[caption id="attachment_52327" align="aligncenter" width="560"] فوتو: confederation.kz[/caption]
استانادا گرەك-ريم, ەركىن جانە ايەلدەر كۇرەسى فەدەراتسياسىنىڭ اتقارۋشى كوميتەتى بيۋروسىنىڭ كەزەكتى وتىرىسى ءوتتى.
جيىندا كۇرەس تۇرلەرىنەن ۇلتتىق قۇراما كوماندانىڭ وليمپيا ويىندارىنا دايىندىعى قارالدى. وندا باس جاتتىقتىرۋشىلار وقۋ-جاتتىعۋ جيىندارى مەن پالۋانداردىڭ جاعدايى تۋرالى ايتىپ بەردى. گرەك-ريم كۇرەسىنەن كوماندانىڭ باس جاتتىقتىرۋشىسى تاڭات ساعىندىقوۆ سوڭعى جاتتىعۋ جيىندارىنىڭ الماتى وبلىسىندا ءوتىپ جاتقانىن, سپورتشىلارعا وليمپياداعا دايىندالۋ ءۇشىن بارلىق جاعدايدىڭ جاسالعانىن اتاپ ءوتتى. وسى جەردە ول اۋىر سالماقتاعى پالۋان نۇرماحان تىناليەۆپەن بىرگە جارىسقا لوندون وليمپيالداسىنىڭ جۇلدەگەرى, ليتۆالىق مينداۋگاس ميزگايتيس پەن وليمپيادا ويىندارىنا قاتىسقان تاعى ءبىر پالۋان بەلارۋس يوسيف چۋگوشۆيليدىڭ دايىندالىپ جاتقانىن ايتتى.
«نۇرماحاننىڭ شەتەل پالۋاندارىمەن كۇرەسىپ, كۇشىن ىسناپ جاتقانى وتە دۇرىس بولدى. بۇل سپورتشىلاردى ەلىمىزگە مادەنيەت جانە سپورت مينيسترلىگى, سپورتتىق جەكپە-جەك جانە كۇش قولداناتىن سپورت تۇرلەرى كونفەدەراتسياسى شاقىردى», دەدى ول. سونىمەن بىرگە جيىندا ەركىن كۇرەستەن ۇلتتىق قۇرامانىڭ باس جاتتىقتىرۋشىسى سەرگەي بەلوگلازوۆ تا ءوز سپورتشىلاردىڭ دايىندىعىنىڭ جاقسى ءوتىپ جاتقاندىعىن حابارلادى. ول جەڭىل سالماقتاعى نۇريسلام ساناەۆقا دا رەسەي فەدەراتسياسىنان بىرنەشە سپاررينگ-سەرىكتەستىڭ كەلگەندىگىن اتاپ ءوتتى.
جيىندا ايەلدەر قۇراما كومانداسىنىڭ جەتەكشىسى قايرات ساعاديەۆتىڭ دە ەسەبى تىڭدالدى. ول ايەلدەر قۇراماسىنىڭ وليمپياداعا تولىعىمەن دايىن ەكەندىگىن جەتكىزدى. وسىدان كەيىن وليمپيا ويىندارىنا قاتىساتىن ۇلتتىق قۇرامانى بەكىتۋ ماسەلەسى تالقىلاندى. سوڭىنان ۇلتتىق قۇرامانىڭ ناقتى ءتىزىمىن بەكىتىلدى.
بيۋرو وتىرىسىندا جاتتىقتىرۋشىلار كەڭەسى, كوماندالىق ءتارتىپ جانە انتي-دوپينگ ماسەلەسى تۋرالى دا اڭگىمە قوزعالدى. وندا انتي-دوپينگ ەرەجەلەرىن بۇزعان سپورتشىلارعا ەڭ قاتاڭ جازا قولدانىلاتىنى ەسكەرتىلدى.
داستان كەنجالين