استانا. 22 مامىر. شري-لانكادا تولاسسىز جاۋعان جاڭبىردىڭ سوڭى سۋ تاسقىنى مەن لاي كوشكىنىنە ۇلاسىپ, 82 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
توسىن تابيعات اپاتى ارانەيەيك اۋدانىنا ايتارلىقتاي شىعىن كەلتىردى. مالىمەتتەر بويىنشا, بۇل جەردە 500 مىڭ ادام باسپاناسىز قالعان. قازىر 200 مىڭعا جۋىق تۇرعىن ۋاقىتشا ۇيلەرگە ورنالاستىرىلدى. ارنايى قۇرىلعان توپ ىزدەۋ-قۇتقارۋ جۇمىستارىن جۇرگىزۋدە. قيراندىلار استىندا 140-تان استام ادام بار دەگەن بولجام جاسالدى.
وسىعان دەيىن 76 ادامنىڭ وپات بولعانى حابارلانعان. دارىگەرلەر مەن شۇعىل قىزمەت كورسەتۋ ورتالىقتارى زارداپ شەككەندەرگە بارىنشا كومەك كورسەتىپ جاتىر. الايدا, اۋا رايىنىڭ قولايسىزدىعى بۇل جۇمىستارىن تولىق اتقارۋعا كەدەرگى جاساۋدا.
ايان ءابدۋالي.
دەرەك, فوتو: ريا «نوۆوستي».