ءححى عاسىردىڭ دامۋىنداعى حالقىمىزدىڭ باعىت سىلتەر تەمىرقازىعى – «قازاقستان-2050» ستراتەگياسى ديپلوماتيامىزدىڭ دا ارناسىن ايقىنداپ بەرگەن بولاتىن. سىرتقى قاتىناستا كوپۆەكتورلىقتى ۇستانعان ەلىمىزدىڭ ساياساتى ۇتىمدىلىعىن تانىتىپ كەلەدى. بۇگىن تاعى دا سوعان كوز جەتكىزدىك.
ەلىمىز بىرىككەن ۇلتتار ۇيىمىنىڭ قاۋىپسىزدىك كەڭەسىنە تۇراقتى ەمەس مۇشەلىككە ءوتتى.
قازاقستان 138 داۋىسپەن توپ جارىپ وتىر. بۇل – حالىقارالىق ارەناداعى مەملەكەتتىلىكتىڭ ۇلكەن جەڭىسى. اسىرەسە, ونىڭ تاۋەلسىزدىگىمىزدىڭ 25 جىلدىعى تۇسىندا بىزگە بۇيىرۋىن تاعدىردىڭ سىيى دەپ قاراعان ءجون.
ەلىمىزدىڭ مۇنداي باس اينالدىرار تابىسقا قول جەتكىزۋىن قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆتىڭ ەڭبەگى دەپ ءتۇسىنۋىمىز كەرەك. ونىڭ حالىقارالىق سامميتتەرگە قاتىسىپ, اۋقىمدى جانە ايماقتىق قاۋىپسىزدىك جايلى سوزدەرى, اسىرەسە, 2015 جىلعى بۇۇ اسسامبلەياسىنداعى انتييادرولىق ۇستانىمى ءسوزسىز ىقپال ەتتى. سونداي-اق, جاھاندانۋ داۋىرىندە مەملەكەت قۇرۋدىڭ ەۋرازيالىق ۇلگىسىنە نەگىزدەلگەن قازاقستاندىق مودەلىن قالىپتاستىردى.
نەبارى تاۋەلسىزدىگىنە 25 جىل تولىپ وتىرعان ەلىمىزدىڭ جاھاندىق وركەنيەتكە باتىل ارالاسىپ, حالىقارالىق ارەنادا زور ابىرويعا جەتۋى قازاقستاننىڭ جارقىن بولاشاعىن كورسەتەدى.
بەيبىتسۇيگىش ەلىمىزدى, ونىڭ ەلباسىن ءساتتى قادامدارىمەن قۇتتىقتايمىز! ۇلى دالا ەلىنىڭ مارتەبەسى اسقاقتاي بەرسىن.
ەلىمىزدىڭ تاۋەلسىزدىگى ماڭگى بولعاي!
قازاقستان جازۋشىلار وداعى
* * *
قۇرمەتتى وتانداستار!
قادىرلى قازاقستاندىقتار!
ەلىمىزدىڭ بىرىككەن ۇلتتار ۇيىمىنىڭ قاۋىپسىزدىك كەڭەسىنە تۇراقتى ەمەس مۇشەلىككە ءوتۋىن حالىقارالىق «قازاق ءتىلى» قوعامى اسا قۋانىشپەن قابىلدايدى.
بۇل – ءتىلى بولەك بولعانمەن تىلەگى ءبىر, ءجۇزى بولەك بولعانمەن جۇرەگى ءبىر وتانداستارىمىزدىڭ ورتاق ماقتانىشى.
تاۋەلسىزدىك تىزگىنى قولىمىزعا تيگەن 25 جىلدا وسىنداي حالىقارالىق ارەناعا كوتەرىلۋىمىزگە, تانىلۋىمىزعا سەبەپ بولعان جايتتار كوپ.
سولاردىڭ ىشىندە دامۋ جانە حالىقارالىق ستاندارت سالالارىنداعى ماقساتتارعا قول جەتكىزگەن, ورتاشا تابىس دەڭگەيىنە يە, الەمدەگى ەكونوميكاسى ەڭ قارقىندى ىلگەرىلەگەن تۇراقتى, پروگرەسسيۆتى جانە بەيبىت مەملەكەتتەردىڭ بىرىنەن بولۋىمىز باستى ءرول اتقاردى.
ال قازاقستاننىڭ يادرولىق قاۋىپسىزدىك جانە يادرولىق قارۋدى تاراتپاۋ باعىتتارىنداعى ۇستانىمى الەمدى ءسۇيىندىرىپ وتىر.
قۇرمەتتى وتانداستار, وسىنىڭ ءبارى – ەلدەگى ىنتىماقتىڭ, بەرەكەنىڭ ارقاسىندا قول جەتكىزىلگەن جەتىستىكتەر.
تاۋەلسىزدىگىمىزدىڭ 25 جىلدىعى تۇسىنداعى وسىناۋ تولاعاي تابىستى قازاقستان حالقىنىڭ ۇلى جەڭىسى دەپ باعالايمىز.
حالقىمىز ىمىرادان ايىرىلماي, جەڭىستەن جەڭىسكە جەتە بەرەيىك!
ەڭبەگىمىزدىڭ ءبارى ەل يگىلىگىنە جۇمسالسىن!
تاۋەلسىزدىگىمىز باياندى بولسىن.
حالىقارالىق «قازاق ءتىلى» قوعامى
* * *
الەمنىڭ تۇكپىر-تۇكپىرىندە تۇراتىن قازاق حالقىنىڭ ۇلاندارى بۇگىن ايرىقشا قۋانىشتا.
2017-2018 جىلدارى قازاقستاننىڭ بىرىككەن ۇلتتار ۇيىمى قاۋىپسىزدىك كەڭەسىنە تۇراقتى ەمەس مۇشە بولىپ سايلانۋى, قازاقستاندىقتارمەن قاتار, سىرتتاعى قانداس باۋىرلارىمىزدى دا شاتتىققا بولەدى.
ەلىمىزدەگى بەيبىتشىلىك, قاۋىپسىزدىك, ادام قۇقىعىن ساقتاۋ مەن زاڭ ۇستەمدىگىن ورنىقتىرۋ جانە تۇراقتى دامۋدى جاۋاپكەرشىلىكپەن قولداۋ داۋىس بەرۋشى ەلدەردىڭ قاناعاتتانارلىق سەنىمىن نىعايتقان باسىمدىقتار بولعانى داۋسىز.
ەگەمەندىك العاننان كەيىنگى ەلباسى ن.ءا.نازارباەۆتىڭ كولەمى جاعىنان الەمدەگى ەكىنشى يادرولىق پوليگوننان جانە الەمدەگى ءتورتىنشى يادرولىق ارسەنالدان ءوز ەركىمەن باس تارتۋى – جاھان وركەنيەتىنىڭ جادىنان ەشقاشان وشپەك ەمەس. تاۋەلسىز ەلدىڭ تۇڭعىش پرەزيدەنتى رەتىندە العاشقى قابىلداعان قاۋلى تاريحي شەشىمگە اينالدى. ءسويتىپ, بۇل قادام ادامزاتتىڭ دامۋى ماقساتىندا يادرولىق قارۋدان باس تارتۋ ۇلگىسى بولدى.
سونداي-اق, ايماقتىڭ باسقا ەلدەرىمەن قاتار, 2009 جىلى ناۋرىزدا كۇشىنە ەنگەن, ورتالىق ازيانى يادرولىق قارۋدان ازات ايماق جاساۋدا قازاقستان كوشباسشى بولىپ كەلەدى.
وسىنداي قاۋىپسىزدىك ماقساتىندا ايتۋلى قادامدارعا بارعان ۇلى دالا ەلى – بىرىككەن ۇلتتار ۇيىمى قاۋىپسىزدىك كەڭەسىنە تۇراقتى ەمەس مۇشە ەلدەردىڭ قاتارىنا ەندى.
وسىناۋ تولاعاي تابىس قازاقستانعا جاڭا مىندەتتەر جۇكتەۋمەن قاتار, بەيبىتسۇيگىش ەل رەتىندە الەم الدىنداعى ابىرويىن اسقاقتاتا تۇسەدى.
وسىنىڭ ءبارى – ءتاۋ ەتەر تاۋەلسىزدىكتىڭ ارقاسىندا, اۋىزبىرشىلىكتىڭ ناتيجەسىندە جەتكەن جەڭىس.
ەندەشە, تاۋەلسىزدىگىمىز باياندى بولعاي!
قازاقستان – ماڭگىلىك ەل جاساسىن!
دۇنيەجۇزى قازاقتارى قاۋىمداستىعى
* * *
«قازاقستان-2050» قوزعالىسى بارلىق قازاقستاندىقتاردى وتانىمىزدىڭ بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەسى بولىپ سايلانۋىمەن قۇتتىقتايدى!
ءبىزدىڭ ەلىمىز ءداپ نۇرسۇلتان نازارباەۆتىڭ جوعارى بەدەلى مەن ەرەكشە حالىقارالىق باستامالارىنىڭ ارقاسىندا 138 مەملەكەتتىڭ قولداۋىنا يە بولا الدى.
ءبىز وسى حالىقارالىق پلاتفورمانىڭ مىنبەرىنەن ەلىمىز جالپىالەمدىك قاۋىپسىزدىكتى نىعايتۋ ىسىنە بۇعان دەيىنگىدەن دە سۇبەلى ۇلەس قوساتىنىنا سەنىمدىمىز.
«قازاقستان-2050» قوزعالىسى
* * *
بارشا قازاقستاندىقتاردى ەلىمىزدىڭ بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەلىگىنە سايلانۋىمەن قۇتتىقتايمىز.
بۇل تاريحي وقيعا كوشباسشىلىعىندا پرەزيدەنت نۇرسۇلتان نازارباەۆ تۇرعان قازاقستان رەسپۋبليكاسىنىڭ حالىقارالىق بەدەلى تانىلۋىنىڭ كورسەتكىشىسى بولىپ تابىلادى جانە وتانىمىزدىڭ الەمدىك قوعامداستىقتا بەلسەندى ءرول اتقارىپ وتىرعانىن ايعاقتايدى.
بۇل – وتاندىق ديپلوماتيانىڭ جەڭىسى جانە ەلىمىزدىڭ يادرولىق قارۋسىزدانۋ جولىنداعى كۇرەسى مەن ۇلتارالىق كەلىسىم جانە كونفەسسياارالىق توزىمدىلىكتىڭ بىرەگەي باعدارلامالارىن قۇرۋداعى ەڭبەگىن ءسوزسىز تانۋ بولىپ تابىلادى.
ەكسپو-2017, ۋنيۆەرسيادا-2017, ەكونوميكا, ءبىلىم بەرۋ, دەنساۋلىق ساقتاۋ سالالارىنداعى فورۋمدار ەلىمىزدىڭ الەم مەن ادامزات تاعدىرى ءۇشىن تەرەڭ الاڭداۋشىلىعىن كورسەتەتىن جاھاندىق اۋقىمداعى شارالار دەسەك, قاتەلەسپەيمىز.
قازاقستان – بۇۇ, ەقىۇ, شىۇ, يىۇ, ۇقشۇ, تمد, تاعى باسقا كوپتەگەن حالىقارالىق ۇيىمداردىڭ بەلسەندى مۇشەسى. قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋىنىڭ ەلىمىزدىڭ شانحاي ىنتىماقتاستىق ۇيىمىنا الداعى جىلعى توراعالىعىنىڭ باستالۋىمەن سايكەس كەلۋىندە نىشاندىق ءمان بار. دەمەك, بۇل جايت كوكەيكەستى وڭىرلىك پروبلەمالاردى شەشۋدە بۇۇ-مەن بۇگىنگىدەن دە تيىمدىرەك ءوزارا ءىس-قيمىل تانىتۋعا مۇمكىندىك بەرمەك.
قازاقستان بۇۇ-نىڭ بىتىمگەرشىلىك قىزمەتى مەن ءوزىنىڭ بىتىمگەرشىلىك الەۋەتىن نىعايتۋ بويىنشا كۇش-جىگەرىن تولىقتاي قولدايدى.
رەسپۋبليكا بۇۇ-دا الەمدىك پروبلەمالاردى شەشۋدە سالماقتى جانە كونسترۋكتيۆتى كوزقاراس تانىتىپ كەلە جاتقان ەل رەتىندە كەڭىنەن مويىندالىپ وتىر.
قازاقستاننىڭ بۇۇ قاۋىپسىزدىك كەڭەسىنە سايلانۋى – بۇل جوعارى قۇرمەت, قازاقستاندىقتار ءۇشىن ەرەكشە ماقتانىش بەلگىسى. ەلىمىزگە ۇلكەن سەنىم كورسەتىلىپ وتىر, وتانىمىزدىڭ بۇل سەنىم ۇدەسىنەن لايىقتى شىعاتىنىنا نىق سەنىمدىمىز.
قازاقستان رەسپۋبليكاسى جوعارى وقۋ ورىندارى قاۋىمداستىعى
* * *
ەلىمىزدىڭ عىلىمي قوعامداستىعى اتىنان مەملەكەتىمىزدىڭ باسشىسىن, بۇكىل وتانداستارىمىزدى قازاقستاننىڭ بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەسى بولىپ سايلانۋىمەن قۇتتىقتايمىز.
بۇل – ءبىزدىڭ ەلىمىزدىڭ, قازاقستاندىق ديپلوماتيانىڭ شىن مانىندەگى تاريحي جەڭىسى.
ارينە, قازاقستان كانديداتۋراسىنىڭ جەڭىسكە جەتۋىنە مەملەكەت باسشىسى ن.ءا.نازارباەۆتىڭ حالىقارالىق ارەناداعى جەكە بەدەلىنىڭ ۇلكەن ءرول اتقارعانى انىق.
مەملەكەت باسشىسىنىڭ ماڭىزدى حالىقارالىق فورۋمدارعا قاتىسۋى, جاھاندىق جانە وڭىرلىك قاۋىپسىزدىكتىڭ وزەكتى تاقىرىپتارى بويىنشا سويلەگەن سوزدەرى, اسىرەسە, 2015 جىلى بۇۇ باس اسسامبلەياسىنىڭ جانە 2016 جىلعى جاھاندىق انتيادرولىق ءسامميتتىڭ مىنبەرىنەن جاساعان باستاماشىلىق ۇسىنىستارى جاعىمدى قۇبىلىس رەتىندە باعالانعان بولاتىن.
قازاقستاننىڭ بۇۇ قاۋىپسىزدىك كەڭەسىنە تۇراقتى ەمەس مۇشە رەتىندە سايلانۋى ءبىزدىڭ ەلىمىزگە قاۋىپسىزدىك سالاسىنداعى جاھاندىق كۇن ءتارتىبىنىڭ قالىپتاسۋىنا تىكەلەي قاتىسۋعا جانە ورتالىق ازيا ءوڭىرىنىڭ حالىقارالىق دەڭگەيدە ماڭىزدى ماسەلەلەرىن قوزعاۋعا مۇمكىندىك بەرەدى.
ءبىز بۇل تاريحي وقيعا قازاقستاننىڭ الەمدىك ارەناداعى بەدەلىن ودان ءارى نىعايتۋعا ىقپال ەتەدى دەپ سانايمىز.
قازاقستان رەسپۋبليكاسىنىڭ ۇلتتىق عىلىم اكادەمياسى
* * *
«بىرلىك» ساياسي پارتياسى قازاقستان پرەزيدەنتىن جانە بۇكىل قازاقستاندىقتاردى تاريحي وقيعامەن – رەسپۋبليكامىزدىڭ بۇۇ قاۋىپسىزدىك كەڭەسىنە 2017-2018 جىلدارعا تۇراقتى ەمەس مۇشە بولىپ سايلانۋىمەن قۇتتىقتايدى.
تاۋەلسىز قازاقستاننىڭ 25 جىلدىعى تويلاناتىن ءسات – ورىن العان قۋانىشتى وقيعانىڭ سيمۆولدىق ءمانى بار.
قازاقستان ورتالىق ازيادا ءبىرىنشى بولىپ, بۇۇ-نىڭ نەعۇرلىم ماڭىزدى ساياسي ورگانىنىڭ قۇرامىنا ءوتىپ وتىر.
ءبىزدىڭ ەلىمىز وسى ءبىر بەدەلدى حالىقارالىق ۇيىمعا وتكەن ءسات – 1992 جىلدان باستاپ بەيبىتسۇيگىش ساياساتتى تۇراقتى تۇردە جۇرگىزىپ كەلەدى جانە وركەنيەتتى ۇنقاتىسۋ مەن جانجالداردىڭ الدىن الۋ ءۇشىن كۇرەسۋدە.
قازاقستان جاس مەملەكەت رەتىندە ءبىزدىڭ تاماشا باستاماشىلىق ارەكەتتەرىمىزدىڭ ارقاسىندا الەمدىك تانىمالدىلىققا قول جەتكىزدى.
مەملەكەت باسشىسىنىڭ باستاماشىلىعىمەن ءبىرىنشى رەت ناق وسى قازاقستان جەرىندە الەمدىك جانە ءداستۇرلى دىندەر كوشباسشىلارىنىڭ سەزدەرى وتكىزىلىپ كەلەدى, بىرەگەي قوعامدىق ينستيتۋت – قازاقستان حالقى اسسامبلەياسى قۇرىلىپ, جۇمىس ىستەۋدە.
بۇۇ قاۋىپسىزدىك كەڭەسى اياسىندا ءبىزدىڭ ەلىمىزدىڭ نەگىزگى مەملەكەتتىك ساياساتى الەمدىك دەڭگەيدە تابىسپەن جۇزەگە اساتىنىنا سەنىمدىمىز.
«بىرلىك» پارتياسى
* * *
جاستاردىڭ «جاسىل ەل» ەڭبەك جاساقتارىنىڭ رەسپۋبليكالىق شتابى مەملەكەت باسشىسىن, بارلىق قازاقستاندىقتاردى قازاقستاننىڭ قاۋىپسىزدىك كەڭەسىنە 2017-2018 جىلدارعا تۇراقتى ەمەس مۇشە بولىپ سايلانۋىمەن قۇتتىقتايدى.
ءبىز ەلىمىزدىڭ جەتىستىكتەرى مەن بەدەلىنىڭ مويىندالۋىنىڭ كۋاسى بولعاندىعىمىزعا شىن مانىندە قۋانىشتىمىز.
قازاقستان يادرولىق تاراتپاۋ جانە يادرولىق قارۋسىزدانۋ باعدارلامالارىنا بەلسەندى تۇردە قاتىسىپ كەلەدى.
ناق قازاقستان پرەزيدەنتىنىڭ باستاماشىلىعى بويىنشا سەمەي يادرولىق پوليگونىنىڭ جابىلعان كۇنى – 29 تامىزدى بۇۇ يادرولىق سىناقتارعا قارسى ءىس-قيمىلدىڭ حالىقارالىق كۇنى دەپ جاريالادى.
بۇگىنگى كۇنى ءبىزدىڭ ەلىمىز جاھاندىق انتيادرولىق قاۋىپسىزدىكتى نىعايتۋعا باعىتتالعان حالىقارالىق باستامالاردى ىلگەرىلەتۋدىڭ كوشباسشىسى دەپ تانىلىپ وتىر.
ءبىز بۇۇ قاۋىپسىزدىك كەڭەسىنە 2017-2018 جىلدارعا تۇراقتى ەمەس مۇشەلىككە سايلانۋ ءبىزدىڭ ەلىمىزدىڭ الدىنان قازاقستاننىڭ باستاماشىلىعىن جاھاندىق دەڭگەيدە ىلگەرىلەتۋ ءۇشىن تاماشا مۇمكىندىكتەر اشادى دەپ سەنەمىز.
جاستاردىڭ «جاسىل ەل» ەڭبەك
جاساقتارىنىڭ رەسپۋبليكالىق شتابى
* * *
«اتامەكەن» ۇلتتىق كاسىپكەرلەر پالاتاسى بارشا قازاقستاندىقتاردى جانە مەملەكەت باسشىسى ن.ءا.نازارباەۆتى بۇۇ قاۋىپسىزدىك كەڭەسىنە 2017-2018 جىلدارعا تۇراقتى ەمەس مۇشەلىككە سايلانۋىمەن قۇتتىقتايدى.
بۇل تاريحي وقيعا, ءبىرىنشى كەزەكتە, قازاقستان پرەزيدەنتى ەڭبەگىنىڭ, ونىڭ جوعارى حالىقارالىق بەدەلى مەن جۇيەلى ىشكى جانە سىرتقى ساياساتىنىڭ ناتيجەسى بولىپ تابىلادى.
قازاقستاندىقتار ءۇشىن بۇل – ءبىزدىڭ تابىستارىمىزعا جانە حالىقارالىق ارەناداعى جەتىستىكتەرىمىزگە قۋانۋ ءۇشىن تاعى ءبىر ۇلكەن سەبەپ.
ءبىزدىڭ ەلىمىزدىڭ الدىندا ەڭ بەدەلدى الەمدىك ۇيىمدا ءوز مۇددەلەرىن ىلگەرىلەتۋگە تاماشا مۇمكىندىك اشىلىپ وتىر.
قازاقستاننىڭ بۇل جاڭا مارتەبەسى جاھاندىق دەڭگەيدە بەيبىتشىلىك پەن بىرلىكتى ودان ءارى نىعايتۋعا قىزمەت ەتەتىندىگىنە سەنىمدىمىز.
«اتامەكەن» ۇكپ
* * *
قازاقستاننىڭ ايەلدەر قوعامداستىعى قازاقستاننىڭ بۇۇ قاۋىپسىزدىك كەڭەسىنە 2017-2018 جىلدارعا تۇراقتى ەمەس مۇشە بولىپ سايلانعاندىعى تۋرالى جاڭالىقتى قۋانىشپەن قابىلدادى. ءبىز وسى ءبىر وقيعامەن بارلىق قازاقستاندىقتاردى جانە مەملەكەت باسشىسىن شىن جۇرەگىمىزبەن قۇتتىقتايمىز.
قازاقستان پرەزيدەنتى ن.ءا.نازارباەۆتىڭ ساليقالى دا سارابدال ىشكى جانە سىرتقى ساياساتىنىڭ جانە ونىڭ حالىقارالىق جەكە بەدەلىنىڭ ارقاسىندا وسىنداي ناتيجەگە جەتتىك.
قازاقستان رەسپۋبليكاسى تاۋەلسىزدىگىنىڭ 25 جىلدىعىندا الەمدىك قوعامداستىقتىڭ ءبىزدىڭ ەلىمىزدىڭ قىسقا مەرزىم ىشىندەگى دامۋى مەن قول جەتكىزگەن ناتيجەلەرىن وسىلايشا لايىقتى باعالاۋىنىڭ جانە قولداۋ ءبىلدىرۋىنىڭ نىشاندىق تەرەڭ ءمانى بار دەپ ەسەپتەيمىز.
«قازاقستاننىڭ ايەل
كاسىپكەرلەر وداعى» قب
* * *
قازاقستان جاستار كونگرەسى ەلباسى ن.ءا.نازارباەۆتى جانە بارشا قازاقستاندىقتاردى ءبىزدىڭ ەلىمىزدىڭ بۇۇ قاۋىپسىزدىك كەڭەسىنە 2017-2018 جىلدارعا تۇراقتى ەمەس مۇشە بولۋىمەن قۇتتىقتايدى.
بۇۇ باس اسسامبلەياسىنا قاتىسۋشى 138 ەلدىڭ داۋىسى – ءبىزدىڭ مەملەكەتىمىز باسشىسىنىڭ جاھاندىق باستامالارى بۇكىل الەم بويىنشا توتەنشە سۇرانىسقا يە جانە ماڭىزدى ەكەندىگىنىڭ دالەلى.
تاۋەلسىزدىكتىڭ 25 جىلى ىشىندە قازاقستان الەۋمەتتىك-ەكونوميكالىق دامۋدا تابىستىلىق كورسەتىپ, الەمدە بىرلىك پەن تۇراقتىلىقتى ساقتاۋ ماقساتىن كوزدەيتىن بەيبىتسۇيگىش مەملەكەت رەتىندە تانىلدى.
بۇل – ءبىزدىڭ ەلىمىزدىڭ حالىقارالىق ارەناداعى ۇلكەن جەڭىسى.
«قازاقستان جاستار كونگرەسى» زتب
* * *
جۋرناليستەر قوعامداستىعى اتىنان بارلىق قازاقستاندىقتاردى, ەل پرەزيدەنتى نۇرسۇلتان نازارباەۆتى قازاقستاننىڭ 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋىمەن قۇتتىقتايمىز.
تاۋەلسىزدىكتىڭ 25 جىلدىق مەرەيتويلى جىلىندا بۇل – ءبىزدىڭ مەملەكەتىمىز ءۇشىن ەلەۋلى وقيعالاردىڭ ءبىرى. سونداي-اق, قازاقستاننىڭ زاڭدى تۇردە حالىقارالىق قاتىناستاردىڭ ماڭىزدى قاتىسۋشىسى بولىپ تابىلاتىندىعىنىڭ جارقىن ايعاعى.
قازاقستاننىڭ بۇل ورىندا الەمدىك ارەناداعى بەيبىتشىلىكتى نىعايتۋ ءىسى مەن ءوزارا تۇسىنىستىككە باعا جەتكىزگىسىز ۇلەس قوساتىنىنا سەنىمدىمىز.
«باس رەداكتورلار كلۋبى» قب
* * *
ءبىز قازاقستاننىڭ 2017-2018 جىلدارعا بىرىككەن ۇلتتار ۇيىمىنىڭ ماڭىزدى ساياسي ورگانى – بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانعاندىعى تۋرالى جاڭالىقتى زور قۋانىشپەن قابىلدادىق.
قازاقستاننىڭ عىلىمي قوعامداستىعى بارلىق قازاقستاندىقتاردى جانە ەل پرەزيدەنتى – ەلباسى ن.ءا.نازارباەۆتىڭ جەكە ءوزىن وسىناۋ تاريحي جەڭىسپەن قۇتتىقتايدى.
قازاقستان وسى بەدەلدى ۇيىمنىڭ تولىققۇقىقتى مۇشەسى بولعان ۋاقىتتان بەرى ءبىزدىڭ ەلىمىز بەيبىتشىلدىك پەن ىزگىلىكتىڭ جاقتاۋشىسى ەكەندىگىن ۇنەمى دالەلدەپ كەلەدى.
بۇگىنگى تاڭدا بۇكىل الەم قازاقستاندى قوعامداعى بىرلىك پەن كەلىسىمدى ساقتاي وتىرىپ قارقىندى دامىپ كەلە جاتقان ەل رەتىندە بىلەدى. وسىناۋ جەتىستىكتەر بىزگە سەنىمدى جانە ىرعاقتى تۇردە العا باسۋعا مۇمكىندىك بەرەدى.
قازاقستاندىق ۇمتىلىستىڭ ارتىقشىلىعى الەمدىك قوعامداستىقتاعى ەلباسى بەدەلىمەن ايعاقتالادى.
قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋى – بۇل حالىقارالىق ارەناداعى ەلەۋلى تابىس جانە ءبىزدىڭ باستامالاردى ىلگەرى جىلجىتۋ, اعىمداعى كۇن ءتارتىبىنىڭ وزەكتى ماسەلەلەرى بويىنشا وركەنيەتتى ۇنقاتىسۋ جۇرگىزۋ ءۇشىن بىرەگەي مۇمكىندىك.
ءبىز بۇۇ قاۋىپسىزدىك كەڭەسى شەڭبەرىندە قازاقستاننىڭ بەيبىتشىلىك قاعيداتتارىنا جاقتاستىعىن نەعۇرلىم جوعارى دەڭگەيدە پاش ەتىپ, جانجالداردى رەتتەستىرۋگە تىكەلەي قاتىساتىنىنا سەنىمدىمىز.
ساياساتتانۋشىلار كونگرەسى,
الەۋمەتتانۋشىلار قاۋىمداستىعى
* * *
2016 جىلدىڭ 28 ماۋسىمى ءبىز ءۇشىن شىن مانىسىندەگى تاريحي وقيعامەن ورنەكتەلدى – قازاقستان ازيا-تىنىق مۇحيت مەملەكەتتەر توبىنان بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلاندى.
بۇل وقيعانىڭ ءبىزدىڭ ەلىمىزدىڭ ءوز تاۋەلسىزدىگىنىڭ 25 جىلدىق مەرەيتويىن مەرەكەلەيتىن جىلى بولىپ وتىرعاندىعى تەرەڭ نىشانعا يە.
بىرىككەن ۇلتتار ۇيىمى قىزمەتىنىڭ بۇكىل تاريحىندا ءبىزدىڭ ەلىمىز وسىنشالىق ماڭىزدى ورگاننىڭ قۇرامىنا كىرگەن ورتالىق ازيا ءوڭىرىنىڭ تۇڭعىش مەملەكەتى بولىپ تابىلادى.
بۇگىنگى تاڭدا قازاقستان ءوزىنىڭ جاسامپازدىق باستامالارى ارقاسىندا ەكونوميكاسى قارقىندى دامىعان ەل جانە ءوزارا ءتۇسىنىستىك پەن ءوزارا قۇرمەت نەگىزىندە توپتاسقان كوپۇلتتى قوعام رەتىندە تانىلىپ وتىر.
سونىمەن بىرگە, زاماناۋي سىن-قاتەرلەر جانە الەمنىڭ بىرقاتار ايماقتارىنداعى تۇراقسىزدىق مەملەكەتتەردەن قاۋىپسىزدىك پەن دامۋدىڭ جاڭا جۇيەسىن قۇرۋدى تالاپ ەتەدى, ال ونىڭ نەگىزىن ءوزارا ىنتىماقتاستىق, قۇرمەت, تاعاتتىلىق پەن ءوزارا تۇسىنىستىك قۇراۋى ءتيىس.
بۇل باعىتتاعى نەگىزگى ارقاۋ بارلىق مەملەكەتتەردىڭ كۇش-جىگەرىن بىرىكتىرۋ, ورىن الىپ وتىرعان شيەلەنىستەر مەن كەلىسپەۋشىلىكتەردى ەڭسەرۋ, بەيبىتشىلىك پەن تاتۋلىققا باستايتىن ىمىراعا كەلۋ جولدارىن ىزدەۋ بولۋى ءتيىس.
بۇۇ قاۋىپسىزدىك كەڭەسى قۇرامىنداعى قازاقستاننىڭ كەزەك كۇتتىرمەس مىندەتى حالىقارالىق ەكسترەميزم مەن لاڭكەستىككە قارسى ءىس-قيمىلداعى كۇش-جىگەردى توپتاستىرۋ بولماق. مۇنىڭ ءوزى ءىس جۇزىندە جەر شارىنىڭ ءاربىر ءوڭىرى ءۇشىن كوكەيكەستى بولىپ تابىلادى.
ءبىز وزىمىزگە جۇكتەلگەن جاۋاپتى ميسسيانى ابىرويمەن ءارى لايىقتى, تولىق جاۋاپكەرشىلىكپەن ورىنداپ شىعاتىنىمىزعا سەنىمدىمىز.
«قازاقستان ءدىنتانۋشىلار
كونگرەسى» قب
* * *
ءبىز ەلىمىزدى 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋىمەن شىن جۇرەكتەن قۇتتىقتايمىز.
بۇل وقيعا قازاقستاننىڭ جانە ونىڭ كوشباسشىسىنىڭ حالىقارالىق ارەناداعى بەدەلىن تاعى ءبىر رەت ايعاقتادى, جاس رەسپۋبليكانىڭ بەيبىتشىلىك سۇيگىش ساياساتىن الەمدىك قوعامداستىقتىڭ جوعارى باعالاۋىنىڭ جانە مويىنداپ تانۋىنىڭ كورىنىسىنە اينالدى.
اتالعان وقيعا قازاقستاندىقتار ءۇشىن تاۋەلسىزدىكتىڭ 25 جىلدىعىن مەرەكەلەۋ جىلىندا ايرىقشا مانگە يە بولۋدا.
پرەزيدەنت نۇرسۇلتان نازارباەۆتىڭ جاھاندىق باستامالارى وسىناۋ بەدەلدى حالىقارالىق ۇيىمعا مۇشە مەملەكەتتەردىڭ بارلىعى ءۇشىن كوكەيكەستى بولىپ وتىر.
ءبىز مەملەكەت باسشىسىنىڭ بۇدان ارعى باستامالارى دا الەمدىك قوعامداستىق تاراپىنان تۇسىنىستىك جانە ىقىلاستى قولداۋ تاباتىنىنا سەنىمدىمىز.
قازاقستان كوممۋنيستىك
حالىق پارتياسى
* * *
قازاقستاننىڭ ازاماتتىق اليانسى مەملەكەت باسشىسى نۇرسۇلتان ءابىش ۇلى نازارباەۆتى جانە بارلىق قازاقستاندىقتاردى ەلىمىزدىڭ بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن قۇتتىقتايدى.
بۇل, ەڭ الدىمەن, الەمدىك كوشباسشىلار اراسىندا ءبىرىنشى بولىپ يادرولىق ارسەنالدان باس تارتۋ تۋرالى شەشىم قابىلداپ, ساياسي ەرىك-جىگەر تانىتقان قازاقستان پرەزيدەنتىنىڭ بيىك حالىقارالىق بەدەلىنىڭ جارقىن ايعاعى. بۇل شەشىمنىڭ قازاقستان تاۋەلسىزدىگىنىڭ 25 جىلدىق بەلەسىندە قابىلدانۋىنىڭ ەرەكشە ءمانىسى بار. وسىناۋ جىلداردا ءبىزدىڭ ەلىمىز ساليقالى ىشكى جانە سىرتقى ساياسات جۇرگىزىپ كەلەدى, ءسويتىپ, حالىقارالىق قوعامداستىقتىڭ زاڭدى قۇرمەتىنە يە بولىپ وتىر.
ءبىزدىڭ ەلىمىزدىڭ بۇۇ قاۋىپسىزدىك كەڭەسىنىڭ قىزمەتىنە بەلسەندى قاتىسۋى ەلدىڭ حالىقارالىق بەدەلىن بۇدان دا بيىككە كوتەرەتىنىنە, ءسويتىپ, قازاقستاننىڭ الدىنان جاھاندىق قاۋىپسىزدىك الەۋەتىن قالىپتاستىرۋدىڭ كەڭ مۇمكىندىكتەرىن اشاتىنىنا سەنىمدىمىز.
قازاقستاننىڭ ازاماتتىق اليانسى
* * *
ءبىز بارلىق قازاقستاندىقتاردى ەلىمىزدىڭ 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن قۇتتىقتايمىز. بۇل جەڭىس جاس رەسپۋبليكانىڭ ءوسىپ وتىرعان حالىقارالىق بەدەلىنىڭ جارقىن كورىنىسىنە اينالدى.
قازاقستاننىڭ پايداسىنا تاڭداۋ جاساعان بۇۇ مۇشەلەرى مەملەكەت باسشىسى ن.ءا.نازارباەۆتىڭ, اسىرەسە, انتيادرولىق قارۋسىزدانۋ, حالىقارالىق لاڭكەستىككە قارسى ءىس-قيمىل, سونداي-اق, «الەم. ءححى عاسىر» مانيفەسىندە كورىنىس تاپقان بەيبىتشىلىك پەن قاۋىپسىزدىكتى قامتاماسىز ەتۋ سالالارىنداعى جاھاندىق باستامالارىنا قولداۋ ءبىلدىردى.
«قازاقستاننىڭ ىسكەر ايەلدەر قاۋىمداستىعى» رقب