[caption id="attachment_54291" align="aligncenter" width="560"] وڭتۇستىك قازاقستان وبلىسىنىڭ اكىمدىگى[/caption]
شىمكەنت قالاسىنىڭ قۇرىلىس ءبولىمىنىڭ باسشىسى ەركىن بۇحارباەۆ ءىرى كولەمدە اقشا جىمقىرعانى ءۇشىن قاماۋعا الىندى.
سىبايلاس جەمقورلىق بىلىقتارى بادام وزەنىنىڭ قوس قاپتالىن ارلەۋ جۇمىستارى كەزىندە ورىن العان. ءۇش جىل بۇرىن باستالعان جوباعا وبلىستىق بيۋدجەتتەن 2 ملرد. تەڭگە بولىنگەن.
وسى قارجىعا ءۇش شاقىرىمدىق جاعالاۋدى بەكىتۋ مەن جان-جاعىن اسەمدەۋ جۇمىستارى اتقارىلۋى كەرەك ەدى. بىلتىر وزەندى اباتتاندىرۋدىڭ ءۇشىنشى كەزەڭى ءۇشىن 6,7 ملرد. تەڭگە سۇرالعان.
مەردىگەر «ستروي-سيتي» مەكەمەسىنىڭ جۇمىستارىن تەكسەرۋ بارىسىندا 170 ملن. تەڭگەنىڭ ورنى تابىلماعان.
ال, بۇحارباەۆتىڭ بۇدان بولەك «شىمكەنت-سيتي» جوباسىنا جەتەكشىلىك جاساپ, وعان 11 ملرد. تەڭگە اۋدارىلعانى بەلگىلى بولىپ وتىر.
باقتيار تايجان
وڭتۇستىك قازاقستان وبلىسى