فوتو: istockphoto.com
ءمينيستردىڭ ايتۋىنشا, ترانسفەرتتەردى ەسەپتەمەگەندە رەسپۋبليكالىق بيۋدجەتتىڭ مەنشىكتى كىرىستەرى 15,3 ترلن تەڭگەگە جەتىپ, 2024 جىلمەن سالىستىرعاندا 1,8 ترلن تەڭگەگە ارتقان.
«سالىقتىق تۇسىمدەر 2,2 ترلن تەڭگەگە نەمەسە 17,5%-عا ءوستى. جالپى ءوسىم كورپوراتيۆتىك تابىس سالىعى مەن قوسىلعان قۇن سالىعى بويىنشا تۇسىمدەردىڭ ۇلعايۋى, يمپورتتىڭ ءوسۋى, سونداي-اق اكىمشىلەندىرۋ تيىمدىلىگىنىڭ ارتۋى ەسەبىنەن قامتاماسىز ەتىلدى», دەدى مينيستر.
ءمادي تاكيەۆتىڭ سوزىنشە, كورپوراتيۆتىك تابىس سالىعى بويىنشا تۇسىمدەر 880 ملرد تەڭگەگە ءوسىپ, 4,5 ترلن تەڭگەگە جەتكەن. ال قوسىلعان قۇن سالىعى 932,5 ملرد تەڭگەگە ارتىپ, 6,1 ترلن تەڭگەنى قۇراعان.
مەملەكەتكە قايتارىلعان قارجى: بالقاش اۋرۋحاناسى جاڭا كەلبەتكە يە بولدى
مينيستر مەملەكەت بيزنەس الدىنداعى مىندەتتەمەلەرىن ورىنداۋدى جالعاستىرىپ جاتقانىن اتاپ ءوتتى. 2025 جىلى بيۋدجەتتەن 1 ترلن 354 ملرد تەڭگە قوسىلعان قۇن سالىعى قايتارىلعان. وسىلايشا ەل قازىناسىنا وتكەن جىلمەن سالىستىرعاندا 138 ملرد تەڭگە ارتىق قاراجات تۇسكەن.
ەسكە سالا كەتەيىك, بۇعان دەيىن ەنەرگەتيكا ءمينيسترى ەرلان اقكەنجەنوۆ قازاقستاندا جانارماي باعاسى 3-4 تەڭگەگە وسكەنىن مالىمدەدى.
