[caption id="attachment_52197" align="aligncenter" width="560"] فوتو: korrespondent.net[/caption]
بۇگىن كيەۆ قالاسىندا بەلگىلى جۋرناليست پاۆەل شەرەمەت قازا تاپتى. ول ۇيىنەن شىعىپ, اۆتوكولىككە وتىرا بەرگەندە كولىگى جارىلعان.
اۆتوكولىكتىڭ يەسى – «ۋكراينسكايا پراۆدا» ينتەرنەت-باسىلىمىنىڭ باسشىسى الەنا پريتۋلا وقيعا ورنىندا بولماعان. كۋاگەرلەردىڭ ايتۋىنشا, جارىلىستان سوڭ, جۋرناليست ءالى ءتىرى بولعان. اۆتوكولىك بوگدان حمەلنيتسكي مەن يۆان فرانكو كوشەلەرىنىڭ قيىلىسىندا «ماكدونالدس» مەيرامحاناسىنا قاراما-قارسى جەردە جارىلعان.
پاۆەل شەرەمەت سوڭعى جىلدارى ۋكراينادا قىزمەت ەتكەن. بۇعان دەيىن ءار جىلدارى رەسەي مەن بەلارۋستە جۇمىس ىستەگەن. ول رەسەي, بەلارۋس پەن ۋكرايناداعى سىبايلاس جەمقورلىق تۋرالى گازەتكە كوپ جازاتىن, تەلەۆيدەنيە مەن راديودان, باسقا دا اقپارات قۇرالدارىنان كوپ ماتەريالدار بەرەتىن.
قازىر وسى وقيعاعا بايلانىستى قىلمىستىق ءىس قوزعالدى. ۋكراينا بيلىگى قىلمىستى ادام ومىرىنە قاستاندىق دەپ اتادى.
داستان كەنجالين