فوتو: قاراعاندى وبلىسىنىڭ اكىمدىگى
كاراعاندى وبلىسى اكىمدىگىنىڭ حابارلاۋىنشا, اۋەجايدا جاڭا ۇشۋ جانە قونۋ زالدارى پايدالانۋعا بەرىلگەن. قازىرگى ۋاقىتتا Vietjet Qazaqstan اۋە كومپانياسى استانادان كۇندەلىكتى رەيستەر ورىنداسا, SCAT اۋە كومپانياسى الماتى باعىتى بويىنشا اپتاسىنا التى رەت قاتىنايدى.
مەملەكەتتىك سۋبسيديالاۋ ەسەبىنەن قارجىلاندىرىلعان بيلەتتەردىڭ قۇنى ەكى باعىت بويىنشا دا شامامەن 16 مىڭ تەڭگەنى قۇرايدى.
«اۋەجايدى جاڭعىرتۋ مەملەكەت باسشىسىنىڭ تاپسىرماسى بويىنشا جۇرگىزىلدى. قاراجاتتىڭ 90 پايىزى رەسپۋبليكالىق بيۋدجەتتەن ءبولىندى, ونىڭ ءبىر بولىگى – قايتارىلعان اكتيۆتەر. 1960-شى جىلدارداعى عيمارات وتە ادەمى ساۋلەتپەن سالىنعان. ءبىزدىڭ باستى مىندەتىمىز ونىڭ تاريحي كەلبەتىن ساقتاپ قالۋ جانە سونىمەن بىرگە ىشكى جايلارىن تولىق جاڭعىرتۋ بولدى. ەندى اۋەجاي زاماناۋي تالاپتارعا جاۋاپ بەرەدى», دەدى كولىك جانە اۆتوموبيل جولدارى باسقارماسىنىڭ باسشىسى ماقسات مۇقاشەۆ.
اۋەجايدا رۋلەجدىك جول مەن پەررون جاڭارتىلىپ, ارنايى تەحنيكالىق قىزمەت كورسەتۋ عيماراتى سالىنعان. سونداي-اق 10 بىرلىك اەرودروم تەحنيكاسى ساتىپ الىنعان.
قوسشى, قاراعاندى الدە پاۆلودار: استانانىڭ ەكىنشى اۋەجايى قاي باعىتتا سالىنۋى مۇمكىن؟
قازىرگى ۋاقىتتا نىسان ساعاتىنا 80 جولاۋشىنى قابىلداپ, قىزمەت كورسەتە الادى.
ەسكە سالا كەتەيىك, بۇعان دەيىن كەندىرلىدەگى اۋەجايدىڭ قاشان اشىلاتىنىن جازعان بولاتىنبىز.
