ورال. 28 مامىر. ورال قالاسىندا ءىرى جول اپاتىنان ءۇش ادام قازا تاپتى. بۇل تۋرالى mygorod.kz-كە سىلتەمە جاساعان egemen.kz ءتىلشىسى حابارلادى.
«ۆاز-2114» رەسەيلىك كولىك نەۋسىپوۆا كوشەسىنەن جاڭگىر كوشەسىنە باعىت العان بويدا جول جيەگىنە سوكتىعىسقان. كۋاگەرلەردىڭ مالىمدەۋىنشە اۆتوكولىك جۇرگىزۋشىسى ءرۋلدى باسقارا الماي, جوعارى جىلدامدىقپەن كەلىپ, اۋدارىلىپ كەتكەن جانە جيھاز شىعاراتىن تسەحتىڭ جارىنا تۇيىسكەن.
اپاتتىڭ سالدارىنان ەكى ادام سول مەزەتتە قازا تاپتى. تاعى ءبىر جولاۋشى جەدەل جاردەممەن وبلىستىق اۋرۋحاناعا جەتكىزىلىپ, ەمشارا ۇستىندە قايتىس بولدى.
ال كولىك جۇرگىزۋشىسى مەديتسينالىق ساراپتامادان وتۋگە كەتكەن. جول-كولىك ورنىنان تۇسكەن قالعان مالىمەتتەر زەرتتەلىپ جاتىر.
تەمىر قۇسايىن.
دەرەك, فوتو: mygorod.kz.