[caption id="attachment_54053" align="aligncenter" width="560"] فوتو: bloknot.ru[/caption]
يسپانيادا قۇتقارۋشىلار جەرورتا تەڭىزى ارقىلى ەۋروپاعا وتپەك بولعان بوسقىنداردى قۇتقارىپ قالدى. ريا «نوۆوستي» اقپارات اگەنتتىگىنىڭ مالىمەتىنە سايكەس, بارلىعى 44 بوسقىن ەكى قايىققا مىنگەن.
بەلگىلى بولعانداي, ولاردى العاش بولىپ, تەڭىزگە شىققان كەمە كاپيتانى بايقاپ قالعان. كوپ ۇزاماي قۇتقارۋشىلارعا حابار بەرگەن. ىزدەۋ جۇمىستارى ەلدىڭ وڭتۇستىك-شىعىسىندا ءوتتى. ولاردىڭ ءبارى امان-ەسەن جاعاعا جەتكىزىلدى. اقپارلار بويىنشا, ەكى قايىقتىڭ بىرىنە 19 ادام, ال ەكىنشىسىنە 25 ادام جايعاسقان.
ايتا كەتەيىك, بيىل ەۋروپاعا تاياۋ شىعىس, سولتۇستىك افريكا ەلدەرىنەن 200 مىڭعا جۋىق بوسقىن كەلگەن. ال بىرىككەن ۇلتتار ۇيىمىنىڭ باس حاتشىسى پان گي مۋن بىرەر اي بۇرىن جەرورتا تەڭىزىندە اي سايىن 450 ميگرانت وپات بولاتىنىن مالىمدەگەن بولاتىن.
ايان ءابدۋالي