فوتو: Polisia.kz
جىل باسىنان بەرى قازاقستاننىڭ قۇقىق قورعاۋ ورگاندارى ىزدەستىرىپ جۇرگەن 80 ادام شەتەلدە انىقتالىپ, ونىڭ 47-ءسى ۇستالدى.
سونىمەن قاتار رەسپۋبليكا اۋماعىندا شەت مەملەكەتتەردىڭ باستاماسىمەن ىزدەۋدە جۇرگەن 371 ادامنىڭ جۇرگەن جەرى انىقتالدى. ولاردىڭ 107-ءسى قولعا ءتۇستى.
سەمەيدە تۋىستارىنىڭ ۇيىنە قارۋ اسىنىپ بارعان ەر ادام ۇستالدى
استانادا كريمينالدىق پوليتسيا قىزمەتكەرلەرى اسا ءىرى كولەمدەگى الاياقتىق ءىسى بويىنشا مەملەكەتارالىق ىزدەۋدە جۇرگەن كۇدىكتىنى ۇستادى. تەرگەۋ مالىمەتىنە سايكەس, ول الماتى قالاسىندا تۇرعىن ءۇي كەشەنىن سالۋ سىلتاۋىمەن ۇلەسكەرلەردىڭ اقشاسىن زاڭسىز يەمدەنگەن. كەلتىرىلگەن شىعىن كولەمى شامامەن 1,5 ميلليارد تەڭگەنى قۇرايدى.
الماتىدا قازاقستان رەسپۋبليكاسى ءىىم ينتەرپول ۇلتتىق ورتالىق بيۋروسىنىڭ سۇراۋى بويىنشا حورۆاتيانىڭ قۇقىق قورعاۋ ورگاندارىمەن حالىقارالىق ىزدەۋگە جاريالانعان شەتەل ازاماتى ۇستالدى. ول اقشا جىمقىرۋ جانە ونى زاڭداستىرۋمەن اينالىسقان قىلمىستىق توپتى ۇيىمداستىردى دەگەن كۇدىككە ىلىنگەن. الدىن الا مالىمەت بويىنشا كەلتىرىلگەن شىعىن كولەمى شامامەن 30 ميلليون ەۋرونى قۇرايدى.
شيەلىدە كانالدان ءمايىتى تابىلعان قىزدىڭ ولىمىنە كۇدىكتى ۇستالدى
تبيليسيدە قازاقستان ءىىم-ءنىڭ سۇراۋى بويىنشا حالىقارالىق ىزدەۋدە جۇرگەن قازاقستان ازاماتى ۇستالدى. قازىرگى ۋاقىتتا ونى ەلگە ەكستراديتسيالاۋ ماسەلەسى قاراستىرىلىپ جاتىر. ول اۆتوكولىك ساتۋ بارىسىندا بىرنەشە الاياقتىق ارەكەت جاساپ, جابىرلەنۋشىلەرگە 118 ميلليون تەڭگەدەن استام شىعىن كەلتىردى دەگەن كۇدىككە ىلىنگەن.
مولدوۆا اۋماعىندا قازاقستاننىڭ قۇقىق قورعاۋ ورگاندارىنىڭ باستاماسىمەن حالىقارالىق ىزدەۋدە جۇرگەن شەتەل ازاماتى ۇستالدى. تەرگەۋ مالىمەتىنشە, ول قاراعاندى وبلىسىنداعى ەسىرتكى زەرتحاناسىنىڭ قىزمەتىن كريپتوۆاليۋتا اۋدارىمدارى مەن مەسسەندجەرلەر ارقىلى ۇيلەستىرىپ, قارجىلاندىرعان. بۇعان دەيىن اتالعان زەرتحانا جويىلىپ, زاڭسىز اينالىمنان ەسىرتكى زاتتارى, جابدىقتار جانە پرەكۋرسورلار تاركىلەنگەن بولاتىن.
ىشكى ىستەر مينيسترلىگى قىلمىستىق جاۋاپكەرشىلىكتەن جاسىرىنىپ جۇرگەن ادامداردى انىقتاۋ, ىزدەستىرۋ جانە ۇستاۋ جۇمىستارىن ەل اۋماعىندا دا, شەتەلدە دە جالعاستىرادى.
ايتا كەتەيىك, ۇقك شەكارا قىزمەتى 2026 جىلعى مامىردا قۇزىرلى ورگاندارمەن بىرلەسىپ, قازاقستان زاڭنامالارىن بۇزعان 3 881 ادامدى ۇستادى. ولاردىڭ ىشىندە 1 125-ءى – شەتەل ازاماتتارى.
