پەتروپاۆل. 1 ماۋسىم. پەتروپاۆل قالالىق ىشكى ىستەر باسقارماسىنىڭ پوليتسەيلەرى ەسىرتكى ساتقان 39 جاستاعى قوعامدىق كولىك جۇرگىزۋشىسىن ۇستادى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
«دسر – جۇمىسشى كەنتى» باعىتىنا قاتىنايتىن اۆتوبۋس جۇرگىزۋشىسى ءبىر جارىم گرامنان استام گەروين ساتقان. ونى قولعا تۇسىرگەن كەزدە ەسىرتكى ساتۋدان تاپقان اقشا دا تابىلدى», – دەيدى پوليتسەيلەر.
اتالعان فاكت نەگىزىندە قىلمىستىق كودەكستىڭ 296-بابى بويىنشا سوتقا دەيىنگى تەرگەۋ امالدارى جۇرگىزىلۋدە. پوليتسەيلەردىڭ ايتۋىنشا, كۇدىكتى وسى باپ بويىنشا 7 جىلعا دەيىن باس بوستاندىعىنان ايىرىلۋى مۇمكىن.
بۇگىنگى تاڭدا كۇدىكتى جۇمىس ىستەگەن كاسىپورىندا دا كۋالار سۇراستىرىلۋدا.
«پوليتسەيلەر جىل باسىنان بەرى 100 كيلوداي ەسىرتكى تاركىلەدى. ونىڭ 104 گرامى – گەروين. 64 ەسىرتكىگە وقيعاسىنا قاتىستى قىلمىس انىقتالدى», – دەيدى قالالىق ىشكى ىستەر باسقارماسىنىڭ ەسىرتكى بيزنەسىنە قارسى كۇرەس ءبولىمى باسشىسى دانيار نايكين.
ءومىر ەسقالي.
دەرەك: سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
فوتو: egemen.kz.