ورتالىق كوممۋنيكاتسيالار قىزمەتىندە جەر رەفورماسى بويىنشا كوميسسيانىڭ ءبىرىنشى اپتاداعى جۇمىسى قورىتىندىلاندى. وعان پرەمەر-ءمينيستردىڭ ءبىرىنشى ورىنباسارى, جەر رەفورماسى بويىنشا كوميسسيانىڭ توراعاسى باقىتجان ساعىنتاەۆ, كوميسسيا توراعاسىنىڭ ورىنباسارلارى «نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەد, اۋىل شارۋاشىلىعى ءمينيسترى اسقار مىرزاحمەتوۆ قاتىستى.
«ەلباسىنىڭ تاپسىرماسىمەن قۇرىلعان جەر رەفورماسى جونىندەگى كوميسسيا وتكەن سەنبىدە ءوز جۇمىسىن باستاعان بولاتىن. سول ءبىر اپتا ارالىعىندا اتقارىلعان ءىس-شارالار تۋرالى مالىمەت بەرەيىك دەپ وتىرمىز. وتكەن سەنبىدەگى وتىرىستا ايتىلعانداي, اۋىل شارۋاشىلىعى مينيسترلىگى جانىنان شتاب قۇردىق, سول شتاب ءوز جۇمىسىن باستاپ كەتتى. جəنە كوميسسيانىڭ حاتشىلىعى دا ءوز جۇمىسىن باستادى. قازىر كوميسسيا مۇشەلەرى ايتقان جəنە قاراپايىم حالىقتان كەلىپ جاتقان ۇسىنىستاردىڭ بارلىعى شتابتا تالقىلانىپ, سەنبى, 21 مامىر كۇنگى كەزەكتى وتىرىسىمىزدا قورىتىندى شىعارىلادى. وعان قوسا, كوميسسيانىڭ call-ورتالىعى جۇمىس ىستەيدى. تەلەفون ءنومىرى – 1434. بۇل ءنومىردى دە وتكەن سەنبى كۇنى جاريا ەتكەنبىز. سودان بەرى, ياعني ءبىر اپتا ءىشىندە وسى ءنومىر ارقىلى ايماقتاردان 700-دەن استام ۇسىنىس قابىلداندى, دەپ ءمəلىم ەتتى باقىتجان ساعىنتاەۆ.
«ۇسىنىستاردىڭ ەشبىرى قاراۋسىز قالمايدى, – دەپ ۋəدە ەتتى ب.ساعىنتاەۆ. – جەر ءماسەلەسىنە قاتىستى ۇسىنىستاردىڭ بارلىعى كوميسسيانىڭ قاراۋىنا شىعارىلادى. سونىمەن قاتار, əلەۋمەتتىك جەلىلەردە جانە بۇقارالىق اقپارات قۇرالدارىندا جازىلىپ جاتقان ۇسىنىس-پىكىرلەردىڭ بارلىعى قارالىپ جاتىر. بۇعان قوسىمشا, الماتى مەن استانا قالالارىنىڭ جانە وبلىس اكىمدەرىنىڭ جانىنان قۇرىلعان قوعامدىق كەڭەستەر ءوز جۇمىستارىن بىزبەن قاتار باستادى. قازىرگى كەزدە ولار ءوزدەرىنىڭ كەزدەسۋلەرىن وتكىزۋدە. ولاردا دا وسى ماسەلەگە بايلانىستى سۇراقتاردىڭ بارلىعى تالقىلانادى. قاجەتتى ۇسىنىستار, وي-پىكىرلەر بولسا, ونىڭ ءبارى كومياسسيا قاراۋىنا جىبەرىلەدى.
ياعني, بارلىق ۇسىنىستار قارالاتىن بولادى دەي الامىز. بۇعان قوسا, «نۇر وتان» پارتياسى بۇل ىسكە بەلسەندى تۇردە كىرىستى. ءوزىنىڭ وبلىستارداعى فيليالدارىمەن بىرگە جۇمىسىن باستاپ كەتتى. ءƏربىر ادام وسى جاندى تاقىرىپ جايلى ءوزىن تولعاندىرعان ويىن جەتكىزە الادى. ەلباسى اتاپ وتكەندەي, «جەر ءۇشىن شىن جانى اۋىراتىن ادام ءوز ويىن اشىق ايتۋى كەرەك. سول سەبەپتەن دە مەن بارشاڭىزدى وسى ماسەلەنى بەلسەندى تالقىلاۋعا شاقىرامىن».
وتكەن سەنبىدە كوميسسيا مۇشەلەرىنىڭ تاراپىنان كوميسسيا جۇمىسىن باستاعان سوڭ, بەلگىلى ءبىر جۇمىس توپتارىن قۇرىپ, ءار جۇمىس توبى ءوز باعىتىندا جۇمىس ىستەسىن دەگەن ۇسىنىس ايتىلعان ەدى. سول ۇسىنىس قابىلدانىپ, قازىر ءتورت توپ قۇرىلعان. ءبىرىنشى جۇمىس توبى – ەكونوميكالىق, ەكىنشىسى – قۇقىق سالاسىن قامتيتىن, ءۇشىنشىسى – رەسىمدەردىڭ زاڭدىلىعى مەن اشىقتىعىن قامتاماسىز ەتۋ توبى, ءتورتىنشى جۇمىس توبى كوميسسيا شەشىمدەرىن ءتۇسىندىرۋ مەن اقپاراتتاندىرۋ توبى بولادى.
ب.ساعىنتاەۆ ءتۇسىندىرىپ ءوتكەندەي, جەر رەفورماسى بويىنشا كوميسسيانىڭ شتابى قازىر كوميسسياعا مۇشە ءاربىر ادامنىڭ پىكىرىن ءبىلىپ, قاي جۇمىس توبىندا جۇمىس ىستەۋگە نيەتى بار ەكەنىن انىقتاپ جاتىر. «كەلەسى وتىرىسىمىزدا, ياعني الداعى سەنبى, 21 مامىر كۇنى ءتورت توپتىڭ قۇرامى مەن توپتاردىڭ جەتەكشىلەرى بەكىتىلەدى», دەدى ب.ساعىنتاەۆ.
كوميسسيا توراعاسى اتاپ وتكەندەي, كەلەسى وتىرىستاردىڭ بارلىعى بەلگىلى ءبىر باعىتقا ارنالىپ وتەدى. مىسالى, وسى سەنبىدەگى كوميسسيانىڭ وتىرىسى جەر كودەكسىندە جەردى ساتۋ ماسەلەسى جوق ەكەنىن تالقىلاپ, تۇسىندىرۋگە ارنالادى. كوميسسيا ماۋسىم ايىنان باستاپ وڭىرلەرگە شىعۋدى جوسپارلاپ وتىر. وڭىرلەرگە شىققاندا اكىمدىكتەردىڭ جانىنان قۇرىلعان قوعامدىق كەڭەستەرمەن جانە سول جەرلەردەگى قوعامدىق ۇيىمدارمەن بىرلەسە وتىرىپ وسى ماسەلەنى ءاربىر وڭىردە تالقىلايدى.
بۇرىن ۇلتتىق ەكونوميكا مينيسترلىگىنە قاراعان جەر ماسەلەسىمەن ەندى اۋىل شارۋاشىلىعى مينيسترلىگى اينالىساتىن بولدى. اتاپ ايتقاندا, اۋىل شارۋاشىلىعى مينيسترلىگىنىڭ ىشىنەن جاڭادان جەر رەسۋرستارىن باسقارۋ كوميتەتى قۇرىلدى. بۇل تۋرالى اۋىل شارۋاشىلىعى ءمينيسترى اسقار مىرزاحمەتوۆ ءمالىم ەتتى.
«ەلباسىنىڭ جارلىعىنا سايكەس, ۇلتتىق ەكونوميكا مينيسترلىگىنە قاراعان جەر ماسەلەسىن اۋىل شارۋاشىلىعى مينيسترلىگىنە بەرۋ تۋرالى شەشىم قابىلداندى. وسىعان وراي, سەيسەنبى كۇنى ۇكىمەت وتىرىسىندا اۋىل شارۋاشىلىعى مينيسترلىگىنەن ارنايى كوميتەت, ياعني جەر رەسۋرستارىن باسقارۋ كوميتەتىن قۇرۋ تۋرالى شەشىم قابىلداندى. ۇلتتىق ەكونوميكا مينيسترلىگىندە ىستەگەن قىرىق جەتى قىزمەتكەر اشم ىشىنەن قۇرىلعان وسى كوميتەتكە اۋىسىپ جاتىر», دەدى مينيستر. ا.مىرزاحمەتوۆتىڭ مالىمەتىنە سۇيەنسەك, call-ورتالىعىنا كەلىپ تۇسكەن وسى 700 ۇسىنىس-پىكىردىڭ 90 پايىزى جەردى جەكەمەنشىكتە پايدالانۋ توڭىرەگىندە بولىپ وتىر ەكەن.
دينارا بىتىكوۆا,
«ەگەمەن قازاقستان»