
17. اۋە كەمەلەرى تۇراتىن ورىندار:
1) جانار-جاعارماي ماتەريالدارىنىڭ قويمالارىنان (بۇدان ءارى – ججم), وتىن قۇيۋ تۇراقتارىنان كەمىندە 100 مەتر;
2) اۋە كەمەلەرى انگاردان 25 مەتر جاقىن ەمەس ورنالاسقان جانە بايلانىس قۇرالدارىمەن جابدىقتالعان انگارلاردى قوسپاعاندا, وندىرىستىك عيماراتتار مەن قۇرىلىستاردان 50 مەتر قاشىقتىقتا ورنالاسادى.
اۋە كەمەسى تۇراتىن ورىنداردىڭ اينالاسىنداعى اۋماق (راديۋسى كەمىندە 50 مەتر) قۇرعاق شوپتەن, قوقىستان جانە جانعىش ماتەريالداردان تازارتىلعان, تازا ۇستالادى. وتىننىڭ قالدىعىن جانە وڭدەلگەن مايدى اعىزۋ ءۇشىن ارنايى سىيىمدىلىقتار, ال پايدالانىلعان ءسۇرتۋ (ەسكى) ماتەريالدارىن جيناۋ ءۇشىن تىعىز جابىلاتىن قاقپاقتارى بار مەتالل جاشىكتەر قويىلادى.
18. تۇراقتاردا اۋە كەمەلەرىن ورنالاستىرۋدى ءجۇزەگە اسىرۋ, سونداي-اق ولاردىڭ اراسىنداعى ەڭ از قاۋىپسىز قاشىقتىق ازاماتتىق اۆياتسيانىڭ اۋەايلاقتارىن (تىكۇشاق ايلاقتارىن) پايدالانۋعا جارامدىلىق نورمالارىمەن بەكىتىلگەن زاڭنىڭ 14-بابى 1-تارماعىنىڭ 41-39) تارماقشاسىنا سايكەس بەلگىلەنەدى.
19. تۇراقتا تۇرعان, ونىڭ ىشىندە اۆياتسيالىق تەحنيكالىق بازانىڭ انگارىنداعى جانە ۇشاق جوندەۋ كورپۋسىنداعى اۋە كەمەلەرى ۇنەمى جەرگە قوسىلۋى ءتيىس.
20. اۋە كەمەسىنىڭ جەرگە قوسىلعان قۇرىلعىلارىن تەحنيكالىق پايدالانۋ زاڭنىڭ 14-بابى 1-تارماعىنىڭ 41-39) تارماقشاسىنا سايكەس بەكىتىلگەن ازاماتتىق اۆياتسياداعى اۋەايلاقتاردى (تىكۇشاق ايلاقتارىن) پايدالانۋعا جارامدىلىق نورمالارىنا سايكەس جۇزەگە اسىرىلادى.
21. اۋە كەمەلەرى تۇراتىن ورىندار, ونىڭ ىشىندە توپىراق اۋەايلاقتاردا ستاتيكالىق ەلەكتردەن قورعانۋ ءۇشىن ستاتسيونارلىق جەرگە قوسۋ قۇرىلعىلارىمەن جابدىقتالادى.
22. اۋە كەمەلەرى تۇراتىن ورىنداردا مىنالارعا:
1) جابىنعا (جەرگە) وتىن, ماي, گيدروقوسپا جانە باسقا دا تەز تۇتاناتىن جانە جاناتىن سۇيىقتىقتاردى توگۋگە بولمايدى. توگىلگەن جاعدايدا سوڭعىلارىنا دەرەۋ تۇردە قۇم سەبىلەدى جانە جينالادى;
2) تەمەكى شەگۋگە ارنايى بولىنگەن ورىننان باسقا جەردە تەمەكى شەگۋگە;
3) جۇمىس ىستەپ تۇرعان مەحانيكالاندىرىلعان قۇرالدار مەن تەحنولوگيالىق جابدىقتار, سونداي-اق, اۋەايلاقتاعى ەلەكترلىك قورەكتەنۋ كوزدەرىنە قوسىلعان اۋە كەمەلەرىن قاراۋسىز قالدىرۋعا;
4) ءورت ءسوندىرۋدىڭ العاشقى قۇرالدارىنسىز قوزعالتقىشتى ىسكە قوسۋعا نەمەسە باسقا جۇمىستار اتقارۋعا رۇقسات ەتىلمەيدى.
4-پاراگراف. راديوتەحنيكالىق جابدىقتار مەن بايلانىستى پايدالانۋ بازالارىنىڭ وبەكتىلەرىن ۇستاۋ ءتارتىبى
23. راديوتەحنيكالىق جابدىقتار مەن بايلانىستى پايدالانۋ (بۇدان ءارى – رتجبپ) بازالارىنىڭ وبەكتىلەرى جانبايتىن ەدەنى بار, وتقا توزىمدىلىكتىڭ II دارەجەسىنەن تومەن ەمەس جەكە تۇرعان نەمەسە توپتاستىرىلعان عيماراتتاردا ورنالاسادى. توپتاستىرىلعان عيماراتتارداعى تەحنولوگيالىق جابدىقتار ءۇي-جاي وزگە ءۇي-جايلاردان جانبايتىن قابىرعالارمەن نەمەسە كەمىندە 0,25 ساعات شەگىندەگى وتقا ءتوزىمدى قورشاۋمەن بولىنەدى جانە سىرتقا شىعاتىن جەكە ەسىگى بولادى.
24. قونۋدى قامتاماسىز ەتەتىن وبەكتىلەردى قوسپاعاندا, قىزمەت كورسەتۋشى پەرسونالدىڭ تۇراقتى قاتىسۋىنسىز جۇمىس ىستەيتىن وبەكتىلەر ءورت بولعان جاعدايدا ەلەكترلىك قورەكتەنۋ كوزدەرىن اۆتوماتتى تۇردە اجىراتاتىن اپپاراتۋرامەن جابدىقتالادى.
25. رتجبپ بازاسى وبەكتىلەرىندەگى ءۇي-جايلاردا قاجەتتى تەمپەراتۋرانى قامتاماسىز ەتۋ ءۇشىن ءورت قاۋىپسىزدىگىنىڭ مىناداي تالاپتارىن ورىنداعان كەزدە ونەركاسىپتە ازىرلەنەتىن ەلەكتر پەشتەرىن ورناتۋعا رۇقسات ەتىلەدى:
1) ءۇي-جايدا قاجەتتى تەمپەراتۋرانى اۆتوماتتى تۇردە ساقتاۋدى قامتاماسىز ەتەتىن (جىلۋ تەمپەراتۋراسىن رەتتەۋ اۆتوماتتارى رەتتەلگەننەن كەيىن پلومبانى اشپاي ولاردى رەتتەۋدى ەركىن وزگەرتۋ مۇمكىندىگىن بولدىرماۋ ماقساتىندا پلومبالانۋى ءتيىس) جابىق جىلىتۋ ەلەمەنتتەرى بار ەلەكتر پەشتەرى قولدانىلادى;
2) ەلەكتر پەشتەرى ءۇي-جايدىڭ ەڭ سالقىن بولىگىنە جانە جابدىقتان كەمىندە 1 م قاشىقتىقتا ورناتىلادى;
3) جاناتىن ماتەريالداردان جاسالعان ەدەندەر مەن قابىرعالار جىلۋ وقشاۋلاعىش جانە ەلەكتر پەشى (گرەلكا) ارالىعى كەمىندە 15 سم اۋا قاباتىن قامتاماسىز ەتە وتىرىپ, ەلەكتر پەش (گورەلكا) تۇرعان جەردەن كەمىندە قالىڭدىعى 10 ميليمەتر اسبەست كارتونى بويىنشا قاڭىلتىرمەن قورشالادى جانە تىعىزدالادى;
26. رتجبپ بازاسى وبەكتىلەرىنىڭ قورشاۋ پەريمەترى بويىنشا ەنى 3 مەتردەن كەم ەمەس ورتكە قارسى جولاعى, جىرتۋ ارقىلى الشاقتالاتىن وسىمدىك جابىنى جىرتۋ ارقىلى جابىلادى.
27. اعاش ماچتاسى, فيدەر باعانالارى مەن كەرگىش زاكىرلەرى ورناتىلعان جەر بەتى كەمىندە 1 مەتر راديۋستا قازىلۋى ءتيىس.
28. وبەكتىلەردەگى جاناتىن ماتەريالداردان جاسالعان كابەلدىك ارنالار اسبەست كارتونى ۇستىنەن تاباق قاڭىلتىرمەن قاپتالۋى ءتيىس.
29. عيمارات شاتىرىنىڭ مەتالل جابىندىسىن, اپپاراتۋرا كورپۋسىن, سىمداردىڭ, قۇبىردىڭ مەتالل قاپتامالارىن, ەلەكتر قالقاندارىنىڭ كورپۋسىن, ترانسفورماتورلاردى, ەلەكتر پەشتەرىن, وتپەلى يزولياتوردىڭ بەكىتكىش بولتتارى جانە باسقا دا مەتالل زاتتاردى جەرگە قوسۋ قاجەت.
30. گەنەراتورلار مەن مونتاجداۋ سىمدارى وراۋىشتارىن وقشاۋلاۋ كەدەرگىسىن كەمىندە جىلىنا ءبىر رەت جانە جوندەۋدەن كەيىن ولشەۋ جۇرگىزىلەدى.
5-پاراگراف. ارنايى كولىكتى ساقتاۋ, جوندەۋ جانە پايدالانۋ ورىندارىن ۇستاۋ ءتارتىبى
31. وتىندى قۇيۋشىلار, وتىن تسيستەرنالارى, بەنزين قوتارۋشى ستانتسيالار, جىلجىمالى اگرەگاتتار (سەرۆيسەرلەر), ماي قۇيۋشىلار كەدەرگىسىز شىعۋدى قامتاماسىز ەتە وتىرىپ, اشىق الاڭداردا, شاتىر استىندا نەمەسە گاراجداردىڭ وقشاۋلانعان ءۇي-جايلارىندا بولەك ساقتالادى.
32. وتتەگى ءوندىرۋشى جانە وتتەگىمەن زاريادتاۋ ستانتسيالارى باسقا اۆتوموبيلدەردەن بولەك ورنالاستىرىلادى.
33. فەكالدى سۇيىقتىقتاردى, ۋلى نەمەسە ينفەكتسيالانعان زاتتاردى تاسيتىن اۆتوموبيلدەر, سونداي-اق گاز وتىنمەن جۇرەتىن اۆتوموبيلدەر توپتار بويىنشا بولەك جانە باسقا اۆتوموبيلدەردەن جەكە ورنالاستىرىلادى.
34. جيىرما بەستەن استام اۆتوموبيلدەر نەمەسە ارنايى كولىكتەر جيناقتالعان ارنايى كولىك قىزمەتىندە (بۇدان ءارى - ارنايى كولىك) ءورت كەزىندە ولاردى ەۆاكۋاتسيالاۋ جاعدايىن جاساۋ ءۇشىن ارنايى كولىك قىزمەتىنىڭ باستىعى ارنايى كولىك ورنالاستىرۋدىڭ, ەۆاكۋاتسيالاۋ كەزەگى مەن ءتارتىبى جازىلعان جوسپاردى ازىرلەپ, بەكىتەدى.
35. ارنايى كولىكتى ورنالاستىرۋ جوسپارىندا سونداي-اق جۇرگىزۋشىلەردىڭ تۇنگى ۋاقىتتاعى, دەمالىس, مەرەكە كۇندەرىندەگى كەزەكشىلىك كەستەسى جانە وتالدىرۋ كىلتتەرىن ساقتاۋدى جۇزەگە اسىرۋ انىقتالادى.
36. ارنايى كولىك ءۇي-جايىن جانە اشىق ساقتاۋ الاڭىن ارنايى كولىكتى تەز ەۆاكۋاتسيالاۋعا كەدەرگى كەلتىرۋى مۇمكىن زاتتار مەن جابدىقتارمەن جابىلۋى رۇقسات ەتىلمەيدى.
37. قىزمەت كورسەتۋدىڭ وننان استام بەكەتى نەمەسە جيىرما بەستەن استام اۆتوموبيل (نەمەسە ارنايى كولىكتى) ساقتاۋ كوزدەلگەن ءۇي-جايدىڭ كەمىندە ەكى قاقپاسى بولۋى قاجەت.
38. ارنايى كولىك تۇراتىن ورىن ون اۆتوموبيلگە ءبىر ارقان (شتانگا) ەسەبىمەن تىركەمە ارقان جانە شتانگالارمەن قامتاماسىز ەتىلەدى.
39. گاراجداردا ۇستالىق, تەرميالىق, ءپىسىرۋ, بوياۋ, اعاش وڭدەۋ جۇمىستارىن جۇرگىزۋگە, سونداي-اق تەز تۇتاناتىن سۇيىقتىقتاردى پايدالانا وتىرىپ, بولشەكتەر مەن اگرەگاتتاردى جۋعا رۇقسات ەتىلمەيدى.
40. ارنايى كولىكتى تۇراققا جانە جوندەۋگە ارنالعان ءۇي-جايلاردا, شاتىر استى مەن اشىق الاڭداردا:
1) ارنايى كولىكتى نورمادان اساتىن ساندا ورنالاستىرۋعا, ولاردىڭ ورنالاستىرۋ سحەماسىن بۇزۋعا, اۆتوموبيلدەر, ارنايى ماشينالار جانە عيمارات ەلەمەنتتەرى اراسىنداعى قاشىقتىقتى كەمىتۋگە;
2) ارنايى كولىكتى وتىن باقتارى مەن سىيىمدىلىقتارىنىڭ اشىق قاقپاقتارىمەن, سونداي-اق جانارماي اعىپ جاتقاندا ساقتاۋعا;
3) وتىندى ىدىستا ۇستاۋعا جانە ارنايى كولىكتى وتىنمەن جابدىقتاۋعا;
4) تۇراق ورىندارىندا جۇگى تۇسىرىلمەگەن اۆتوموبيلدى قالدىرۋعا;
5) ىدىستى تەز تۇتاناتىن جانە جاناتىن سۇيىقتىقتىڭ استىندا ساقتاۋعا;
6) شىعاتىن قاقپا مەن جولدى جابۋعا;
7) قوزعالتقىشتى, جۇيەلەردى, توراپتار مەن اگرەگاتتاردى اشىق وتپەن (جالىنمەن, الاۋمەن, دانەكەرلەگىش شاممەن) قىزدىرۋعا, سونداي-اق تەحنيكالىق بايقاۋلار, جوندەۋ جانە باسقا جۇمىستاردى جۇرگىزۋ كەزىندە جارىق ءتۇسىرۋ ءۇشىن اشىق وت كوزدەرىن پايدالانۋعا;
8) ارنايى كولىكتە ماي سىڭگەن سۇرتكىشتەر مەن ارنايى كيىمدەردى قالدىرۋعا;
9) وت الدىرىلعان ارنايى كولىكتى قاراۋسىز قالدىرۋعا;
10) ءتيىستى بىلىكتىلىگى جوق ادامدارعا تەحنيكالىق قىزمەت كورسەتۋ مەن ارنايى كولىكتى جۇرگىزۋدى تاپسىرۋعا رۇقسات ەتىلمەيدى.
41. ارنايى كولىككە تەحنيكالىق قىزمەت كورسەتۋ جانە جوندەۋ كەزىندە مىنالارعا:
1) الدىن الا تازالاماي جانە جارىلىس قاۋپى بارى-جوعى ءۇشىن الىنعان اۋا سىنامالارىن تالداۋدىڭ دۇرىس ەكەنى تۋرالى دەرەكتى بىلمەي وتىن تسيستەرنالارىندا نەمەسە رەزەرۆۋارلارىندا قانداي دا ءبىر جۇمىستى ورىنداۋعا;
2) سەنىمدى تۇردە جەرگە قوسپاي وتىن قۇيىلعان تسيستەرنالار نەمەسە رەزەرۆۋارلارعا جوندەۋ جۇرگىزۋگە;
3) جۇمىس سۇيىقتىقتارى مەن گازدار بوساتىپ الماي تەحنولوگيالىق جابدىقتاردى بولشەكتەۋگە كىرىسۋگە;
4) سىيىمدىلىعى وتىنمەن (گازبەن) تولتىرىلعان جانە مايمەن تولتىرىلعان كارتەرلەردى ارنايى ماشينالاردى جوندەۋگە رۇقسات ەتىلمەيدى (تق-1 بازالىق شاسسي باكتارىندا وتىن جانە قوزعالتقىشتاردىڭ كارتەرلەرىندەگى ماي بولسا دا رۇقسات ەتىلەدى).
6-پاراگراف. اۆياوتىنمەن قامتاماسىز
ەتەتىن وبەكتىلەردى ۇستاۋ جانە ورتكە قارسى قامتاماسىز ەتۋ ءتارتىبى
42. ججم قويمالارى مەن ورتالىق ماي قۇيۋ ستانتسيالارىنان جالپى جەلىدەگى اۆتوموبيل جولدارىنا نەمەسە قويمالاردىڭ كىرەبەرىس جولدارىنا ءورت ءسوندىرۋ اۆتوموبيلدەرىنە ارنالعان كەمىندە ەكى جول جابدىقتالادى.
43. اۆياوتىنمەن قامتاماسىز ەتۋ وبەكتىلەرىنىڭ عيماراتتارى مەن قۇرىلىستارى (مەتالل رەزەرۆۋارلاردى قوسپاعاندا) كەمىندە II دارەجەلى وتقا ءتوزىمدى بولۋى ءتيىس.
44. اۆتوكولىك تەحنيكاسى قويمالارىنىڭ اۋماعىنا ۇشقىن سوندىرگىشسىز كىرۋگە رۇقسات ەتىلمەيدى.
45. ججم قويمالارىنىڭ اۋماعى قۇرعاق شوپتەن, تۇسكەن جاپىراقتان, وندىرىستىك قالدىقتاردان ۇنەمى تازارتىلادى. توگىلگەن مۇناي ونىمدەرى الىپ تاستالادى, ال ماي تامعان جەرلەرگە قۇم سەبىلەدى. جازعى ۋاقىتتا ءشوپ شابىلادى جانە كەپپەگەن كۇيىندە قويما اۋماعىنان تاسىپ اكەتىلەدى. شابىلعان ءشوپتى ججم قويمالارىنىڭ اۋماعىندا كەپتىرۋگە جانە ساقتاۋعا رۇقسات ەتىلمەيدى.
46. ججم قويما اۋماعىنىڭ بوس الاڭدارىندا جالپاق جاپىراقتى اعاش پەن بۇتالار ەگۋگە, گۇلزارلار جاساۋعا رۇقسات ەتىلەدى, بىراق رەزەرۆۋارلاردىڭ سىرتقى جاعىنان كەمىندە 5 مەتر قاشىق بولۋى ءتيىس. قويمالار اعاشتى جەردە ورنالاستىرىلعان كەزدە ولاردىڭ اينالاسىنداعى اۋماق تازارتىلادى جاپىراقتى تۇقىم راديۋسى 20 مەتر, قىلقان جاپىراقتى 50 مەتر جانە ەنى كەمىندە 2 مەتر مينەرالداندىرىلعان بەلدەۋمەن كومكەرىلەدى.
47. اۆياوتىنمەن قامتاماسىز ەتۋ وبەكتىلەرى اۋماعىندا اشىق وتتى - الاۋ جاعۋعا, جارىقتاندىرۋ ءۇشىن فاكەلدەر, سىرىڭكەلەر, شىراقتار, كەروسين شامدارىن پايدالانۋعا رۇقسات ەتىلمەيدى.
48. اۆياوتىنمەن قامتاماسىز ەتەتىن اۋماقتا, وندىرىستىك عيماراتتار مەن قۇرىلىستاردا تەمەكى تارتۋعا رۇقسات ەتىلمەيدى.
49. تەمەكى شەگۋگە سۋ مەن ءورت سوندىرگىش جانە ۋرنامەن جابدىقتالعان ارنايى بولىنگەن ورىنداردا رۇقسات ەتىلەدى. تەمەكى شەگۋگە بولىنگەن ورىنداردا بەلگىلەر مەن جازۋلار ىلىنەدى.
50. وتالعىش بۋ مەن گاز جيناقتالعان ايماقتاردا جوندەۋ - پروفيلاكتيكالىق جۇمىستار جۇرگىزگەن كەزدە ۇشقىن شىقپايتىن اسپاپتار پايدالانىلادى. جابدىقتار ماقتا-ماتا شۇبەرەگىمەن سۇرتىلەدى, سينتەتيكالىق ماتالاردى قولدانۋعا رۇقسات ەتىلمەيدى.
51. مۇناي ونىمدەرىنىڭ بۋى مەن گازى بولىنەتىن ءۇي-جايلار مەن ەستاكادالاردا جۇمىس ىستەيتىن پەرسونالعا تەمىر شەگە نەمەسە تاعا قاعىلعان اياق كيىممەن جۇرۋىنە رۇقسات ەتىلمەيدى.
52. ججم قويماسىنىڭ عيماراتتارى مەن قۇرىلىستارى جانە ورتالىق ماي قۇيۋ ستانتسيالارى:
1) نايزاعايدىڭ تىكەلەي اسەرىنەن;
2) نايزاعايدىڭ ەكىنشى رەت بولۋىنان (ەلەكتروستاتيكالىق جانە ەلەكتروماگنيتتىك يندۋكتسيا);
3) جوعارى الەۋەتتى قوقىستان;
4) ستاتيكالىق ەلەكتر پايدا بولۋىنان قورعالادى.
53. ججم قويمالارى قۇرىلىس نورمالارىنىڭ تالاپتارىنا سايكەس سۋمەن جابدىقتاۋ جانە ءورت ءسوندىرۋ جۇيەلەرىمەن جابدىقتالادى.
54. ارقايسىسىنىڭ كولەمى 5000 م3 از رەزەرۆۋارى بار قويمالاردا ءورت ءسوندىرۋ اۆتوموبيلدەرىمەن جانە/نەمەسە ورتكە قارسى سىيىمدىلىقتاردىڭ موتوپومپالارىمەن (رەزەرۆۋارلار نەمەسە اشىق جاساندى جانە تابيعي سۋ ايدىندارى) ءورتتى ءسوندىرۋ جانە سۋىتۋ ءۇشىن سۋ بەرۋگە رۇقسات ەتىلەدى. بۇل رەتتە:
1) ورتكە قارسى سىيىمدىلىقتاردىڭ كولەمى (رەزەرۆۋارلاردىڭ نەمەسە اشىق سۋ ايدىندارىنىڭ) ءورت ءسوندىرۋدىڭ ەسەپتى كەزەڭىندە سۋ شىعىنىنىڭ نورماسىنا سايكەس كەلۋى ءتيىس;
2) ورتكە قارسى اشىق سۋ ايدىندارىنىڭ كولەمى سۋدىڭ ىقتيمال بۋلانۋى نەمەسە مۇزدىڭ پايدا بولۋىن ەسكەرە وتىرىپ ايقىندالادى;
3) ورتكە قارسى سۋ قويمالارى ءورت اۆتوموبيلدەرىنە ارنالعان بوس كىرمە جولدارمەن جابدىقتالادى جانە ۇستالادى;
4) ورتكە قارسى سىيىمدىلىقتاردىڭ سانى (سۋ قويماسىنىڭ, رەزەرۆۋارلاردىڭ) ەكىدەن كەم بولماۋى ءتيىس, ءار سىيىمدىلىقتا ءورت سوندىرۋگە ارنالعان سۋ كولەمىنىڭ جارتىسى ساقتالۋى ءتيىس;
5) ورتكە قارسى سىيىمدىلىقتاردا سۋدىڭ قول سۇعىلمايتىن قورىن قالپىنا كەلتىرۋ ۋاقىتى ونى ورتتە پايدالانعاننان كەيىن توقسان التى ساعاتتان اسپاۋعا ءتيىس.
55. ججم قويمالارىندا جانە اۆتوماتتاندىرىلعان ججم-دە ديامەترى كەمىندە 200 ميليمەتر ورتكە قارسى سۋ قۇبىرى ورنالاستىرىلادى.
56. ججم قويمالارىندا جانە ورتالىق ماي قۇيۋ ستانتسيالارىندا اۋا-مەحانيكالىق كوبىكپەن ءورت ءسوندىرۋ كوزدەلەدى. ءورتتى ءسوندىرۋ ءۇشىن ستاتسيونارلىق اۆتوماتتاندىرىلعان ءورت سوندىرگىشتەردى, ستاتسيونارلىق اۆتوماتتى ەمەس ءورت سوندىرگىشتەردى جانە جىلجىمالى ءورت سوندىرگىشتەردى ورناتۋ كوزدەلەدى.
57. ءورت ءسوندىرۋ قوندىرعىلارىن قولدانۋ, سونداي-اق ولاردى تەكسەرۋ كەزەڭدىلىگى مەن راسىمدەرى وسى قاعيدالاردىڭ 8-تارماعىندا كورسەتىلگەن نۇسقاۋلىق-ادىستەمەلىك قۇرالداردا رەتتەلەدى.
58. قويمالار اۋماقتارىندا ءورت كەزىندە رەزەرۆۋارلاردى سۋىتۋدان سۋدى قابىلداۋ ءۇشىن پايدالانىلاتىن وندىرىستىك نەمەسە وندىرىستىك - جاۋىن كارىزدەرى كوزدەلەدى.
59. رەزەرۆۋار پاركىنىڭ شۇڭقىرلى الاڭدارىنداعى جاۋىن قابىلداعىشتار قورشاۋ بىلىگىن نەمەسە پاركتىڭ سىرتقى قورشاۋىنان (شۇڭقىرلاۋىنان) تىس تۇرعان ورىنداردى ارەكەتكە كەلتىرەتىن بەكىتۋ قۇرىلعىلارىمەن (جاپقىشتارمەن, سىرعىتپالارمەن) جابدىقتالادى.
60. كارىز جەلىلەرىندەگى قۇدىقتاردا:
1) 400 م ارقىلى كارىز ماگيسترالدىق جەلىسىندە;
2) عيماراتتاردان شىعارۋ ورىندارىندا (سورعى ستانتسيالارى, سۋ توگۋ, زەرتحانالار);
3) رەزەرۆۋارلىق پارك شۇڭقىرلى الاڭىندا - شۇڭقىرلاۋدان (قورشاۋدان) تىس ورنالاسقان جاۋىن قابىلداعىشتاردان شىعۋ ورىندارىندا;
4) سۋ قۇيۋ قۇرىلعىلارى (تەمىر جول نەمەسە اۆتوموبيل تسيستەرنالارى ءۇشىن) الاڭدارىندا ورنالاسقان جاۋىن قابىلداعىشتاردان شىعۋ ورىندارىندا;
5) كەمىندە 10 مەتر قاشىقتىقتا - مۇناي ۇستاپ قالعىشقا دەيىن جانە كەيىن كارىز جەلىلەرىندە بيىكتىگى كەمىندە 0,25 مەتر گيدراۆليكالىق بەكىتكىشتەر ورناتۋ كوزدەلەدى.
61. كارىزدىڭ جالپى شىعۋ ورىندارىندا ورتالىق ۇستاپ قالعىش ورناتىلادى. ورتالىق ۇستاپ قالعىشتان وندىرىستىك عيماراتقا, قۇرىلىستار مەن رەزەرۆۋارلارعا دەيىن قاشىقتىق كەمىندە 30 مەتر, ال سورعى ستانتسيالارى مەن رەزەرۆۋارلارعا قىزمەت كورسەتەتىن ستانتسيالارداعى ۇستاپ قالعىشتار 10 مەتر بولۋى ءتيىس. بارلىق قۇرىلعىلار ورتكە ءتوزىمدى ماتەريالداردان جاسالادى.
62. قوسىمشا سۋ توقتاتۋ ارىعىن پايدالانۋ كەزىندە:
1) ءبولىنىپ الىنعان مۇناي ونىمدەرىنىڭ جالپى قاباتىنىڭ تۇزىلۋىنە جول بەرىلمەيدى;
2) جينالىپ قالعان قوجداردىڭ مولشەرىنە قاتىستى ارىقتاردى تازارتۋ جۇرگىزىلەدى.
63. ججم جانە ورتالىق ماي قۇيۋ ستانتسيالارىندا ورتالىقتاندىرىلعان جىلۋمەن جابدىقتاۋ كوزدەلەدى.
64. عيماراتتار مەن قۇرىلىستاردى جىلىتۋ مەن جەلدەتۋ ءۇشىن جىلۋتاسىعىش رەتىندە تەمپەراتۋراسى 130وس-تان اسپايتىن ىستىق سۋ قولدانىلادى.
7-پاراگراف. ءورت ءسوندىرۋدىڭ باستاپقى قۇرالدارىمەن قامتاماسىز ەتۋ ءتارتىبى
65. ورتتەن قۇتقارۋ جاساقتارى ورتتەن قۇتقارۋ تەحنيكاسىمەن, وتتى ءسوندىرۋ قۇرامدارىمەن, ارنايى اۆاريالىق-قۇتقارۋ جاساقتارىمەن جاراقتالادى.
66. ازاماتتىق اۆياتسيا ۇيىمدارىندا اۋەايلاقتىڭ ساناتىنا قاراي تالاپ ەتىلەتىن ورتكە قارسى قورعاۋ دەڭگەيى بويىنشا ءورت ماشينالارىنىڭ تاكتيكالىق-تەحنيكالىق سيپاتتامالارىنا سايكەس جەكە قۇرامنىڭ تولىق قارۋلى جاساعىنا يە اۆياتسيالىق وقيعا ورنىنا ءورت كولىگى قۇرالدارىندا ءبىر ۋاقىتتا جەتكىزىلەتىن ءورت ءسوندىرۋ قۇرامىنىڭ نورماتيۆتىك قورى قۇرىلادى.
اۋەايلاقتاردى تالاپ ەتىلەتىن ورتكە قارسى قورعاۋ دەڭگەيى بويىنشا ساناتتاۋ ازاماتتىق پايدالانۋعا جارامدىلىق نورمالارىمەن بەكىتىلگەن زاڭنىڭ 14-بابىنىڭ 1-تارماعىنىڭ 41-39) تارماقشاسىنا سايكەس بەكىتىلەتىن اۆياتسيا اۋەايلاقتارىن (تىكۇشاق ايلاقتارىن) جۇزەگە اسىرۋ بەلگىلەنەدى.
67. ازاماتتىق اۆياتسيا ۇيىمدارىنىڭ بارلىق وندىرىستىك قويمالىق, كومەكشى جانە اكىمشىلىك عيماراتتارى مەن قۇرىلىستارى, سونداي-اق جەكەلەگەن ءۇي-جايلارى مەن تەحنولوگيالىق قوندىرعىلارى شاعىن تۇتانۋلاردى, سونداي-اق باستاپقى دامۋ ساتىسىندا ورتتەردى ءوشىرۋ جانە جويۋ ءۇشىن پايدالانىلاتىن ءورت سوندىرگىشتەرمەن جابدىقتالادى.
68. ازاماتتىق اۆياتسيا ۇيىمدارىنىڭ وندىرىستىك جانە قويمالىق عيماراتتارى مەن قۇرىلىستارىندا جانە اۋماقتارىندا ءورت ءسوندىرۋدىڭ باستاپقى قۇرالدارىنىڭ جيىنتىعى بار ارنايى ءورت قالقاندارى ورناتىلادى. ءورت قالقاندارى مۇمكىندىگىنشە ءۇي-جايدان شىعۋ ورىندارىنا جاقىن, كورىنەتىن جانە وڭاي قول جەتەتىن ورىنداردا ورناتىلادى. ۇيىمداردىڭ اۋماقتارىنداعى ءبىر قالقان 5000 م2 الاڭعا ەسەبىمەن ءورت قالقاندارىمەن قامتاماسىز ەتىلەدى.
69. ءورت ءسوندىرۋ قۇرالدارىن ايقىنداۋ كەزىندە جاناتىن زاتتاردىڭ فيزيكالىق-حيميالىق جانە ءورت قاۋپى بار قاسيەتتەرى, ولاردىڭ ءورت سوندىرگىش قۇرالدارىنا قاتىناسى, سونداي-اق وندىرىستىك ءۇي-جاي الاڭدارى, اشىق الاڭدار مەن قوندىرعىلار ەسەپكە الىنادى.
قازاقستان رەسپۋبليكاسى ازاماتتىق اۆياتسياسىنداعى ءورت قاۋiپسiزدiگi قاعيدالارىنا 1-قوسىمشا
ازاماتتىق اۆياتسيا ۇيىمدارىنداعى ءورت-تەحنيكالىق كوميسسيالارى تۋرالى ەرەجە
1. جالپى ەرەجە
1. ءوندiرiس ۇيىمدارىنىڭ جۇمىسشىلارى, قىزمەتشiلەرi جانە ينجەنەر-تەحنيكالىق قىزمەتكەرلەرiنiڭ قالىڭ بۇقاراسىن ورتكە قارسى پروفيلاكتيكالىق شارالار جۇرگiزۋگە جانە ورتتەن ساقتاۋ جولىنداعى بەلسەندi كۇرەسكە تارتۋ ماقساتىندا ازاماتتىق اۆياتسيا ۇيىمدارىندا ءورت-تەحنيكالىق كوميسسيا قۇرىلادى.
2. ءورت-تەحنيكالىق كوميسسيا ازاماتتىق اۆياتسيا ۇيىمدارىنىڭ قىزمەتكەرلەرiنەن قۇرىلادى.
كوميسسيا ازاماتتىق اۆياتسيا باسشىسىنىڭ بۇيرىعىمەن بەلگىلەنەدi (تاعايىندالادى), ونىڭ قۇرامىنا ورتكە قارسى كۇرەس قىزمەتiنiڭ باس ينجەنەرi (توراعاسى), باستىعى, ينجەنەر-تەحنيك قىزمەتكەرلەرi - ەنەرگەتيك, تەحنولوگ, مەحانيك, تەحنيكا قاۋiپسiزدiگi ينجەنەرi, سۋمەن جابدىقتاۋ مامانى جانە ازاماتتىق اۆياتسيا ۇيىمى باسشىسىنىڭ ۇيعارىمى بويىنشا باسقا دا قىزمەتكەرلەر ەنەدi.
3. ءورت-تەحنيكالىق كوميسسياسى ءوزiنiڭ پراكتيكالىق جۇمىسىندا مەملەكەتتiك ءورتتi باقىلاۋدىڭ جەرگiلiكتi ورگاندارىمەن تۇراقتى بايلانىس جاساۋى تيiس.
2. ءورت-تەحنيكالىق كوميسسياسى جۇمىسىنىڭ ءتارتiبi جانە نەگiزگi مiندەتتەرi
4. ءورت-تەحنيكالىق كوميسسياسىنىڭ نەگiزگi مiندەتتەرiنە مىنالار جاتادى:
1) ءوندiرiستiڭ تەحنولوگيالىق پروتسەستەرiندە, اگرەگاتتار, قوندىرعىلار جۇمىسىندا, لابوراتوريالار, شەبەرحانالار, قويمالار, بازالار ءتۇپتiڭ تۇبiندە ءورتتiڭ شىعۋىنا, جارىلىس نەمەسە اپات جاعدايىنا اپارىپ سوقتىراتىن ورتكە قاۋiپتi ءتارتiپ بۇزۋشىلىق جانە وزگە دە كەمشiلiكتەردiڭ بەتiن اشۋ;
2) ۇيىمداعى وندiرiستiك تسەحتاردا, قويمالاردا, اكiمشiلiك ۇيلەرiندە جانە تۇرعىن ۇيلەردە ءورت-پروفيلاكتيكالىق جۇمىستاردى iسكە اسىرۋ, ورتكە قارسى قاتاڭ ءتارتiپ ورناۋى جولىنداعى ۇيىمداستىرۋ جانە جۇرگiزۋ iسiنە جاردەمدەسۋ;
3) ءورت قاۋiپسiزدiگi ماسەلەسi بويىنشا راتسيوناليزاتورلىق جانە ونەرتاپقىشتىق جۇمىستاردى ۇيىمداستىرۋ;
4) جۇمىسشىلار, قىزمەتشiلەر جانە ينجەنەر-تەحنيك قىزمەتكەرلەرi اراسىندا ورتكە قارسى ەرەجەلەر مەن ءتارتiپتi ساقتاۋ ماسەلەلەرi بويىنشا كوپشiلiك - ءتۇسiندiرۋ جۇمىستارىن جۇرگiزۋ.
5. ءورت-تەحنيكالىق كوميسسياسى العا قويىلعان مiندەتتەردi جۇزەگە اسىرۋ ءۇشiن مىنالاردى اتقارۋعا مiندەتتi:
1) وندiرiستiك پروتسەستەردە, اگرەگاتتاردا, قويمالاردا, لابوراتوريالاردا, ەلەكتر شارۋاشىلىعىندا, جىلۋ جۇيەلەرiندە, جەلدەتۋ جانە باسقا دا نىساندار مەن قوندىرعىلارداعى ءورت قاۋپiنە جول بەرiلگەن كەمشiلiكتەرiنiڭ بەتiن اشۋ ماقساتىندا بارلىق وندiرiستiك عيماراتتاردا, بازدا, قويمالاردا, لابوراتوريالاردا جانە ۇيىمنىڭ باسقا دا قىزمەتتiك ۇيلەرiندە جىلىنا كەم دەگەندە 2-4 رەت تولىق تەكسەرiس جۇرگiزۋ;
2) جۇمىسشىلارمەن, قىزمەتشiلەرمەن, ينجەنەر-تەحنيك قىزمەتكەرلەرiمەن اڭگiمەلەر جانە لەكتسيالار وتكiزۋ;
3) ۇيىمنىڭ ورتكە قارسى جاعدايى تۋرالى ماسەلەلەردi جەرگiلiكتi ۇيىمدار مەن وندiرiستiك كەڭەستەرگە باقىلاۋعا ۇسىنۋ;
4) ۇيىمنىڭ راتسيوناليزاتورلىق جانە جاڭاشىلدىق بيۋروسىنا ءورت قاۋiپسiزدiگi ماسەلەلەرi بويىنشا تاقىرىپ ويلاستىرىپ ۇسىنۋ جانە ۇيىمنىڭ ورتكە قارسى جاعدايىن جاقسارتۋعا باعىتتالعان شارالاردى جۇزەگە اسىرۋعا جاعداي تۋعىزۋ;
5) اكiمشiلiكپەن بiرلەسە وتىرىپ, تسەحتار, قويمالار, لابوراتوريالار جانە ۇيىمنىڭ باسقا دا نىساندارى ءۇشiن ءورت قاۋiپسiزدiگi نۇسقاۋلارىن, ەرەجەلەرiن ازiرلەۋگە بەلسەنە قاتىسۋ;
6) ۇيىمدا ورتتەن قورعاۋ ماماندارىنا ءورت قاۋiپسiزدiگi ماسەلەلەرi جونiندەگi عىلىمي-تەحنيكالىق قىزمەتكەرلەردiڭ قاتىسۋىمەن ءورت-تەحنيكالىق كونفەرەنتسياسىن وتكiزۋ;
7) ۇيىم تسەحتارى, قويمالارى مەن ۇيلەرiنiڭ ورتكە قارسى جاعدايىنا جانە ورتتەن قورعاۋ مەكەمەسiنiڭ ءازiرلiگiنە قوعامدىق بايقاۋ وتكiزۋ, سونداي-اق مەملەكەتتiك ءورتتi باقىلاۋ ورگانى ۇسىنعان ورتكە قارسى شارالاردىڭ ورىندالۋىن تەكسەرۋ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12217 بولىپ ەنگىزىلدى.