قازاقستان رەسپۋبليكاسىنىڭ ازاماتى اريف احمەدوۆتى قىلمىستىق جاۋاپتىلىققا تارتۋ ءۇشىن قۇقىق قورعاۋ ورگاندارى ونى ازەربايجاننان ەلگە اكەلدى. ا.احمەدوۆ اسا ءىرى كولەمدە ەسىرتكى زاتتارىن الدىن الا ءسوز بايلاسقان ادامدارمەن بىرگە وتكىزۋ ماقساتىمەن ساتىپ العانى جانە ساقتاعانى ءۇشىن ايىپتالعان.
ونى قايتارۋ تۋرالى شەشىمدى قازاقستاننىڭ باس پروكۋراتۋراسىنىڭ سۇراۋى بويىنشا اعىمداعى جىلدىڭ شىلدە ايىندا ازەربايجان رەسپۋبليكاسىنىڭ باس پروكۋراتۋراسى قابىلدادى. قازىرگى كۇنى احمەدوۆ استانا قالاسىنىڭ تەرگەۋ وقشاۋلاعىشىنا قاماۋعا الىندى, دەپ حابارلادى قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتى.