2016 جىلعى 13 ماۋسىم, استانا قالاسى
مۇگەدەكتەر ءۇشىن جۇمىس ورىندارىن كۆوتالاۋ قاعيدالارىن بەكىتۋ تۋرالى
«حالىقتى جۇمىسپەن قامتۋ تۋرالى» 2016 جىلعى 6 ساۋىردەگى قازاقستان رەسپۋبليكاسى زاڭىنىڭ 7-بابى 7) تارماقشاسىنا سايكەس بۇيىرامىن:
قوسا بەرىلىپ وتىرعان مۇگەدەكتەر ءۇشىن جۇمىس ورىندارىن كۆوتالاۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ حالىقتى جۇمىسپەن قامتۋ دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) تىركەلگەن وسى بۇيرىقتى العان كۇننەن باستاپ بەس جۇمىس كۇنى ىشىندە ونىڭ كوشىرمەسىنىڭ قازاق جانە ورىس تىلدەرىندەگى ءبىر داناسىن باسپا جانە ەلەكتروندىق تۇردە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە قوسۋ ءۇشىن «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى;
3) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
4) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى;
5) وسى بۇيرىقتى وبلىستاردىڭ, استانا جانە الماتى قالالارىنىڭ جەرگىلىكتى اتقارۋشى ورگاندارىنىڭ نازارىنا جەتكىزۋدى;
6) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2), 3) جانە 4) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەر ۇسىنۋدى قامتاماسىز ەتسىن.
3. «مۇگەدەكتەرگە ارنالعان جۇمىس ورىندارىن كۆوتالاۋ قاعيدالارىن بەكىتۋ تۋرالى» قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2016 جىلعى 6 قاڭتارداعى №2 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 13027 بولىپ تىركەلگەن, 2016 جىلعى 15 اقپاندا «ادىلەت» اقپاراتتىق-قۇقىقتىق جۇيەسىندە جاريالانعان) كۇشى جويىلدى دەپ تانىلسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ب.ب.نۇرىمبەتوۆكە جۇكتەلسىن.
5. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
كەلىسىلدى
قازاقستان رەسپۋبليكاسىنىڭ ۇلتتىق ەكونوميكا ءمينيسترى
__________________ ق.بيشىمباەۆ
2016 جىلعى 30 ماۋسىم
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2016 جىلعى 13 ماۋسىمداعى №498 بۇيرىعىمەن بەكىتىلگەن
مۇگەدەكتەر ءۇشىن جۇمىس ورىندارىن كۆوتالاۋ قاعيدالارى
1-تاراۋ. جالپى ەرەجەلەر
وسى مۇگەدەكتەر ءۇشىن جۇمىس ورىندارىن كۆوتالاۋ قاعيدالارى (بۇدان ءارى – قاعيدالار) «حالىقتى جۇمىسپەن قامتۋ تۋرالى» 2016 جىلعى 6 ساۋىردەگى قازاقستان رەسپۋبليكاسى زاڭىنىڭ («حالىقتى جۇمىسپەن قامتۋ تۋرالى» زاڭ) 7-بابى 7) تارماقشاسىنا سايكەس ازىرلەندى جانە مۇگەدەكتەر ءۇشىن جۇمىس ورىندارىن كۆوتالاۋ ءتارتىبىن بەلگىلەيدى.
وسى قاعيدالاردا پايدالانىلاتىن نەگىزگى ۇعىمدار:
1) جەرگىلىكتى اتقارۋشى ورگان (اكىمدىك) – وبلىستىڭ, رەسپۋبليكالىق ماڭىزى بار قالانىڭ جانە استانانىڭ, اۋداننىڭ (وبلىستىق ماڭىزى بار قالانىڭ) اكىمى باسقاراتىن, ءوز قۇزىرەتى شەگىندە ءتيىستى اۋماقتا جەرگىلىكتى مەملەكەتتىك باسقارۋدى جانە ءوزىن-ءوزى باسقارۋدى جۇزەگە اسىراتىن القالى اتقارۋشى ورگان;
2) جۇمىس بەرۋشi – جۇمىسكەر ونىمەن ەڭبەك قاتىناستارىندا تۇرعان جەكە نەمەسە زاڭدى تۇلعا;
3) جۇمىس ورىندارىنىڭ كۆوتاسى (بۇدان ءارى – كۆوتا) – اۋىر جۇمىستارداعى, ەڭبەك جاعدايلارى زياندى, قاۋىپتى جۇمىستارداعى جۇمىس ورىندارىن ەسەپتەمەگەندە, جۇمىس ورىندار سانىنىڭ پايىزدىق كورسەتىلىمىندە مۇگەدەكتەر جۇمىس ىستەيتىن جۇمىس ورىندارىنىڭ سانىن قوسا العاندا, جۇمىس بەرۋشى جۇمىسقا ورنالاستىرۋعا مىندەتتى مۇگەدەكتەردى جۇمىسقا قابىلداۋعا ارنالعان جۇمىس ورىندارىنىڭ ەڭ از سانى;
4) جۇمىس ورىندارىن كۆوتالاۋ – جەرگىلىكتى اتقارۋشى ورگاندار بەلگىلەگەن كۆوتاعا سايكەس مۇگەدەكتەردى جۇمىسقا ورنالاستىرۋ ءۇشىن جۇمىس بەرۋشىلەردىڭ جۇمىس ورىندارىن ۇسىنۋى;
5) مۇگەدەك – تۇرمىس-تىرشىلىگىنىڭ شەكتەلۋiنە جانە ونى الەۋمەتتiك قورعاۋ قاجەتتiگiنە اكەپ سوقتىراتىن, اۋرۋلارعا, مەرتىگۋلەرگە (جارالانۋعا, جاراقاتتارعا, كونتۋزيالارعا), ولاردىڭ زارداپتارىنا, كەمiستiكتەرگە بايلانىستى ورگانيزم فۋنكتسيالارى تۇراقتى بۇزىلىپ, دەنساۋلىعى ناشارلاعان ادام;
6) حالىقتى جۇمىسپەن قامتۋ ماسەلەلەرى جونىندەگى جەرگىلىكتى ورگان – وڭىرلىك ەڭبەك نارىعىنداعى احۋالدى ەسكەرە وتىرىپ حالىقتى جۇمىسپەن قامتۋعا جاردەمدەسۋدىڭ باعىتتارىن ايقىندايتىن اۋداننىڭ, وبلىستىق ماڭىزى بار قالالاردىڭ, وبلىستىڭ, رەسپۋبليكالىق ماڭىزى بار قالالاردىڭ, استانانىڭ جەرگiلiكتi اتقارۋشى ورگاندارىنىڭ قۇرىلىمدىق بولiمشەسi;
7) حالىقتى جۇمىسپەن قامتۋ ورتالىعى – اۋداننىڭ, وبلىستىق جانە رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگانى جۇمىسپەن قامتۋعا جاردەمدەسۋدىڭ بەلسەندى شارالارىن ىسكە اسىرۋ, جۇمىسسىزدىقتان الەۋمەتتىك قورعاۋدى جانە جۇمىسپەن قامتۋعا جاردەمدەسۋدىڭ وزگە دە شارالارىن ۇيىمداستىرۋ ماقساتىندا قۇراتىن مەملەكەتتىك مەكەمە.
2-تاراۋ. مۇگەدەكتەر ءۇشىن جۇمىس ورىندارىن كۆوتالاۋ ءتارتىبى
3. حالىقتى جۇمىسپەن قامتۋ ماسەلەلەرى جونىندەگى جەرگىلىكتى ورگان ۇيىمداردا كۆوتا بەلگىلەۋ بويىنشا ۇسىنىستاردى:
ءتيىستى اكىمشىلىك-اۋماقتىق بىرلىكتەگى ەڭبەك نارىعىندا مۇگەدەكتەر سانىنان جۇمىس كۇشىنە اعىمداعى سۇرانىس پەن ۇسىنىستى تالداۋ, بولجاۋ;
وڭىردەگى جۇمىس ىستەپ تۇرعان ۇيىمدار سانى;
جۇمىسكەرلەردىڭ شتات سانى جانە بار بوس جۇمىس ورىندارىنىڭ سانى تۋرالى جۇمىس بەرۋشىلەردىڭ مالىمەتتەرى نەگىزىندە قالىپتاستىرىلعان ۇيىمدارداعى جۇمىسكەرلەردىڭ تىزىمدىك سانى;
مۇگەدەكتەردى جۇمىسقا ورنالاستىرۋ ءۇشىن جۇمىس بەرۋشى ۇسىنعان قولدانىستاعى جۇمىس ورىندارىنىڭ سانى تۋرالى مالىمەتتەردى تالداۋ;
كۆوتادان تىس جۇمىس بەرۋشىلەر مەن مۇگەدەكتەر اراسىندا جاسالعان قولدانىستاعى ەڭبەك شارتتارىنىڭ سانى تۋرالى مالىمەتتەردى تالداۋ;
6) حالىقتى جۇمىسپەن قامتۋ ورتالىعى تىركەگەن جۇمىسسىز مۇگەدەكتەردىڭ سانى نەگىزىندە ازىرلەيدى.
4. حالىقتى جۇمىسپەن قامتۋ ماسەلەلەرى جونىندەگى جەرگىلىكتى ورگان «مەملەكەتتىك ستاتيستيكا تۋرالى» 2010 جىلعى 19 ناۋرىزداعى قازاقستان رەسپۋبليكاسى زاڭىنىڭ 16-بابى 3-تارماعىنىڭ 2) تارماقشاسىنا سايكەس بەكىتىلەتىن نىسان بويىنشا جۇمىس بەرۋشىلەر حالىقتى جۇمىسپەن قامتۋ ورتالىعىنا ۇسىناتىن مۇگەدەكتەردى جۇمىسقا ورنالاستىرۋ كۆوتاسىن ورىنداۋعا ارنالعان جۇمىس ورىندارىنىڭ سانى, بوس لاۋازىمدار مەن بوس جۇمىس ورىندارى تۋرالى مالىمەتتەردىڭ بولۋى تۋرالى مالىمەتتەردىڭ نەگىزىندە ۇيىمدار بولىنىسىندە جۇمىسقا ورنالاسۋعا مۇقتاج مۇگەدەكتەردىڭ جانە مۇگەدەكتەرگە ارنالعان بوس جۇمىس ورىندارىنىڭ دەرەكتەر بازاسىن قالىپتاستىرادى.
5. كۆوتانى جەرگىلىكتى اتقارۋشى ورگاندار «حالىقتى جۇمىسپەن قامتۋ تۋرالى» زاڭنىڭ 27-بابى 1-تارماعىنىڭ 1) تارماقشاسىنا سايكەس حالىقتى جۇمىسپەن قامتۋ ماسەلەلەرى جونىندەگى ۋاكىلەتتى ورگان ايقىندايتىن تارتىپپەن اۋىر جۇمىستاردى, ەڭبەك جاعدايلارى زياندى, قاۋىپتى جۇمىستارداعى جۇمىس ورىندارىن ەسەپتەمەگەندە, جۇمىس ورىندارى سانىنىڭ ەكىدەن ءتورت پايىزعا دەيىنگى مولشەرىندە مۇگەدەكتەردى جۇمىسقا ورنالاستىرۋ ءۇشىن بەلگىلەيدى.
6. جۇمىس بەرۋشىلەر بەلگىلەنگەن كۆوتاعا سايكەس كۆوتا ەنگىزىلگەن كۇننەن باستاپ التى اي ىشىندە مۇگەدەكتەردى جۇمىسقا ورنالاستىرۋ ءۇشىن جۇمىس ورىندارىن ۇسىنادى.
7. «حالىقتى جۇمىسپەن قامتۋ تۋرالى» زاڭنىڭ 17-بابى 4-تارماعىنىڭ 1) تارماقشاسىنا سايكەس كۆوتا شەڭبەرىندە مەديتسينالىق قورىتىندىعا سايكەس ەڭبەك (قىزمەتتىك) مىندەتتەرىن اتقارۋعا قارسى كورسەتىلىمدەرى جوق مۇگەدەكتەر جۇمىسقا ورنالاستىرىلادى.
8. كۆوتانى جەرگىلىكتى اتقارۋشى ورگاندار جۇمىسكەرلەردىڭ مىناداي تىزىمدىك سانى بار ۇيىمدارعا:
1) ەلۋدەن ءجۇز ادامعا دەيىن – جۇمىسكەرلەردىڭ تىزىمدىك سانىنىڭ ەكى پايىزى مولشەرىندە;
2) جۇزدەن ەكى ءجۇز ەلۋ ادامعا دەيىن – جۇمىسكەرلەردىڭ تىزىمدىك سانىنىڭ ءۇش پايىزى مولشەرىندە;
3) ەكى ءجۇز ەلۋدەن ارتىق ادام – جۇمىسكەرلەردىڭ تىزىمدىك سانىنىڭ ءتورت پايىزى مولشەرىندە بەلگىلەيدى.
9. 2015 جىلعى 23 قاراشاداعى قازاقستان رەسپۋبليكاسىنىڭ ەڭبەك كودەكسىنە, «مەملەكەتتىك قىزمەت تۋرالى» 2015 جىلعى 23 قاراشاداعى قازاقستان رەسپۋبليكاسىنىڭ زاڭىندا قىزمەتكە كىرۋدىڭ ەرەكشە جاعدايلارى, لاۋازىمعا تاعايىنداۋدىڭ ءتارتىبى ايقىندالعان جاعدايلاردا كۆوتا بەلگىلەنبەيدى.
10. «حالىقتى جۇمىسپەن قامتۋ تۋرالى» زاڭنىڭ 27-بابى 2-تارماعىنا سايكەس مۇگەدەكتەردىڭ قوعامدىق بىرلەستىكتەرىنە, سونداي-اق مۇگەدەكتەردىڭ سانى جۇمىسكەرلەردىڭ ورتاشا جىلدىق سانىنىڭ جيىرما پايىزىنان استامىن قۇرايتىن ۇيىمدارعا كۆوتا بەلگىلەنبەيدى.
11. ەلدى مەكەندەردە ەڭبەك قىزمەتى ءۇشىن مەديتسينالىق قارسى كورسەتىلىمدەرى جوق ەڭبەك ەتۋگە قابىلەتتى جاستاعى مۇگەدەكتەر بولماعان كەزدە, اتالعان ەلدى مەكەندەردىڭ اۋماعىندا ورنالاسقان ۇيىمداردا كۆوتا بەلگىلەنبەيدى.
12. ۇيىم ءۇشىن بەلگىلەنگەن كۆوتا وسى قاعيدالاردىڭ 13-تارماعىندا كوزدەلگەن جاعدايلاردا كۇنتىزبەلىك جىل ىشىندە قايتا قاراۋعا (تۇزەتۋگە) جاتادى.
13. جۇمىس بەرۋشى – زاڭدى تۇلعا تاراتىلعان نە جۇمىس بەرۋشى – جەكە تۇلعانىڭ قىزمەتى توقتاتىلعان, جۇمىسكەرلەر سانى نەمەسە شتاتى قىسقارتىلعان, جۇمىس بەرۋشىنىڭ ەكونوميكالىق جاي-كۇيىنىڭ ناشارلاۋىنا اكەپ سوققان ءوندىرىس, ورىندالاتىن جۇمىستار مەن كورسەتىلەتىن قىزمەتتەر كولەمى تومەندەگەن جاعدايلاردى قوسپاعاندا, جۇمىس بەرۋشىلەر مۇگەدەكتەردى جۇمىسقا ورنالاستىرۋعا ارنالعان بەلگىلەنگەن كۆوتانى ورىندايدى.
14. جۇمىس ورىندارىنىڭ كۆوتاسى شەڭبەرىندە جۇمىسقا ورنالاسقان, جۇمىس بەرۋشىلەر وسى قاعيدالاردىڭ 13-تارماعىندا كورسەتىلگەن جاعدايلارعا بايلانىستى جۇمىستان بوساتقان مۇگەدەكتەر ولاردى كەيىننەن جۇمىسقا ورنالاستىرۋمەن حالىقتى جۇمىسپەن قامتۋ ورتالىعىندا جۇمىسسىز رەتىندە تىركەلەدى.
15. جۇمىس بەرۋشىلەر حالىقتى جۇمىسپەن قامتۋ ورتالىعىنا «مەملەكەتتىك ستاتيستيكا تۋرالى» قازاقستان رەسپۋبليكاسى زاڭىنىڭ 16-بابى 3-تارماعىنىڭ 2) تارماقشاسىنا سايكەس بەكىتىلەتىن نىسان بويىنشا التى ايدان كەم ەمەس مەرزىمگە جاسالعان ەڭبەك شارتىمەن راستالعان جۇمىس بەرۋشىنىڭ بوس نەمەسە بەلگىلەنگەن كۆوتا شەڭبەرىندە ۇسىنىلعان جۇمىس ورىندارىنا مۇگەدەكتەردى جۇمىسقا ورنالاستىرۋى تۋرالى مالىمەتتەر ۇسىنۋى كۆوتانى ورىنداۋ بولىپ تابىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 28 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14010 بولىپ ەنگىزىلدى.