قازاقستان ارالاس جەكپە-جەك (مما) شەبەرلەرى بۋرابايداعى وقۋ-جاتتىعۋ كەشەنىندە ازيانىڭ كەزەكتى ءىىى ازيا چەمپيوناتى الدىنداعى سوڭعى جاتتىعۋىن اياقتادى.
فەدەراتسيا ءباسپاسوز قىزمەتىنەن حابارلاعانداي, چەمپيونات وڭتۇستىك كورەيانىڭ حۆاسۋن قالاسىندا 6-7 تامىز كۇندەرى وتەدى. وسى سىندا قازاقستاننىڭ 14 شەبەرى 7 سالماق دارەجەسى بويىنشا ەلىمىزدىڭ نامىسىن قورعايدى.
قازاقستان قۇراماسىنىڭ باس جاتتىقتىرۋشىسىى بايان جاڭعالوۆتىڭ ايتۋىنشا, قازىر سپورتشىلاردىڭ دايىندىعى جوعارى. بۇل قۇرامانىڭ ازيا ەلدەرىنىڭ اراسىندا كوشباسشىلىق ءرولىن ساقتاپ قالۋىنا مۇمكىندىك بەرۋگە ءتيىس.
ەستەرىڭىزگە سالا كەتەيىك, مما بويىنشا قازاقستان قۇراماسى الەم چەمپيوناتتارىندا 2013 جىلى, 2014 جانە 2015 جىلدارى ەكىنشى ورىن يەلەنگەن. ازيا چەمپيوناتىندا سوڭعى ەكى جىلدان بەرى قازاقستان جالپى كوماندالىق ەسەپتە ءبىرىنشى ورىندى بەرمەي كەلەدى.
باقبەرگەن امالبەك