استانا. 23 مامىر. اقش پرەزيدەنتتىگىنە رەسپۋبليكاشىلار پارتياسى اتىنان تۇسەتىن جالعىز ۇمىتكەر ءرولىن الۋعا تىم جاقىن قالعان ميللياردەر دونالد ترامپ ءوزىنىڭ پرەزيدەنتتىك ناۋقانىنا قازىرگە دەيىن $43 ميلليوننان استام قارجى جاراتىپ ۇلگەردى. بۇل تۋرالى ار اقپارىنا سۇيەنگەن egemen.kz ءتىلشىسى حابارلادى.
اگەنتتىك مۇنى ترامپتىڭ اقش فەدەرالدى سايلاۋ كوميسسياسىنا تاپسىرعان جاڭا قارجى ەسەبى بويىنشا تاراتقان. ال ريا «نوۆوستي» اگەنتتىگى ترامپتىڭ اقش پرەزيدەنتتىگىنە داۋىسقا تۇسەتىنى تۋرالى رەسمي تۇردە جاريا ەتكەن ۋاقىتىنان رەسپۋبليكاشىلار پارتياسى ساپىنان پرايمەريزگە (شتاتتار بويىنشا دەلەگاتتار اراسىندا وتەتىن العاشقى سايلاۋلار) قاتىسۋدان ەكى كانديدات باس تارتقان مامىر ايىنا دەيىن $56 ميلليونعا جۋىق اقشا جۇمساعانىن جازادى. ءساۋىر ايىندا تەحاس شتاتىنان سايلانعان سەناتور تەد كرۋز بەن وگايون شتاتىنىڭ گۋبەرناتورى دجون كەيسيك ۇشەۋىنىڭ اراسىندا وتكەن دەلەگاتتار داۋىستارى ءۇشىن كۇرەستە ترامپتىڭ $9,4 ميلليونعا جۋىق اقشا شاشقانى, مۇنىڭ 7,5 ميلليونى ءوز قالتاسىنان شىققانى بەلگىلى بولدى.
تالعات رايىمبەك.
دەرەك, فوتو: ريا نوۆوستي.