[caption id="attachment_49322" align="aligncenter" width="560"] فوتو: vk.com[/caption]
فۋتبولدان ەۋروپا چەمپيوناتىنىڭ شيرەك فينالىندا سىنعا تۇسكەن پولشا مەن پورتۋگاليا قۇراما كوماندالارى مارسەل قالاسىندا كەزدەستى.
پولشا – پورتۋگاليا 1:1 (1:1) پەنالتي 3:5
ستاديون: «ۆەلودروم».
تورەشى: فەليكس برىح (گەرمانيا).
پولشا: فابيانسكي, پيشەك, گليك, پازدان, ەندجەيچيك, بلاششيكوۆسكي, كرىحوۆياك, مونچينسكي (يودلوۆەتس 98), گروسيتسكي (كاپۋستكا 82), ميليك, لەۆاندوۆسكي.
پورتۋگاليا: پاتريسيۋ, سەدريك, پەپە, فونتە, ەليزەۋ, كارۆاليۋ (دانيلۋ 96), ماريۋ (كۋارەجما 80), سانشەش, ادريەن (موۋتينيۋ 73), ناني, رونالدۋ.
گولدار: لەۆاندوۆسكي 2 – سانشەش 33.
پەنالتي سەرياسى: 1:0 – رونالدۋ, 1:1 – لەۆاندوۆسكي, 2:1 – سانچەس, 2:2 – ميليك, 3:2 – موۋتينيۋ, 3:3 – گليك, 4:3 – ناني, 4:3 – بلاششيكوۆسكي (قاقپاشى), 5:3 – كۋارەجما.
ەسكەرتۋ العاندار: ەندجەيچيك 42, گليك 66, كاپۋستكا 89 – ادريەن 70, كارۆاليۋ 90.
تارتىستى وتكەن جەكپە-جەكتە پورتۋگاليا قۇراماسىنىڭ جولى بولىپ, كەزەكتى رەت جارتىلاي فينالعا شىقتى. ويىن باستالا سالا بىردەن شابۋىلعا كوشكەن پولياكتار نەبارى 2-مينۋتتا-اق ەسەپ اشىپ ۇلگەردى. روبەرت لەۆاندوۆسكيدىڭ سوققان گولى ەۋروپا چەمپيوناتىنىڭ تاريحىنداعى ەڭ جىلدام گولداردىڭ بىرىنە اينالدى. پورتۋگالدار وسىدان كەيىن تارازى باسىن تەڭەستىرۋ ءۇشىن بارىن سالدى. جاس تالانت, 18 جاستاعى رەناتۋ سانشەش ءبىرىنشى تايم اياقتالماي جاتىپ, 33-مينۋتتا مەرگەندىگىمەن كوزگە ءتۇسىپ, ماڭىزدى دوپتى توعىتتى. وسىنىڭ ارقاسىندا ءدۇبىرلى دودانىڭ پلەي-وفف كەزەڭىندە گول سوققان ەڭ جاس ويىنشى اتاندى.
ءبىر قىزىعى, پورتۋگاليا قۇراماسى بيىلعى ەۋروپا چەمپيوناتىندا وتكىزگەن بارلىق 5 ويىنىندا نەگىزگى ۋاقىتتى تەڭ ەسەپپەن اياقتاعان ەكەن.
قوس كوماندا وسىدان سوڭ قانشاما قاۋىپتى شابۋىل ۇيىمداستىرسا دا, ەسەپ وزگەرىسسىز قالدى. ماتچ سوڭىنداعى پەنالتي سەرياسىندا كريشتيانۋ رونالدۋ باستاعان كوماندا مۇمكىندىگىنىڭ ءبارىن پايدالانىپ, ½ فينالعا جولداما الدى. ال پولشا قۇراماسىنان ياكۋب بلاششيكوۆسكي قاقپاشى رۋي پاتريسيۋدان ايلاسىن اسىرا المادى.
ايان ءابدۋالي.