شىمكەنت. 23 مامىر. قالادا كەشە 12 جاسار قىز بالا اياق استىنان جوعالىپ كەتتى. بۇل تۋرالى قالالىق ىشكى ىستەر باسقارماسى ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
حابارلانعانداي, بۇگىن شىمكەنت قالالىق ىشكى ىستەر باسقارماسىنا قاراستى قاراتاۋ پوليتسيا بولىمشەسىنە «نۇرسات» شاعىن اۋدانىندا تۇراتىن 34 جاستاعى ايەل ءوزىنىڭ 2004 جىلى تۋعان, №80 ورتا مەكتەپتىڭ 5-سىنىبىندا وقيتىن ناسىر بالنۇر باقىتجانقىزى ەسىمدى جاسى كامەلەتكە جەتپەگەن قىزىنىڭ ءىز-ءتۇزسىز جوعالىپ كەتكەنىن ايتىپ, شاعىمدانىپ كەلگەن. ول ۇيدەن 22 مامىر كۇنى ساعات 21:00 شاماسىندا شىعىپ كەتىپ, سودان قايتىپ ورالماعان.
پوليتسەيلەر اتالمىش فاكتىنى ت ىركەۋگە الىپ, كامەلەتكە تولماعان بالنۇر ناسىردىڭ جۇرگەن جەرىن انىقتاۋ ءۇشىن وبلىستاعى بارلىق ىشكى ىستەر بولىمدەرىنە باعىتتامالار جىبەردى.
جوعالعان قىزدى ىزدەستىرۋ ماقساتىندا وبلىستىق ىشكى ىستەر دەپارتامەنتى كريمينالدى پوليتسياسى, قاراتاۋ پوليتسيا بولىمشەسى جانە دەپارتامەنتتىڭ باسقا دا بولىمشەلەرى قىزمەتكەرلەرىنەن قۇرالعان جەدەل-ىزدەستىرۋ توبى جاساقتالدى.
قىزدىڭ بەلگىلەرى مىناداي: بويى شامامەن 150-155 سم, ورتا دەنەلى, كوزى قارا, شاشى قارا.
جوعالار الدىندا ۇستىنە جاسىل ءتۇستى كوفتا, جاسىل ءتۇستى شالبار, كوكشىل ءتۇستى ساندال كيگەن.
وڭتۇستىك قازاقستان پوليتسەيلەرى جوعالعان ناسىر بالنۇر باقىتجانقىزىنىڭ جۇرگەن جەرلەرى جونىندە الدەقانداي اقپارلارى بار بلىس تۇرعىندارى مەن قوناقتارىنا 8-771-883-30-13, 8-747-909-99-66 نەمەسە 102 تەلەفوندارى بويىنشا ىشكى ىستەر دەپارتامەنتىنە حابارلاسۋدى نەمەسە شىمكەنت قالاسىنداعى جەلتوقسان, 13-ۇيگە كەلۋدى سۇرايدى.
باقتيار تايجان.
دەرەك, فوتو: وڭتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى.