جەرورتا تەڭىزىنە قۇلادى
كەشە ەگيپەتتىڭ EgyptAir اەروكومپانياسىنىڭ Airbus ا320 ۇشاعى جەرورتا تەڭىزىنىڭ ۇستىندە ۇشىپ كەلە جاتىپ اپاتقا ۇشىرادى. اقپارات قۇرالدارى حابارلاعانداي, پاريجدەن كايرگە بەت العان MS804 رەيسىن ورىنداۋشى اۋە كەمەسى ەگيپەت جاعالاۋىنا 80 شاقىرىم قالعاندا تەڭىزگە قۇلاعان. اۋەلگىدە كومپانياداعىلار لاينەردىڭ گرەكيا اۋە كەڭىستىگىندە راداردىڭ بەتىنەن جوعالىپ كەتكەنىن جەتكىزدى. سوڭىنان ونىڭ مىسىردىڭ اۋماعىنا ءوتىپ ۇلگەرگەنى انىقتالدى.
اەروبۋستى ىزدەۋگە ەگيپەت پەن گرەكيانىڭ اسكەري اۆياتسيالارى اتسالىستى. اۆياكومپانيا سونداي-اق بولعان وقيعاعا بايلانىستى شۇعىل تۇردە جەدەل شتاب قۇردى. ونىڭ قۇرامىنا بارلىق اۆياتسيالىق قىزمەتتىڭ وكىلدەرى كىردى.
بىرقاتار باق-تاردىڭ مالىمەتتەرىنشە, EgyptAir ۇشاعى جوعالماس بۇرىن ونىمەن بايلانىس ءۇزىلىپ قالعان. ەكيپاج سوعان دەيىن پيلوتتار كابيناسىنان ءتۇتىن شىعا باستاعانىن جەتكىزىپ ۇلگەرگەن. MS804 رەيسى ءپاريجدىڭ «شارل دە گولل» اەروپورتىنان 18 مامىر كۇنى جەرگىلىكتى ۋاقىتپەن 23:09 ساعاتتا ۇشىپ شىققان. ونىڭ بورتىندا 58 جولاۋشى مەن 10 ەكيپاج مۇشەسى بولعان. ولاردان ەشكىم امان قالعان جوق.
كەيىننەن جوعالعان ۇشاقتىڭ قيراندى قالدىقتارى گرەكتىڭ كارپاتوس ارالىنىڭ وڭتۇستىك بەتىنەن تابىلعانى بەلگىلى بولدى.
«ەگەمەن-اقپارات»