پىكىرلەر .
بۇگىندە بالاباقشاعا باراتىن جاسقا تولسا دا ءتىلى شىقپاي بىلدىرلاپ جۇرگەن بوبەكتەردىڭ كوبەيىپ جاتقانى ءجيى بايقالادى. بالا دامۋىنداعى بۇل كىدىرىستىڭ ەڭ نەگىزگى سەبەبىنىڭ ءبىرى – گادجەتتەردىڭ كەرى اسەرى. بەلەڭ الىپ بارا جاتقان جاعدايدى ايتىپ قانشا جەردەن بايبالام سالعانىمەن، بۇعان قاتىستى ءالى ناقتى بايلام جوق. تەحنولوگيانىڭ ىقپالىنان تۋعان قوعامداعى وسىناۋ وزگەرىستەر الەۋمەتتانۋ عىلىمىندا مادەني كەشىگۋ دەپ سيپاتتالادى.
29 مامىر، 2022
«مۇعالىم – مەكتەپتىڭ جۇرەگى». جۇرەك ءاۋ باستان تازالىق، ادالدىق، ىزگىلىك سياقتى قاسيەتپەن استاسقان ۇعىم رەتىندە قالىپتاسقاندىقتان، ۇستازداردى ءدال وسىنداي سيپاتقا لايىق كورىپ، قادىر تۇتامىز. بىراق كەيىنگى كەزدەرى كەيبىر مۇعالىمدەردىڭ بىلىكتىلىگىن كورسەتەر تۇستا قاراۋلىق جاساپ، بەدەلىنە نۇقسان كەلتىرەر ارەكەتكە بارۋى تازالىقپەن تۇتاسقان تۇلعاعا دەگەن تۇسىنىگىمىزگە سىزات ءتۇسىرىپ ءجۇر.
13 ءساۋىر، 2022
«ۇستاز دەگەن شاكىرتىنىڭ شىراعىن جاعا ءبىلۋى كەرەك. مەن سۇلتاننىڭ شىراعىن جاعا المادىم». بۇل – ءوزىمىز جاقسى بىلەتىن «مەنىڭ اتىم قوجا» فيلمىندەگى راحمانوۆ اعايدىڭ بالا كەزىمىزدەن قۇلاعىمىزعا ءسىڭىستى بولىپ كەتكەن ءسوزى.ء دال وسىلاي ءوزىن جازعىراتىن راحمانوۆ اعاي ءبىزدىڭ سانامىزدا شاكىرت الدىنداعى جاۋاپكەرشىلىگىن تەرەڭ سەزىنەتىن ناعىز ۇستازدىڭ بەينەسىندە ساقتالىپ قالعان. وقۋشى كۇنىمىزدە مەيىر-شاپاعاتىن توگىپ، ساباعىن ىنتى-شىنتىسىمەن، ەرەكشە ىقىلاسىمەن بەرەتىن مۇعالىمىمىزدى راحمانوۆ اعايعا ۇقساتىپ جاقسى كورەتىنبىز. قازىر وسىنداي ۇستازدار بار ما ەكەن؟
17 اقپان، 2022
قوعامدىق قۇندىلىقتار، ادامدار اراسىنداعى قارىم-قاتىناس تۋرالى ءسوز قوزعالعاندا، بۇرىنعىمەن سالىستىرىپ قاراپ، بۇگىنگىگە كوبىنە كوڭىلتولماۋشىلىق بايقالىپ جاتاتىنى بار. مۇندايدا «زامان وزگەردى مە، الدە ادام وزگەردى مە؟» دەيتىن جاتتاندى ساۋالدىڭ قويىلۋى دا زاڭدىلىققا اينالعانى قاشان؟! قالاي دەگەنمەن دە زاماندى جاسايتىن دا، زاماندا جاسايتىن دا ادام. ال ۋاقىت وتكەن سايىن بۋىن الماسىپ، جاڭا ادامدار، جاڭا كوزقاراستار تۋادى.
04 قاراشا، 2021
ەل باسىنا كۇن تۋعان قانداي قيىن-قىستاۋ زامان بولسىن، قازاق حالقىنىڭ قايىرىمدى، قامقور قالپىنان اينىماعانىنا تاريح كۋا. الاپات ىندەت شارتاراپتى شىر اينالدىرعان قازىرگى شىرعالاڭ شاقتا دا بولمىسىمىزعا بىتكەن شاراپاتشىل، مەيىربان سياقتى اسىل قاسيەتىمىزدەن اجىراپ قالماعانىمىزدى كورىپ وتىرمىز. اعايىننىڭ عانا ەمەس، ادامزاتتىڭ اماندىعى قايعى بولىپ تۇرعان الماعايىپ كەزەڭدە جاقىنىڭا جاناشىر بولۋ قۇر ۇران كۇيىندە قالماي، ءىس جۇزىندە ىزگى امالدارعا باستاپ جاتقانى راس.
26 شىلدە، 2021
قازىرگى قوعامنىڭ اسا قاۋىپتى قۇبىلىسى – اسىل جاستىعىن تارك ەتىپ، انا دۇنيەگە اسىعاتىنداردىڭ قاتارى ازايماي تۇرعانى. ەكى كۇننىڭ بىرىندە جانىن قيىپ، ءجانتاسىلىم ەتكەن جاعدايدى ەستي-ەستي ەتىمىز دە ۇيرەنىپ بارادى. جاقىندا عانا جاريا بولعان جىل باسىنان بەرى 84 ءجاسوسپىرىمنىڭ وزىنە ءوزى قول جۇمساعانى تۋرالى حابار جانىمىزدى تۇرشىكتىردى. ايدىڭ-كۇننىڭ امانىندا وسىنشاما جاس ءومىردىڭ قيىلۋى – ۇلكەن قاسىرەت.
15 ماۋسىم، 2021
جەر-جاھان، ادامزات تۇتاستىعىنىڭ، تىنىشتىعىنىڭ ساقشىسى – مەيىرىم. بۇل، البەتتە، اۋەلدەن ەستىپ جۇرگەن «الەمدى مەيىرىم قۇتقارادى» دەگەن ۇعىممەن ۇندەس ەكەنى انىق. ال وسى مەيىرىم تۇنعان مەكەن، بەيبىتشىلىك بەسىگى – وتباسى. سوندىقتان بۇكىل دۇنيەنىڭ بۇتىندىگىنە باسىمدىق بەرەتىن بۇۇ 1993 جىلدان باستاپ 15 مامىردى حالىقارالىق وتباسى كۇنى دەپ بەكىتكەن.
14 مامىر، 2021
بۇگىندە «ەكى قولعا ءبىر كۇرەك» ىزدەگەندەردىڭ الدىنان وسىنداي حابارلاندىرۋ كوپتەپ كەزدەسىپ جاتادى. «ىزدەگەنگە – سۇراعان» دەگەندەي، سۇرانىسقا ساي اينالامىزدان كۋرەر بولىپ كۇنەلتىپ جۇرگەندەردى ءجيى بايقايمىز. راسىندا، ەل باسىنا ىندەت قاۋپى ءتونىپ، ەمىن-ەركىن ءجۇرىس-تۇرىسىمىز شەكتەلگەن شىرعالاڭ شاقتا ۇيدەن شىقپاي، كۋرەر قىزمەتىنە جۇگىنۋدى ءجون كورە باستادىق.
19 اقپان، 2021
بالا – ءبىزدىڭ بولاشاعىمىز. بولاشاعىمىز جارقىن بولۋى ءۇشىن بالدىرعانداردىڭ باقىتتى بالالىق شاعىن قامتاماسىز ەتۋ ماڭىزدى. بۇگىندە بالانىڭ الاڭسىز ءبىلىم الۋىنا، دۇنيەتانىمىن، قارىم-قابىلەتىن دامىتۋعا جاعداي جاساۋ جانە قولايلى قورشاعان ورتا قالىپتاستىرۋ بولاشاققا سالىنعان ءتيىمدى ينۆەستيتسيا رەتىندە باعالانادى. وكىنىشكە قاراي، بۇل يگىلىكتەن بالدىرعانداردىڭ كوبى قۇر قالىپ جاتادى.
28 قاڭتار، 2021
كەساپات ىندەت كەلىپ، قوعامنىڭ تالاي كەرتارتپا كەم-كەتىگىن كورسەتىپ بەردى. اسىرەسە كارانتين كەزىندە تۇرمىستىق زورلىق-زومبىلىق ماسەلەسىنىڭ زورايىپ بارا جاتقانى قاتتى بايقالدى. بۇل رەتتە جۇبايىنا جۇدىرىق جۇمساعان جاعداي عانا جۇرتقا ءجيى ايان بولىپ جاتادى. ال كۇش قولدانباي-اق سەرىگىنىڭ ساناسىن سانسىراتىپ، كۇن بەرمەيتىندەر دە كوپتەپ كەزدەسەدى.
23 قازان، 2020
الەمدى ابىگەرگە سالعان ىندەتتىڭ قارقىنىن ازىرگە الەۋمەتتىك اراقاشىقتىق ساقتاپ قانا السىرەتە الامىز. شاراسىزدان جاسالىپ جاتقان بۇل قادامنىڭ كەرى اسەرى – وقشاۋلانعان جۇرتتىڭ قارىم-قاتىناسىن ونلاين بايلانىس قامتاماسىز ەتىپ، ينتەرنەتكە تاۋەلدىلىك شامادان تىس اسىپ كەتتى. سوندىقتان گادجەتتەن قاشىقتىق ۇستاۋدىڭ دا ماڭىزى ارتا ءتۇستى.
23 قىركۇيەك، 2020
مەملەكەتتىك ءتىل: ەستىر قۇلاق ەستى بولسا...
بۇقارا مەن بيلىك اراسىنىڭ الشاقتاپ كەتكەنىن ايقىنداعان شەتىن جاعدايلار دەر كەزىندە كوپشىلىكتىڭ تىلىندە ديالوگ ورناتا الماعان شەنەۋنىكتەرگە اجەپتاۋىر سىن بولعانى انىق. ونسىز دا وڭالماي تۇرعان ءىستى، قوعامنىڭ ولقى تۇسىن قوزعاعاندا مەملەكەتتىك قىزمەتشىلەردى مىنەۋ ازايعان ەمەس. الايدا ەل ءىسىن ۇيلەستىرەر مەملەكەتشىل تۇلعانىڭ مەملەكەتتىك تىلگە كەلگەندە ءمۇلت كەتۋىنە بولمايدى.
28 مامىر، 2020
قانشالىقتى قيسىندى ەكەنىن قايدام، قازىرگى ءبىزدىڭ قوعام «قازاقتى نە قۇرتادى؟» دەگەن قىڭىر ساۋالمەن باس قاتىرىپ، قىزىلكەڭىردەك بولىپ قىرقىسىپ جاتادى. ورتاعا وسىنداي سۇراق تاستالعاندا تالاسىپ، تارتىسىپ وتىرىپ، جىپكە تىزگەندەي تالاي كەرتارتپا كەم-كەتىگىمىز تۇگەندەلىپ قالادى. تاياقتىڭ ءبىر ۇشى توقمەيىل پەيىلدى تاۋبەشىلدىگىمىزگە كەلىپ تيەدى.
27 ناۋرىز، 2020
