[caption id="attachment_52296" align="aligncenter" width="560"] فوتو: gottstat.com[/caption]
قىتايدىڭ شانحاي قالاسىندا شاعىن گيدروۇشاق اپاتقا ۇشىرادى. بورتىنداعى 10 ادامنىڭ 5-ءى وپات بولدى.
gordonua.com اقپارىنا سايكەس, B-10FW ۇشاعى اۆتوكولىك كوپىرىنە بارىپ سوعىلعان. قۇتقارۋشىلار دەر كەزىندە كومەك كورسەتىپ ۇلگەردى. الايدا, 5 ادام اۋرۋحانادا قايتىس بولدى. ال ءبىر ادام جانساقتاۋ بولىمىندە جاتىر. زارداپ شەككەندەردىڭ اراسىندا جەرگىلىكتى تەلەارنانىڭ وپەراتورى مەن رەپورتەرى دە بولعان.
بۇل گيدروۇشاقتىڭ العاش رەت كوككە كوتەرىلگەنى ەكەن. جاڭا امفيبيا-ۇشاعى جولاۋشىلار تاسىمالداۋ ءۇشىن ارنالعان. ال ونىڭ جالپى قۇنى 4,5 ميلليون دوللاردى قۇرايدى.
اپاتتىڭ نەدەن بولعانى ازىرگە بەلگىسىز. ارنايى توپ وقيعا ورنىندا تەرگەۋ جۇمىستارىن جۇرگىزىپ جاتىر. وقىس جاعداي جەرگىلىكتى ۋاقىت بويىنشا ساعات 12:15 شاماسىندا بولعان ەكەن. ول تسزينشان اۋدانىنان چجوۋشان قالاسىنا باعىت العان.
ايان ءابدۋالي