21 مامىرعا قاراعان ءتۇنى استانا-ششۋچينسك جولىندا تاعى دا اپات بولدى. الدىن الا مالىمەتتەر بويىنشا, Hyundai Tucson جۇرگىزۋشىسى جولدىڭ 95-ءشى شاقىرىمىندا بۇلانعا سوقتىعىسقان. جانۋار كەنەتتەن جولعا جۇگىرىپ شىققان. اپات سالدارىنان ەكى جولاۋشى اۋرۋحاناعا جەتكىزىلىپ, مەديتسينالىق كومەك كورسەتىلەدى.
جىل باسىنان بەرى اقمولا وبلىسىندا جانۋارلاردىڭ قاتىسۋىمەن سەگىز اپات تىركەلدى. ولاردىڭ كوپشىلىگى ورمان القاپتارى مەن جابايى اڭداردىڭ كوشى-قون جولدارى ارقىلى وتەتىن قالا ماڭىنداعى جولداردا بولدى.
پوليتسەيلەر جۇرگىزۋشىلەردەن, اسىرەسە قاراڭعىدا, وتە ساق بولۋ كەرەكتىگىن ەسكەرتەدى.
«جانۋارلاردىڭ ماۋسىمدىق كوشى-قون كەزەڭىندە كولىك جۇرگىزۋشىلەرى «جابايى جانۋارلار» جول بەلگىلەرىن كورگەندە جىلدامدىقتى تومەندەتۋى كەرەك. اسىرەسە كەشكىلىك ۋاقىتتا مۇقيات بولۋ قاجەت. قاۋىپسىز قاشىقتىقتى ساقتاپ, قوزعالىس كەزىندە الاڭداماۋى كەرەك», - دەلىنگەن حابارلامادا.
جول پولياتسياسى بۇلانمەن سوقتىعىسۋ جۇرگىزۋشىگە دە, كولىك ىشىندەگى جولاۋشىلارعا دا ۇلكەن قاۋىپ توندىرەتىندىگىن ەسكەرتەدى.
