امەريكانىڭ ميسسۋري شتاتىنداعى كانزاس-سيتي قالاسىندا تۇراتىن دانەشي كاۋچ ەسىمدى 20 جاستاعى كەلىنشەك 26 ايدىڭ ىشىندە ءۇش رەت ەگىز بالادان تاپقان. The Huffington Post گازەتىندە جازىلعانداي, ايەلدىڭ العاشقى جۇپتاعى ءبىر بالاسى كۇنى بۇرىن قولدان جاسالعان تولعاقتىڭ سالدارىنان شەتىنەپ كەتكەن. ال قالعان بەس بالاسى تۇگەل امان-ەسەن ءوسىپ جاتىر.
مۇنداي تاڭ قالارلىق جاعدايدى قازىر اركىم ارقالاي تارازىلاپ جاتقان كورىنەدى. سولاردىڭ اراسىندا مۇنى فيزيولوگيالىق اۋىتقۋشىلىق سانايتىندار دا بار. بىراق بۇعان جاس كەلىنشەك كەلىسە قويمايدى. «تاعى بىرقاتار كىسىلەر بۇل جاعدايدى تابيعاتتىڭ كەرەمەت قۇبىلىسى رەتىندە دە باعالاپ وتىر», دەيدى ول.
امەريكالىق قارا ءناسىلدى ايەل ەگىز بالالارىنىڭ اكەسىنە قىركۇيەك ايىندا تۇرمىسقا شىعاتىن بولىپ وتىر ەكەن. ايتۋىنشا, كاۋچ كەزەكتى مارتە ەكىقابات بولۋعا ءازىر قۇمار بولىپ تۇرعان جوق.
كەلىنشەك وتباسىنىڭ قارجىدان تاپشىلىق كورىپ كەلە جاتقاندارىن دا جاسىرمادى. سوندىقتان بۇل جۇپ بەس بالانى اسىراپ-باعۋ ءۇشىن Gofundme الاڭىندا قارجى جيناۋ بەكەتىن اشىپ قويىپتى. ولار وسى حابار جاريالانعانعا دەيىن 1,3 مىڭ دوللار جيناپ ۇلگەرىپتى.
مۇرات ايتقوجا