[caption id="attachment_52466" align="aligncenter" width="560"] فوتو: kommersant.ru[/caption]
برازيليادا لاڭكەستىك شابۋىل جاساۋعا نيەتتەنگەن 10 ادام قاماۋعا الىندى. مالىمەتتەرگە قاراعاندا, پوليتسيا قىزمەتكەرلەرى ولاردى دايش ەكسترەميستىك ۇيىمىمەن بايلانىسى بار دەپ كۇدىكتەنگەن ەكەن. ال rbc.ru اقپارىنا سايكەس, ادىلەت ءمينيسترى الەشاندري موراەسانىڭ ايتۋىنشا, تۇتقىنعا تۇسكەندەر قاندى ارەكەتتەرىن ريو-دە-جانەيرودا وتەتىن وليمپيادا كەزىندە جۇزەگە اسىرماق بولعان.
Associated Press ارنايى وپەراتسيا كەزىندە 12 ادامنىڭ قولعا تۇسكەنىن حابارلادى. وسىعان بايلانىستى مەملەكەت پرەزيدەنتىنىڭ مىندەتىن اتقارۋشى ميشەل تەمەر شۇعىل تۇردە مينيسترلەر كابينەتىنىڭ وتىرىسىن وتكىزدى. كۇدىكتىلەردى ۇستاۋعا بايلانىستى وپەراتسيا جۇمىستارى توعىز شتاتتا جۇرگىزىلدى.
تەررورلىق شابۋىلدارىن ىسكە اسىرۋ ءۇشىن اتىشۋلى ەكسترەميستىك توپتارمەن بايلانىس ورناتۋعا تىرىسقان. پوليتسيا قىزمەتكەرلەرى ولاردى نەگىزىنەن وڭتۇستىكتەگى پارانا شتاتىندا قولعا ءتۇسىردى. اتالعان شتاتتىڭ سوتى تۇتقىنعا الىنعاندار قارۋ-جاراق اسىنىپ, «پارتيزان ءادىسىن» قولدانباق بولعان دەگەن مالىمدەمە جاسادى.
جاقىندا لاتىن امەريكاسىندا وزدەرىن «انسار ال-حاليفات برازيليا» دەپ اتاعان العاشقى راديكالدى ۇيىمنىڭ شىققانى حابارلانعان بولاتىن.
برازيليانىڭ قورعانىس ءمينيسترى نيتستساداعى جاعدايدان كەيىن وليمپيادا كەزىندە قاۋىپسىزدىكتى قامتاماسىز ەتۋ ءۇشىن قاتاڭ شارالار قابىلداناتىنىنا ۋادە بەرگەن. ءتارتىپ ساقشىلارى اسىرەسە, ءوزىن-ءوزى جارىپ جىبەرەتىن جانكەشتىلەردەن قاۋىپتەنەدى. expert.ru مالىمەتىندە وسىعان بايلانىستى 85 مىڭ اسكەر جۇمىلدىرىلاتىنى ايتىلعان. بۇل 2012 جىلى لوندوندا وتكەن وليمپيادادان ەكى ەسە كوپ.
ايان ءابدۋالي