وقيعا 5 ماۋسىم كۇنى ەلوردانىڭ الماتى اۋدانىندا, №13 مەكتەپتىڭ ماڭىندا بولعان. الەۋمەتتىك جەلىلەردە تاراعان ۆيدەودا بەلگىسىز ەر ادامنىڭ شامامەن 9-11 جاستاعى بالانى كۇشتەپ ۇستاپ, ەسكى دوڭگەلەكتەر ۇيىلگەن قاراۋسىز اۋلاعا قاراي الىپ بارا جاتقانىن كورۋگە بولادى.
كۋاگەرلەردىڭ ايتۋىنشا, وقيعاعا بەيجاي قاراماعان تۇرعىندار دەرەۋ ارالاسىپ, بالانى ەر ادامنىڭ قولىنان بوساتىپ العان. كەيىن ولار پوليتسيا شاقىرعان.
استانا قالالىق پوليتسيا دەپارتامەنتى اتالعان فاكتى بويىنشا 56 جاستاعى ازاماتتىڭ ۇستالعانىن راستادى. قازىر وقيعانىڭ بارلىق ءمان-جايىن انىقتاۋ ءۇشىن قاجەتتى پروتسەسسۋالدىق شارالار جۇرگىزىلىپ جاتىر.
استانادا 82 جاستاعى قاريا شوبەرەسىنە زورلىق-زومبىلىق كورسەتكەنى ءۇشىن 20 جىلعا سوتتالدى
ءتارتىپ ساقشىلارىنىڭ مالىمەتىنشە, بالانىڭ زاڭدى وكىلى پوليتسياعا ارىز جازۋدان باس تارتقان. سوعان قاراماستان قۇقىق قورعاۋ ورگاندارى تەكسەرۋ جۇمىستارىن جالعاستىرىپ, ەر ادامنىڭ ارەكەتىنە زاڭ اياسىندا قۇقىقتىق باعا بەرىلەتىنىن مالىمدەدى.
قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر.
