اسكەريلەر ءان سالادى

ماۋسىم ايىندا استانادا اسكەري وركەسترلەردىڭ «الەم اسپابى-2016» فەستيۆالى وتەدى. وسى بايقاۋدا العاش رەت قازاقى ناقىشتاعى اۋەندەر شىرقالادى. فەستيۆالعا شانحاي ىنتى­ماق­تاستىق ۇيىمىنا مۇشە مەم­لەكەتتەردىڭ  اسكەري وركەسترلەرى قاتىسادى.  ءبىزدىڭ ەلدەن بايقاۋعا قارۋلى كۇشتەردىڭ ۇلتتىق ءاس­كە­ري-پاتريوتتىق ورتالىعى ءاس­كەري وركەسترىنىڭ مۋزىكانتتارى قاتىسىپ, سازگەرلەرىمىزدىڭ تانىمال مۋزىكالىق شىعار­ما­لارى مەن قازاقتىڭ حالىق ءان­دە­رىنەن قۇرالعان ءپوپۋرريدى ايتادى. مۋزىكانتتار رەپەرتۋارىندا «دوس-مۇقاسان» ۆوكالدى-اسپاپ­تىق ءانسامبلىنىڭ اۋەندەرىنەن قۇرالعان پوپۋرري, حالىق ءانى «بەلەس-بەلەس», ب.جەلدىرباەۆتىڭ «شا­بىت شىڭىندا» اتتى شىعار­مالار بار. ودان باسقا, ءار ەلدىڭ اسكەري وركەسترى 8-10 مينۋتتىق دەفيلە ۇسىنادى. قازاقستاندىق مۋزىكانتتاردىڭ جاڭا باعدار­لاماسىندا وركەستردىڭ ارتىستەرى عانا ەمەس, قۇرمەت قاراۋىلى روتاسى مەن قورعانىس مينيسترلىگى ورتالىق ءانسامبلىنىڭ بيشىلەرى دە ونەر كورسەتەدى. فەستيۆالدىڭ گالا-كونتسەرتى 8 ماۋسىمدا «استانا وپەرا» تەاترى­نىڭ الدىندا وتەدى. داستان كەنجالين, «ەگەمەن قازاقستان»